Azã 18:3 - Farefare Ninkaré

³ Bɛla tɩ kãabgɔ kẽma nẽŋadõma, la Farisi dõma daan tõm gu'urba tɩ ba doose la sʋdaasɩ, tɩ Azudaasɩ tarɩ ba sẽŋɛ mĩ. Ba daan tarɩ la zɛbrɛ lɔgrɔ, la fɩtladõma, dee lasʋm bugum zɛɛra.

ZE'ELEGO PAALEGA

³ Bala ti Yudasi wa doohe la pɛntiireba tansugere, la gureba ti malema kiinduma la, la Farasii duma la tum la, ti ba wa'am va'am la puan na, la butolelehe, bugum, la zaba lɔgerɔ.

Azã 18:3 ပူးပေါင်းရင်းမြစ်များ

Amatie 25:1

Azezi ken yetɩ: «Wakat-ẽŋa Nawẽnnɛ so'olʋm wʋn ãna wʋ pug-sarsɩ pia n dɩkɛ ba fɩtladõma yese sẽŋɛ tɩ ba ka tʋ'ʋsɛ pɔgdita.

Azã 13:2

Azezi la a karẽnbiisi la daan boe mĩ dita la zaanõorɛ dia. La Asũtãana daan põn botɩ Asimõ dayʋa Azudaasɩ Iskariyo tẽ'esɛ a sũurum tɩ ẽŋa wʋn pa'alɛ tɩ ba yõkɛ Azezi.

Azã 18:12

Tɩ sʋdaasɩ la, la ba kɛ'ɛma, la Zifdõma gu'urba la yõkɛ Azezi lʋ ẽ,

Azã 18:18

La ɔɔrɔ n daan boe, tɩ tõntõnɩba, la gu'urba la tʋʋrɛ bugum kaagɛ ɔɔsra. Tɩ Apɩyɛɛrɩ daan po bɔna mĩ ɔɔsra bugum na.

Azã 18:22

Azezi n tɔgɛ bɛla la, tɩ tõntõnna n ze mĩ, wẽ a pɛka, dee yetɩ: «Fõn lerge la kãabgɔ kẽma nẽŋadãana la bɛla?»

Azã 19:6

La kãabgɔ kẽma nẽŋadõma la, la ba tõntõnɩba la n yẽ ẽ na, ba kaasrɩ la tagurga yetɩ: «Ka ẽ, ka ẽ dɔ-puurŋa zuo kʋ.» Tɩ Apilatɩ yele ba yetɩ: «To'oge-ya ẽ ka ka ya mẽŋa, se'ere n soe la, mam ka yẽ sɛla n de be'em a zẽ'am.»

Azã 7:32

Tɩ Farisi dõma wõm nẽrba la n waasnɩ Azezi yelle, tɩ bãma la Nawẽnnɛ kãabgɔ kẽma nẽŋadõma tõm gu'urba tɩ ba ka yõkɛ Azezi.

Tõoma 1:16

«M sɔbiisi, la sãn dɛna Azudaasɩ n pa'alɛ nẽrba sore tɩ ba yõkɛ Azezi la, Nawẽnnɛ Sɩa yʋʋn dẽŋɛ botɩ naba Adavidi tɔgɛ a yelle mɛ halɩ kʋrʋm kʋrʋm. Bõn-sɛka n ẽŋɛ la masɛ la Nawẽnnɛ yetɔga n yʋʋn tɔgɛ se'em na.

Tõoma 10:1

Bʋraa n daan boe Sezaare, tɩ a yʋ'ʋrɛ dɛna Akɔrnɛlɩ. A daan de la sʋda-kɛ'ɛma, ba wi'iri sʋda-sɛba tɩ a de kɛ'ɛma ba pʋam na tɩ Itali dõma sʋdaasɩ.