Azã 5:23 - Farefare Ninkaré

²³ tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

ZE'ELEGO PAALEGA

²³ ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 5:23 ပူးပေါင်းရင်းမြစ်များ

Amatie 10:37

Nẽr-sɛka n nõŋɛ a sɔ bɩɩ a ma gãnna mam, a ka masɛ tɩ a dɛna mam nẽra. La nẽr-sɛka woo n nõŋɛ a dayʋa bɩɩ a pɔyʋa gãnna mam, a ka masɛ tɩ a dɛna mam nẽra.

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Amatie 12:21

Tɩ buuri la wuu wʋn te'ege ẽ.»

Amatie 15:8

‹Nẽr-bãna wã pẽgrɩ mam na ba nõorɛ yetɔga, la ba sũure zãagɛ la mam mɛ.

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Aluki 10:16

La Azezi le yele a karẽnbiisi la yetɩ: «Sɛka n selsrɩ ya yetɔga, a selsrɩ la mam yetɔga, la sɛka n zagsɛ ya, a zagsɛ la mam. La sɛka n zagsɛ mam, a zagsɛ la sɛka n tõm mam na.»

Azã 14:1

Azezi le yele ba yetɩ: «Da basɛ-ya tɩ ya sũure sã'am. Bɔ-ya Nawẽnnɛ sɩra, la ya bɔ mam mẽ sɩra.

Azã 16:14

A wʋn nã'asɛ mam, se'ere n soe la, a wʋn dɩkɛ la sɛla n boe mam zẽ'am na tɔgɛ bɔ ya.

Azã 17:10

La mam bõnɔ de la fõn bõnɔ, tɩ fõn bõnɔ dɛna mam bõnɔ, la mam yẽ nã'asgɔ mɛ ba zẽ'am.

Aromduma 1:7

Mam gʋlsɛ gõŋɔ wã bɔ'ɔra la yãma sɛba wuu n boe Rom, tɩ Nawẽnnɛ nõŋɛ ya, wi ya tɩ ya welge to'ore dɛna a nẽrba la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

Aromduma 15:12

A'ezayi mẽ gʋlsɛ yetɩ: «Azese yɩɩŋa n wʋn wa'am, a wʋn sɔna la so'olʋm buuri wuu. La so'olʋm buuri wuu wʋn tara pʋtẽ'erɛ la ẽ lɛ.»

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 8:9

La yãma ka le vɔa wʋ nẽrsaalba mẽŋa n boorɩ se'em na, yãma vɔa wʋ Nawẽnnɛ Sɩa n boorɩ se'em na, Nawẽnnɛ Sɩa n boe la yãma la ĩyã. Nẽr-sɛka woo n ka tarɩ Krisi Sɩa la, a ka de Krisi nẽra.

1 Korẽntɩ 1:3

Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

1 Korẽntɩ 10:31

Lan de se'em na, ya sãn dita mɛ, bɩɩ ya yũuri mɛ, bɩɩ sɛla woo tɩ ya ɩtɩ, ɩta-ya ba wuu nã'asra Nawẽnnɛ.

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

1 Korẽntɩ 6:19

Ya ka mi tɩ ya ĩyã la de la Nawẽnnɛ Sɩa deego? Nawẽnnɛ Sɩa la tɩ a bɔ ya la boe ya pʋam mɛ, ya ka soe ya mẽŋa.

2 Korẽntɩ 1:9

Tõma daan kɔ'ɔgɛ tɩ pʋtẽ'erɛ yetɩ tõma vɔm tɛka n bɛla. La bɛla paagɛ tõma tɩ tɩ da te'ege la tɩ mẽŋa, la tɩ te'ege Nawẽnnɛ n vo'orɩ kũm na.

2 Korẽntɩ 5:14

La de la Krisi nõŋlʋm n soe tõma la ĩyã. Tõma bãŋɛ mɛ tɩ nẽra ayɩla n ki nẽrba wuu ĩyã, tɩ la pa'alɛ tɩ nẽrba wuu po lagɩm na ẽ ki mɛ.

2 Korẽntɩ 5:19

Tõma n yetɩ se'em na, la de la Nawẽnnɛ n botɩ Krisi botɩ dũnia dõma la ẽŋa naagɛ taaba, dee ka geele ba tõon-be'ero. Dee bɔ tõma yetɔga tɩ tɩ tɔgɛ naarɛ yelle bɔ nẽrba.

Efɛɛzɩ 6:24

Nawẽnnɛ wʋn ẽŋɛ nẽr-sɛba wuu n nõŋɛ tɩ Zuudãana Azezi-krisi la nõŋlʋm n ka ba'asrɩ la yel-sõnnɛ.

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

Hiburuduma 1:6

La ẽn daan tõm a bi-kẽŋa la dũnia pʋam na, a yele yetɩ: «Dẽnɩ tɩ malɛkadõma wuu nã'asra ẽ.»

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.

1 Zã 2:23

Nẽr-sɛka n sɩ'ɩsrɩ Dayʋa la, mẽ ka boe la Sɔ la. La nẽr-sɛka n yetɩ ẽŋa mi Dayʋa la, mẽ boe la Sɔ la mɛ.

2 Zã 1:9

Nẽr-sɛka n yõsgɛ tole nẽŋa ka bɔna Krisi zãsŋɔ la pʋam, Nawẽnnɛ ka boe la ẽ. La sɛka woo n boe a zãsŋɔ la pʋam, Sɔ Nawẽnnɛ, la a Dayʋa boe la ẽ mɛ.