Azã 5:44 - Farefare Ninkaré

⁴⁴ Yãma to'osrɩ la pẽka taaba zẽ'am, dee ka ɛɛra pẽka n ze'etɩ Nawẽnnɛ ayɩla mã'a zẽ'am. Yãma wʋn ẽŋɛ la wãne bɔ mam sɩra?

ZE'ELEGO PAALEGA

⁴⁴ Ya yeti ya iŋɛ la wani nam mam. Ya han tɔ'ɔha taaba na'ahegɔ, gee ka ɛɛra la ninmu'urɛ, na'ahegɔ seko n ze'eti se'em ma'a n de Yinɛ la zi'an na la?

Azã 5:44 ပူးပေါင်းရင်းမြစ်များ

Amatie 23:5

Ba tõnnɩ ba tõoma la wuu tɩ nẽrba n bɩsra ba, bɛla tɩ ba dɩkɛ gãna gʋlsɛ Nawẽnnɛ yetɔga ba pʋam dɩkɛ lʋ ba dĩa bɩɩ ba kẽnkãnsɩ. Dee pɛ fu-wogro ẽŋɛ bisa tɩ ba wɔgɛ tɩ nẽrba nã'asra ba.

Aluki 19:17

Tɩ a yele ẽ yetɩ: ‹Fʋ ẽŋɛ sõŋa, fʋ de la tõntõn-sõŋɔ! Fõn ẽŋɛ sɩra la bõnɔ fẽe la ĩyã, fʋ wʋn sɔna tẽnsɩ pia bɩsra.›

Azã 12:43

Ba daan nõŋɛ la nẽrsaalba pẽka gãnna Nawẽnnɛ pẽka.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 3:20

Nẽr-sɛka woo n tõnnɩ tõon-be'ero sisri peelem mɛ, a ka sẽm peelem pʋam, a zotɩ mɛ tɩ a tõoma la wʋn puke.

Azã 5:41

Mam ka eerɩ nã'asgɔ nẽrsaalba zẽ'am.

Azã 8:43

Bẽm tɩ yãma ka wõnna mam yetɔga la võorɛ? La de la yãma n ka boorɩ tɩ ya sakɛ mam yetɔga la ĩyã.

Aromduma 2:10

La nẽr-sɛba wuu n ɩtɩ sõŋa wʋn yẽ la na'am pãŋa, la nã'asgɔ, la sũ-mã'asʋm. Pɔspɔsɩ de la Zifdõma, pa'asɛ la sɛba n dagɩ Zifdõma.

Aromduma 2:29

Zifu sɩra sɩra de la sɛka n de Zifu a sũure pʋam. Wãaga sɩra sɩra de la Nawẽnnɛ Sɩa n ɩtɩ sũure pʋam, la dagɩ wãaga wʋ lɔɔ n gʋlsɛ se'em na. Nawẽnnɛ n pẽgrɩ nẽr-ẽŋa, la dagɩ nẽrsaalba.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

2 Korẽntɩ 10:18

Se'ere n soe la, la dagɩ nẽr-sɛka n pa'alɩ a mẽŋa tɩ ẽŋa ãn sõŋa la n masɛ, la de la nẽr-sɛka tɩ Zuudãana Nawẽnnɛ yetɩ a ãn sõŋa la.

Filipi 2:3

Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

1 Tesaloniki 2:6

Tõma ka ɛ pẽka nẽrsaalba zẽ'am, tõma ka ɛ yãma zẽ'am, bɩɩ nẽrba basɛba zẽ'am.

1 Timoti 1:17

Nawẽnnɛ n de naba wakatɛ wuu, n ka kiiri, tɩ nini ka yẽta ẽ, ẽŋa ayɩla mã'a sɔna pẽka la nã'asgɔ wakatɛ n ka ba'asrɩ. Amina.

Hiburuduma 3:12

M sɔbiisi, guuse-ya ya mẽŋa tɩ ya nẽr-sɛka da tara pʋtẽ'e-be'ero n wʋn basɛ tɩ a ka bɔ Nawẽnnɛ sɩra, tɩ bõn-ẽŋa basɛ tɩ a welge la Nawẽnnɛ n de vɔm dãana la.

Yemesi 2:1

M sɔbiisi, yãma n sakɛ tɩ Zuudãana Azezi-krisi n tarɩ na'am pãŋa la, da tũ'usra-ya nẽrba.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

Azudi 1:25

Nawẽnnɛ ayɩla mã'a n de tɩ Fãagra tɩ Zuudãana Azezi-krisi ĩyã, n soe pẽka, la nã'asgɔ, la pãŋa, la ke'eŋo, lan dẽŋɛ pĩ'iluŋo, la lɛɛlɛ wã, la wakatɛ n ka ba'asrɩ. Amina.