Azã 3:17 - Farefare Ninkaré

¹⁷ Nawẽnnɛ ka tõm a Dayʋa la dũnia tɩ a di nẽrba sarɩya sɩbgɛ ba, a tõm ẽ tɩ a fãagɛ ba mɛ basɛ.

ZE'ELEGO PAALEGA

¹⁷ “Yelemɛŋerɛ yelemɛŋerɛ, Yinɛ ka tum a dayua wa ti ka wa'am na gakɛ timpaberɛ wa, gee timpaberɛ wa tugum nyɛ faarɛ doohe a dayua wa puan.

Azã 3:17 ပူးပေါင်းရင်းမြစ်များ

Amatie 1:23

«Bɩsɛ-ya, pugla n nãn ka mi bʋraaga wʋn yõkɛ pʋʋrɛ dɔgɛ budibla, tɩ ba wi'ira a yʋ'ʋrɛ tɩ A'emanuwɛlɩ.» A võorɛ de la Nawẽnnɛ boe la tɩ lɛ.

Amatie 18:10

Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Amatie 18:11

Nẽrsaala Dayʋa la wa'am tɩ a fãagɛ la nẽr-sɛba n bɔɩ la.]

Aluki 19:10

Nẽrsaala Dayʋa la wa'am dũnia zuo tɩ a ɛ la nẽr-sɛba n bɔɩ la, fãagɛ ba.»

Aluki 9:56

Nẽrsaala Dayʋa la ka wa'am tɩ a sã'am nẽrba vɔm, a wa'am tɩ a fãagɛ ba mɛ.»] Tɩ ba wɛ'ɛsa tẽŋa ayẽma.

Azã 1:29

Tɩ beere wiige, tɩ Azã yẽ Azezi n sẽm a zẽ'am. Tɩ a yetɩ: «Bɩsɛ-ya, ẽna n de Nawẽnnɛ Pebila n yesrɩ nẽrsaalba tõon-be'ero basra.

Azã 10:36

La mam tɩ Nawẽnnɛ looge tõm dũnia zuo wã, yãma yele mam tɩ m sã'anɩ la Nawẽnnɛ yʋ'ʋrɛ, mam n yele tɩ mam de la Nawẽnnɛ Dayʋa la ĩyã?

Azã 11:42

Mam mi tɩ daarɛ woo fʋ selsrɩ mam pʋ'ʋsgɔ mɛ. La mam yele bɛla la nẽr-kʋʋŋɔ wã ĩyã, tɩ ba wʋn bɔ sɩra tɩ fõn tõm mam.»

Azã 17:18

Mam mẽ tõm ba dũnia pʋam wʋ fõn tõm mam dũnia zuo se'em na.

Azã 17:21

Mam pʋ'ʋsrɩ fõn tɩ fʋ botɩ ba lagɩm dɛna bʋyɩla, wʋ fõn de mam Sɔ n boe la mam lɛ, tɩ mam mẽ bɔna la fõn se'em na, tɩ ba mẽ wʋn lagɩm dɛna bʋyɩla la tõma, tɩ dũnia nẽrba la wʋn bɔ sɩra tɩ fõn tõm mam.

Azã 17:23

Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 17:25

M Sɔ, fõn de sɛka n masɛ. Dũnia nẽrba ka bãŋɛ fõn, la mam nõo bãŋɛ fõn mɛ, la nẽr-bãma bãŋɛ mɛ tɩ la de la fõn tõm mam.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 17:8

Se'ere n soe la, mam tɔgɛ ba la yetɔg-sɛba tɩ fõn bɔ mam na, tɩ ba to'oge, dee bãŋɛ sɩra sɩra tɩ mam ze'ele la fõn zẽ'am. La ba bɔ sɩra tɩ fõn tõm mam.

Azã 20:21

Tɩ Azezi le yele ba yetɩ: «Sũ-mã'asʋm wʋn bɔna la ya. Mam mẽ tõnnɩ ya, wʋ mam Sɔ la n tõm mam se'em na.»

Azã 3:34

Se'ere n soe la, sɛka tɩ Nawẽnnɛ tõm na tɔgrɩ la Nawẽnnɛ yetɔga, Nawẽnnɛ n bɔ ẽ a Sɩa pãŋa zozo'e la ĩyã.

Azã 5:36

La mam tarɩ kaseto mɛ gãnna Azã dẽnnɛ na. La de la tõon-sɛba tɩ mam Sɔ bɔ mam tɩ m tõm na, tõon-bãma tɩ mam tõnnɩ na n bɔ'ɔrɩ mam kaseto pa'ala tɩ mam Sɔ Nawẽnnɛ n tõm mam.

Azã 5:38

La a yetɔga la ka boe ya sũure pʋam, bɛla n soe tɩ ya ka bɔ sɛka tɩ a tõm na sɩra.

Azã 5:45

Da tẽ'esɛ-ya tɩ mam n wʋn yetɩ ya ka tarɩ bʋʋrɔ mam Sɔ la zẽ'am, la de la Amoyisi n wʋn yetɩ ya ka tarɩ bʋʋrɔ, ẽŋa tɩ ya te'ege.

Azã 6:29

Tɩ Azezi lerge ba yetɩ: «Tõon-sɛka tɩ Nawẽnnɛ boorɩ tɩ ya tõm, de la ya sakɛ sɛka tɩ a tõm na.»

Azã 6:38

Se'ere n soe la, mam ka ze'ele Nawẽnnɛ yire sigum tɩ m ẽŋɛ mam n boorɩ se'em, mam sigum tɩ m tõm na sɛka n tõm mam na n boorɩ se'em.

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:57

Mam Sɔ n tõm mam na, de la vɔm dãana, ẽŋa ĩyã tɩ mam tara vɔm, bɛla, sɛka n diti mam ĩyã mẽ wʋn vɔa mam ĩyã.

Azã 7:29

La mam nõo mi ẽ, se'ere n soe la, mam ze'ele la ẽŋa zẽ'am, ẽŋa n tõm mam.»

Azã 8:11

Tɩ pɔka la lerge Azezi yetɩ: «Ayɛɩ, Zuudãana.» Tɩ Azezi yele ẽ yetɩ: «Mam mẽ kãn di fʋ sarɩya. Sẽŋɛ, la da le tõm tõon-be'ero.»]

Azã 8:42

Tɩ Azezi yele ba yetɩ: «Nawẽnnɛ sãn de nɩ ya sɔ, ya wʋn nõŋɛ nɩ mam, se'ere n soe la, mam ze'ele la Nawẽnnɛ zẽ'am wa'am. Mam ka wa'am m mẽŋa, ẽŋa n tõm mam.

1 Zã 2:2

La de la ẽŋa n dɩkɛ a mẽŋa bɔ tɩ la dɛna kãabgɔ, tɩ Nawẽnnɛ basɛ tõma tõon-be'ero taalɛ. La, la dagɩ tõma mã'a tõon-be'ero taalɛ, la de la dũnia nẽrba wuu tõon-be'ero taalɛ.

1 Zã 4:14

La tõma yẽ mɛ, tɩ tõma tɔgra yetɩ, Nawẽnnɛ n de Sɔ la tõm na a Dayʋa, tɩ a dɛna dũnia Fãagra.