Azã 5:24 - Farefare Ninkaré

²⁴ Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

ZE'ELEGO PAALEGA

²⁴ N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Azã 5:24 ပူးပေါင်းရင်းမြစ်များ

Amatie 25:46

La bãma wʋn sẽŋɛ ka kẽ nãmsgɔ n ka ba'asrɩ pʋam. La sɛba n ẽŋɛ sɛla n masɛ la wʋn yẽ vɔm n ka ba'asrɩ.»

Amarkɩ 16:16

Sɛka woo n bɔ sɩra, botɩ ba mise ẽ ko'om pʋam, a wʋn yẽ fãarɛ. La sɛka woo n ka bɔ sɩra, ba wʋn di a sarɩya sɩbgɛ ẽ.

Azã 11:26

La sɛka woo n vɔa dee bɔ mam sɩra, kũm kãn tã'agɛ ẽ wakatɛ wuu. Fõn bɔ bõn-ẽna sɩra?»

Azã 12:44

Azezi tɔgɛ ke'enke'em yetɩ: «Sɛka n bɔ'ɔrɩ mam sɩra, la dagɩ mam mã'a tɩ a bɔ'ɔrɩ sɩra, a bɔ'ɔrɩ la sɛka n tõm mam na sɩra.

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Azã 3:16

Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Azã 3:18

La sɛka n bɔ ẽ sɩra, ba kãn di a sarɩya. La sɛka n ka bɔ ẽ sɩra la, a põn koŋe bʋʋrɔ mɛ, ẽn ka bɔ Nawẽnnɛ Bi-yẽŋa la sɩra la ĩyã.

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Azã 4:36

Sɛka n lagsrɩ la põn tara la yɔɔrɔ. Lagsgɔ la de la nẽrba tɩ a lagsrɩ tɩ ba tara vɔm n ka ba'asrɩ. Bɛla tɩ sɛka n bʋrɛ, la sɛka n lagsɛ la lagɩm ɩta sũ-yẽlga.

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:47

Mam yetɩ ya la asɩra, tɩ sɛka n bɔ mam sɩra tarɩ la vɔm n ka ba'asrɩ.

Azã 6:50

La di-sɛka n ze'ele Nawẽnnɛ yire sigum na, de la dia tɩ nẽr-sɛka n di kãn ki.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Azã 6:58

Ẽna de la dia n ze'ele Nawẽnnɛ yire sigum, a ka ãn wʋ di-sɛka tɩ ya yaabdõma yʋʋn di ki la. Sɛka n di di-ẽna wʋn vɔa wakatɛ wuu.»

Azã 8:51

Mam yetɩ ya la sɩra sɩra, tɩ nẽra sãn sakɛ mam yetɔga, a kãn malɩn ki.»

Aromduma 8:1

Bɛla, sɩbgrɛ ka le bɔna nẽr-sɛba n lagɩm na Azezi-krisi dɛna ayɩla la zuto.

1 Tesaloniki 5:9

Nawẽnnɛ ka looge to tɩ a sũ-isgre sã'am tɔ, a looge to tɩ tɩ yẽ la fãarɛ tɩ Zuudãana Azezi-krisi ĩyã.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 1:5

Yãma n bɔ sɩra la, Nawẽnnɛ gu'uri ya mɛ la a pãŋa halɩ wʋn ka paagɛ ba'asgɔ wakatɛ fãagɛ ya ba'asɛ.

1 Zã 3:14

Tõma mi mɛ tɩ tõma ze'ele la kũm pʋam yese bɔna vɔm pʋam, tõma n nõŋɛ tɩ sɔbiisi la ĩyã. Nẽr-sɛka n ka nõŋɛ a sɔbia ken bɔna la kũm pʋam.

1 Zã 5:1

Nẽr-sɛka woo n bɔ sɩra tɩ Azezi de la Krisi tɩ Nawẽnnɛ tõm na, de la Nawẽnnɛ bia. Nẽr-sɛka n nõŋɛ sɔ, mẽ nõŋɛ a kɔma mɛ.