Azã 7:12 - Farefare Ninkaré

¹² Tɩ nẽrba waasna tɔgra a yelle nẽr-kʋʋŋɔ la pʋam zozo'e, tɩ sɛba yetɩ: «A de la nẽr-sõŋɔ», tɩ basɛba yetɩ: «Ayɛɩ, a pã'asrɩ la nẽrba.»

ZE'ELEGO PAALEGA

¹² Ti gugeleŋɔ bɔna nɛrekuuŋɔ la puan Yezu yele. Ti sɛba yɛta ti, “A dela nɛresuŋɔ,” ti sɛba me yɛta ti, “Aayi, a pã'ahɛ la nɛrekuuŋɔ la.”

Azã 7:12 ပူးပေါင်းရင်းမြစ်များ

Amatie 10:25

La karẽnbia sãn wa ãna wʋ a karẽnsãama la, la tõntõnna sãn wa ãna wʋ a zuudãana la, la seke mɛ. Ban wi'iri yidãana la tɩ Abelzebuli n de Asũtãana la, ba wʋn tʋʋra a yire la dõma gãnna la bɛla.»

Amatie 21:46

Tɩ ba bɔɔra tɩ ba yõkɛ ẽ, dee zɔta nẽrba la, se'ere n soe la, ba sakɛ tɩ Azezi de la Nawẽnnɛ nõtɔ'ɔsa.

Amatie 27:63

ka yele ẽ yetɩ: «Zuudãana, tõma tẽrɩ tɩ põmpã'asʋm dãana wã, ẽn daan nãn vɔa la, a daan yetɩ: ‹Mam wʋn vo'oge dabsa atã daarɛ.›

Aluki 18:19

Tɩ Azezi yele ẽ yetɩ: «Bẽm tɩ fõn wi mam tɩ nẽr-sõŋɔ? Nẽra ka boe n ãn sõŋa, sãn dagna Nawẽnnɛ mã'a.

Aluki 23:47

Tɩ Rom sʋdaasɩ kɛ'ɛma yẽ lan ẽŋɛ se'em na, nã'asra Nawẽnnɛ yetɩ: «Asɩra, bʋraaga wã de la nẽr-sõŋɔ.»

Aluki 23:50

Bʋraaga ayɩla yʋ'ʋrɛ n daan de Azozɛfʋ. A de la Arimate tẽŋa nẽra, dee dɛna Zifdõma sarɩyaditba nẽra ayɩla. A de la nẽr-sõŋɔ tɩ a ɩrgɔ wuu masɛ,

Aluki 6:45

Nẽr-sõŋɔ sũure n ãn sõŋa botɩ a tɔgra la bõn-sõma, la nẽr-be'ego sũure n ka ãn sõŋa botɩ a tɔgra la bõn-be'ero. Se'ere n soe la, bõn-sɛba n boe nẽrsaala sũurum n yesrɩ a nõorʋm.»

Aluki 7:16

Tɩ dabeem kẽ ba wuu, tɩ ba pẽgra Nawẽnnɛ yetɩ: «Nawẽnnɛ nõtɔ'ɔs-kãtɛ n wa'am tõma zẽ'am.» Dee le yetɩ: «Nawẽnnɛ n wa'am tɩ a sõŋɛ a nẽrba.»

Azã 6:14

Nẽrba la n yẽ Azezi n ẽŋɛ bõn-yãlma la, tɩ ba yetɩ: «Ẽna wã sɩrɩ de la Nawẽnnɛ nõtɔ'ɔsa la tɩ ba yetɩ a sẽm dũnia zuo la.»

Azã 7:32

Tɩ Farisi dõma wõm nẽrba la n waasnɩ Azezi yelle, tɩ bãma la Nawẽnnɛ kãabgɔ kẽma nẽŋadõma tõm gu'urba tɩ ba ka yõkɛ Azezi.

Azã 7:47

Tɩ Farisi dõma la soke ba yetɩ: «A pã'asɛ yãma mẽ yãŋɛ mɛ?

Azã 7:52

Tɩ ba lebse yele ẽ yetɩ: «Fõn mẽ de la Galile nẽra bɩɩ? Ɛ bɩsɛ, fʋ wʋn bãŋɛ tɩ Nawẽnnɛ nõtɔ'ɔsa ka ze'etɩ Galile.» [

Azã 9:16

Tɩ Farisi dõma basɛba yetɩ: «Nẽr-ẽna wã ka ze'ele Nawẽnnɛ zẽ'am wa'am, se'ere n soe la, a ka sakrɩ vo'osgo daarɛ sisgo.» Tɩ basɛba yetɩ: «Nẽra n de tõon-be'ero dãana wʋn ẽŋɛ la wãne tõm tõon-yãlma wãna?» Tɩ welgre kẽ Farisi dõma la tẽŋasʋka.

Tõoma 11:24

Se'ere n soe la, a daan de la nẽr-sõŋɔ, dee bɔ Azezi sɩra zo'oge, tɩ Nawẽnnɛ Sɩa bɔna la ẽ. La nẽrba zozo'e n daan pa'asɛ dɔla Zuudãana.

Aromduma 5:7

La de la toogo tɩ nẽra ki nẽra n masɛ ĩyã. La dase'ere, tã tɩ nẽr-sɛka wʋn yẽ bʋraanɛ sakɛ ki nẽr-sõŋɔ ĩyã.

Filipi 2:14

Ɩta-ya sɛla woo tɩ yõŋa, la nõkɛ'ɛma wẽ'a da bɔna.