Azã 17:3 - Farefare Ninkaré

³ La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

ZE'ELEGO PAALEGA

³ Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 17:3 ပူးပေါင်းရင်းမြစ်များ

Amarkɩ 9:37

«Nẽra sãn to'oge bi-pɩka ẽna tadãana mam yʋ'ʋrɛ ĩyã, a to'oge la mam mẽŋa, la nẽra sãn to'oge mam mẽŋa, la dagɩ mam tɩ a to'oge, a to'oge la sɛka n tõm mam na.»

Aluki 9:48

dee yetɩ: «Nẽr-sɛka woo n to'oge bi-pɩka n ãn wʋ ẽna mam yʋ'ʋrɛ ĩyã, a to'oge la mam, la sɛka n mẽ to'oge mam, a to'oge la sɛka n tõm mam na. Nẽr-sɛka n de pɩka ya zẽ'am na, ẽŋa n de nẽr-kãtɛ.»

Azã 10:36

La mam tɩ Nawẽnnɛ looge tõm dũnia zuo wã, yãma yele mam tɩ m sã'anɩ la Nawẽnnɛ yʋ'ʋrɛ, mam n yele tɩ mam de la Nawẽnnɛ Dayʋa la ĩyã?

Azã 11:42

Mam mi tɩ daarɛ woo fʋ selsrɩ mam pʋ'ʋsgɔ mɛ. La mam yele bɛla la nẽr-kʋʋŋɔ wã ĩyã, tɩ ba wʋn bɔ sɩra tɩ fõn tõm mam.»

Azã 14:26

La Sõŋra la, mam Sɔ Nawẽnnɛ Sɩa la tɩ a wʋn tõm na mam yʋ'ʋrɛ tɩ a wa'am ya zẽ'am na, ẽŋa n wʋn zãsʋm ya sɛla woo, dee tẽegɛ ya bõn-sɛba wuu tɩ mam yele ya la.

Azã 17:18

Mam mẽ tõm ba dũnia pʋam wʋ fõn tõm mam dũnia zuo se'em na.

Azã 17:21

Mam pʋ'ʋsrɩ fõn tɩ fʋ botɩ ba lagɩm dɛna bʋyɩla, wʋ fõn de mam Sɔ n boe la mam lɛ, tɩ mam mẽ bɔna la fõn se'em na, tɩ ba mẽ wʋn lagɩm dɛna bʋyɩla la tõma, tɩ dũnia nẽrba la wʋn bɔ sɩra tɩ fõn tõm mam.

Azã 17:23

Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 17:25

M Sɔ, fõn de sɛka n masɛ. Dũnia nẽrba ka bãŋɛ fõn, la mam nõo bãŋɛ fõn mɛ, la nẽr-bãma bãŋɛ mɛ tɩ la de la fõn tõm mam.

Azã 17:8

Se'ere n soe la, mam tɔgɛ ba la yetɔg-sɛba tɩ fõn bɔ mam na, tɩ ba to'oge, dee bãŋɛ sɩra sɩra tɩ mam ze'ele la fõn zẽ'am. La ba bɔ sɩra tɩ fõn tõm mam.

Azã 3:17

Nawẽnnɛ ka tõm a Dayʋa la dũnia tɩ a di nẽrba sarɩya sɩbgɛ ba, a tõm ẽ tɩ a fãagɛ ba mɛ basɛ.

Azã 3:34

Se'ere n soe la, sɛka tɩ Nawẽnnɛ tõm na tɔgrɩ la Nawẽnnɛ yetɔga, Nawẽnnɛ n bɔ ẽ a Sɩa pãŋa zozo'e la ĩyã.

Azã 5:44

Yãma to'osrɩ la pẽka taaba zẽ'am, dee ka ɛɛra pẽka n ze'etɩ Nawẽnnɛ ayɩla mã'a zẽ'am. Yãma wʋn ẽŋɛ la wãne bɔ mam sɩra?

