Azã 4:34 - Farefare Ninkaré

³⁴ Tɩ Azezi yele ba yetɩ: «Mam dia de la m ẽŋɛ sɛka n tõm mam na n boorɩ se'em, dee tõm a tõonɛ na ba'asɛ.

ZE'ELEGO PAALEGA

³⁴ Ti Yezu lerege ba yeti, “Mam dia dela n tuna se'em n tum mam na la sumboolum, la n ba'ahɛ a tuunɛ la.”

Azã 4:34 ပူးပေါင်းရင်းမြစ်များ

Amatie 26:39

La a sẽŋɛ la nẽŋa fẽe ka võglɛ a nẽŋa tẽŋa pʋ'ʋsɛ Nawẽnnɛ yetɩ: «M Sɔ, la sãn tãna, fʋ basɛ tɩ nãmsgɔ ẽna tole dee basɛ ma. La, la da kãn dɛna mam n boorɩ se'em, la dɛna fõn boorɩ se'em.»

Amatie 3:15

Tɩ Azezi lerge ẽ yetɩ: «Basɛ tɩ la ẽŋɛ bɛla lɛɛlɛ wã, tɩ la de la bɛla tɩ tɩ wʋn ẽŋɛ lan masɛ Nawẽnnɛ n boorɩ se'em na wuu.» Azezi n yele bɛla la, tɩ Azã sakɛ

Amatie 9:19

Tɩ Azezi la a karẽnbiisi la daan isge dɔla ẽ wɛ'ɛsa.

Aluki 15:10

Bɛla mam yetɩ ya tɩ tõon-be'ero dãana ayɩla sãn teege yɛm basɛ tõon-be'ero, sũ-yẽlga boe Nawẽnnɛ malɛkadõma zẽ'am na bɛla.»

Aluki 19:10

Nẽrsaala Dayʋa la wa'am dũnia zuo tɩ a ɛ la nẽr-sɛba n bɔɩ la, fãagɛ ba.»

Aluki 2:49

Tɩ a lerge ba yetɩ: «Bẽm tɩ ya ɛɛra ma? Yãma ka mi tɩ la masɛ mɛ tɩ mam bɔna m Sɔ yire wã bɩɩ?»

Azã 17:4

Mam basɛ tɩ fõn yẽ nã'asgɔ tẽŋa wã zuo mɛ. Mam tõm tõon-sɛba tɩ fõn bɔ mam tɩ m tõm na ba'asɛ mɛ.

Azã 19:28

Bɛla poorʋm, Azezi mi mɛ tɩ sɛla woo ẽŋɛ ba'asɛ mɛ, tɩ a yetɩ: «Koyũuro n tarɩ mam.» A yele bɛla tɩ Nawẽnnɛ gõŋɔ n gʋlsɛ yele se'em na n ẽŋɛ.

Azã 19:30

Tɩ a yũ dã-mĩ'isgo la, dee yetɩ: «Sɛla woo ẽŋɛ ba'asɛ», dee suure a zuugo ki.

Azã 4:32

Tɩ Azezi yele ba yetɩ: «Mam tarɩ la dia dita tɩ yãma ka mina.»

Azã 5:30

Mam ka tã wʋn ẽŋɛ sɛla sɛla la m mẽŋa nõorɛ. Mam diti sarɩya wʋ mam n wõm se'em Nawẽnnɛ zẽ'am na. La mam sarɩyadia masɛ mɛ. Se'ere n soe la, mam ka eerɩ tɩ m ẽŋɛ mam mẽŋa n boorɩ se'em, la de la sɛka n tõm mam na n boorɩ se'em.

Azã 5:36

La mam tarɩ kaseto mɛ gãnna Azã dẽnnɛ na. La de la tõon-sɛba tɩ mam Sɔ bɔ mam tɩ m tõm na, tõon-bãma tɩ mam tõnnɩ na n bɔ'ɔrɩ mam kaseto pa'ala tɩ mam Sɔ Nawẽnnɛ n tõm mam.

Azã 6:33

Dia sɩra sɩra tɩ Nawẽnnɛ bɔ ya la, de la sɛka n ze'ele Nawẽnnɛ yire sige dũnia bɔ'ɔra nẽrba vɔm na.»

Azã 6:38

Se'ere n soe la, mam ka ze'ele Nawẽnnɛ yire sigum tɩ m ẽŋɛ mam n boorɩ se'em, mam sigum tɩ m tõm na sɛka n tõm mam na n boorɩ se'em.

Azã 8:29

La sɛka n tõm mam na boe la mam mɛ, a ka basɛ mam m yɩla, se'ere n soe la, mam ɩtɩ la sɛla n ãn a sũure yẽlʋm daarɛ woo.»

Tõoma 20:35

Mam ẽŋɛ bɛla wuu pa'alɛ ya tɩ dẽnɩ ya tõm sõŋɛ tarɩmdõma. La ya tẽra Zuudãana Azezi n yele se'em na, a daan yetɩ: ‹Sɛka n bɔ'ɔrɩ tarɩ sũ-yẽlga zozo'e gãnna sɛka n to'orɩ.› »

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.