Azã 3:13 - Farefare Ninkaré

¹³ Nẽra nẽra nãn ka zom Nawẽnnɛ yire, sãn dagna Nẽrsaala Dayʋa la n ze'ele Nawẽnnɛ yire sige.

ZE'ELEGO PAALEGA

¹³ Nɛra ka tabelɛ zom saazuo wa ha, han dagena se'em daana en ze'ele de zuo sige na la, dɛna Asaala Dayua la.

Azã 3:13 ပူးပေါင်းရင်းမြစ်များ

Amatie 28:20

La ya zãsʋm ba tɩ ba sakɛ bõn-sɛba wuu tɩ mam bɔ ya nõorɛ tɩ ya ɩta la. La bãŋɛ-ya tɩ mam boe la ya mɛ wakatɛ wuu, halɩ tɩ la ka paagɛ dũnia ba'asgɔ.»

Amatie 8:20

Tɩ Azezi yele ẽ yetɩ: «Pɩɩna tarɩ yogro mɛ, tɩ niinto tara tʋgrɔ, la Nẽrsaala Dayʋa la ka tarɩ zẽ'a wʋn gã'arɛ vo'ose.»

Azã 1:18

Nẽra nẽra nãn ka yẽ Nawẽnnɛ. La de la Nawẽnnɛ Bi-yẽŋa la n boe la ẽ lɛ n botɩ tõma bãŋɛ ẽ, ẽŋa la Nawẽnnɛ de la bʋyɩla.

Azã 13:3

La Azezi daan mi tɩ ẽŋa ze'ele la Nawẽnnɛ zẽ'am wa'am, la ẽŋa lebrɩ la Nawẽnnɛ zẽ'am, la a mi tɩ ẽŋa Sɔ Nawẽnnɛ dɩkɛ sɛla woo ẽŋɛ la ẽŋa nu'usum.

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 3:12

Mam sãn tɔgɛ dũnia wã yɛla pa'alɛ ya, tɩ ya ka sakɛ, mam sãn tɔgɛ Nawẽnnɛ yire yɛla pa'alɛ ya, ya wʋn ẽŋɛ la wãne sakɛ?

Azã 3:31

Sɛka n yese saazuum wa'am n gãnnɩ wuu, la sɛka n yese dũnia de la dũnia nẽra, la a tɔgrɩ la dũnia yelle. Sɛka n yese Nawẽnnɛ yire wa'am na n gãnnɩ wuu,

Azã 6:33

Dia sɩra sɩra tɩ Nawẽnnɛ bɔ ya la, de la sɛka n ze'ele Nawẽnnɛ yire sige dũnia bɔ'ɔra nẽrba vɔm na.»

Azã 6:38

Se'ere n soe la, mam ka ze'ele Nawẽnnɛ yire sigum tɩ m ẽŋɛ mam n boorɩ se'em, mam sigum tɩ m tõm na sɛka n tõm mam na n boorɩ se'em.

Azã 6:42

Tɩ ba daan yɛta taaba yetɩ: «Bʋra-ẽna dagɩ Azozɛfʋ bia Azezi, sɛka tɩ tõma mi a sɔ, la a ma la? La bẽm tɩ a yetɩ, ẽŋa ze'ele la Nawẽnnɛ yire?»

Azã 6:46

Nẽra nãn ka yẽ Sɔ Nawẽnnɛ, sãn dagna sɛka n ze'ele a zẽ'am na mã'a n yẽ ẽ.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Azã 6:62

La ya sãn yẽ tɩ Nẽrsaala Dayʋa la zonnɩ ẽn daan boe zẽ'a na, ya wʋn ẽŋɛ la wãne?

Azã 8:42

Tɩ Azezi yele ba yetɩ: «Nawẽnnɛ sãn de nɩ ya sɔ, ya wʋn nõŋɛ nɩ mam, se'ere n soe la, mam ze'ele la Nawẽnnɛ zẽ'am wa'am. Mam ka wa'am m mẽŋa, ẽŋa n tõm mam.

Tõoma 2:34

La dagɩ Adavidi n yʋʋn zom Nawẽnnɛ yire. La a mẽŋa yʋʋn yetɩ: «Zuudãana Nawẽnnɛ yele mam Zuudãana yetɩ: Zĩ'ire m zʋʋgɔ bɔba,

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Aromduma 10:6

La sãn dɛna nẽra n wʋn bɔ Nawẽnnɛ sɩra tɩ a botɩ a masɛ a zẽ'am na yelle, la gʋlsɛ yetɩ: «Da tẽ'esɛ fʋ sũure pʋam yetɩ, ãne n wʋn zom Nawẽnnɛ yire?» La boorɩ tɩ la yetɩ, ãne n wʋn zom Nawẽnnɛ yire botɩ Krisi sige.

1 Korẽntɩ 15:47

Nawẽnnɛ yʋʋn dɩkɛ la tẽŋa tẽntõnnɔ nãam pɔspɔsɩ nẽra la. La poorʋm nẽra la ze'ele la Nawẽnnɛ yire wa'am.

Efɛɛzɩ 1:23

Krisi nẽrba la ãn wʋ a mẽŋa ĩyã la, ẽŋa n vɔa ba pʋam, la ẽŋa n boe zẽ'a woo, botɩ sɛla woo bɔna.