Azã 6:57

Mam Sɔ n tõm mam na, de la vɔm dãana, ẽŋa ĩyã tɩ mam tara vɔm, bɛla, sɛka n diti mam ĩyã mẽ wʋn vɔa mam ĩyã.

Azã 7:29

La mam nõo mi ẽ, se'ere n soe la, mam ze'ele la ẽŋa zẽ'am, ẽŋa n tõm mam.»

Azã 8:19

Tɩ ba soke ẽ yetɩ: «Fõn Sɔ la boe la bɛ?» Tɩ Azezi lerge ba yetɩ: «Yãma ka mi mam, la ya ka mi mam Sɔ la. Ya sãn mi ni mam, ya wʋn mi ni mam Sɔ la mẽ.»

1 Korẽntɩ 15:34

Basɛ-ya tẽ'esɛ yooro, dee da le tõnna tõon-be'ero. Mam yetɩ ya tɩ la de la yãnnɛ bɔ ya: Ya nẽrba basɛba ka mi Nawẽnnɛ.

1 Korẽntɩ 8:4

Bɛla, la sãn dɛna baga nẽnnɔ na yelle, tɩ mi tɩ baga de la sɛla n de zãŋa dũnia wã zuo, dee ken mina tɩ Nawẽnnɛ ayɩla mã'a n boe.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Filipi 3:10

Mam n boorɩ se'em wuu de la m bãŋɛ Krisi, la pãn-sɛka n basɛ tɩ a vo'oge la, la m lagɩm na ẽ nãmsɛ, ãna wʋ ẽn ãn se'em a kũm na pʋam,

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

1 Tesaloniki 1:9

Nẽrba la wuu tɔgrɩ pa'ala yãma n daan to'oge tõma sõŋa se'em, basɛ baga, dee dɔla Nawẽnnɛ tõnna bɔ'ɔra ẽŋa n de vɔm, la sɩra dãana,

2 Tesaloniki 1:8

la bug-zɩlɩsɩ wa sɩbgɛ sɛba n zagsɛ Nawẽnnɛ dee ka sakɛ tɩ Zuudãana Azezi kõ-yẽlga la.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

2 Pita 1:2

Yãma n bãŋɛ Nawẽnnɛ, la tɩ Zuudãana Azezi la, Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

2 Pita 1:3

Azezi n tarɩ Nawẽnnɛ pãŋa la n botɩ tɩ bãŋɛ Nawẽnnɛ n wi tõma tɩ tɩ po yẽ a na'am pãŋa, la a sõŋa. Bɛla tɩ a bɔ tɔ bõn-sɛba wuu n wʋn basɛ tɩ tɩ vɔa vɔm sɛka n dolɩ a sore.

2 Pita 1:8

Se'ere n soe la, ya sãn ɩta bõn-bãna wã zozo'e, ba wʋn basɛ tɩ ya tõm Nawẽnnɛ tõoma, dee bãŋɛ tɩ Zuudãana Azezi-krisi pa'asɛ.

1 Zã 1:2

Sɛka n de vɔm na puke a mẽŋa mɛ, tɩ tõma yẽ ẽ. Tɩ tõma tɔgra a yelle, mõola vɔm n ka ba'asrɩ la yelle bɔ'ɔra ya. A daan boe la tɩ Sɔ Nawẽnnɛ zẽ'am, tɩ a puke ẽ pa'alɛ tõma.

1 Zã 1:3

Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

1 Zã 2:23

Nẽr-sɛka n sɩ'ɩsrɩ Dayʋa la, mẽ ka boe la Sɔ la. La nẽr-sɛka n yetɩ ẽŋa mi Dayʋa la, mẽ boe la Sɔ la mɛ.

1 Zã 4:6

La sãn dɛna tõma, tõma de la Nawẽnnɛ nẽrba. Bɛla, nẽr-sɛka n mi Nawẽnnɛ selsrɩ tõma mɛ. La sɛka n dagɩ Nawẽnnɛ nẽra ka selsrɩ tõma. La de la bɛla tɩ tõma wʋn bãŋɛ sɩra Sɩa, la põmpɔrŋɔ sɩa la bɔkɛ.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.