Azã 6:53 - Farefare Ninkaré

⁵³ Tɩ Azezi yele ba yetɩ: «Mam yetɩ ya la sɩra sɩra, tɩ ya sãn ka di Nẽrsaala Dayʋa la ĩyã, la ya sãn ka yũ a zɩɩm, ya ka tarɩ vɔm na ya pʋam.

ZE'ELEGO PAALEGA

⁵³ Ti Yezu yele ba yeti, “Yelemɛŋerɛ yelemɛŋerɛ ti n yɛta wa, ti han dagena ya obe la mam asaala dayua wa inganɛ, gee nyu mam ziim, ya kan tara vom ya puan.”

Azã 6:53 ပူးပေါင်းရင်းမြစ်များ

Amatie 18:3

dee yele ba yetɩ: «Mam yetɩ ya la sɩra sɩra, tɩ ya sãn ka teege yɛm ãna wʋ kɔma la, ya kãn kẽ Nawẽnnɛ so'olʋm pʋam.

Amatie 5:18

Mam yetɩ ya la sɩra sɩra, tɩ saazuum la tẽŋa n wʋn yuuge se'em, sɛla sɛla kãn yese Nawẽnnɛ lɔɔ la pʋam baa fẽfẽe, halɩ tɩ sɛla woo wa ẽŋɛ ba'asɛ.

Amatie 8:20

Tɩ Azezi yele ẽ yetɩ: «Pɩɩna tarɩ yogro mɛ, tɩ niinto tara tʋgrɔ, la Nẽrsaala Dayʋa la ka tarɩ zẽ'a wʋn gã'arɛ vo'ose.»

Aluki 13:3

Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.

Aluki 13:5

Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.»

Azã 13:8

Tɩ Apɩyɛɛrɩ yele ẽ yetɩ: «Ayɛɩ! Fõn kãn peege mam nãma.» Tɩ Azezi lerge ẽ yetɩ: «Mam sãn ka peege fo, fʋ ka le tara pʋrɛ la mam.»

Azã 15:4

Bɔna-ya la mam lɛ, tɩ mam wʋn bɔna la ya. Wʋ tɩa wille n ka tã wʋn wɔm biɛ a to'ore tɩ a sãn ka bɔna la tɩa la, bɛla, ya mẽ sãn ka bɔna la mam, ya ka tã wʋn wɔm biɛ.

Azã 3:3

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka yẽ dɔg-paalga, a ka tã wʋn yẽ Nawẽnnɛ so'olʋm.»

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Azã 3:5

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka dɔgɛ la ko'om, la Nawẽnnɛ Sɩa, a ka tã wʋn kẽ Nawẽnnɛ so'olʋm pʋam.

Azã 6:47

Mam yetɩ ya la asɩra, tɩ sɛka n bɔ mam sɩra tarɩ la vɔm n ka ba'asrɩ.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Azã 6:55

Se'ere n soe la, mam ĩyã de la dia mẽŋa mẽŋa, la mam zɩɩm de la bõn-yũula mẽŋa mẽŋa.

Azã 6:62

La ya sãn yẽ tɩ Nẽrsaala Dayʋa la zonnɩ ẽn daan boe zẽ'a na, ya wʋn ẽŋɛ la wãne?

1 Zã 5:12

Nẽr-sɛka tɩ a Dayʋa boe la ẽ na, tarɩ vɔm na mɛ. La nẽr-sɛka tɩ a Dayʋa ka boe la ẽ na, ka tarɩ vɔm.

Lilegere 2:17

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ dia n sʋgɛ yʋ'ʋrɛ n de mannɩ n ze'ele saazuum tɩ a di, la mam wʋn bɔ ẽ kug-pɛɛlga. Kug-ẽŋa zuo yʋ'ʋr-paalɛ n gʋlsɛ mĩ, tɩ nẽra nẽra ka mina ẽ, sãn dagna sɛka n to'oge ẽ na mã'a.› »

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »