Azã 17:23 - Farefare Ninkaré

²³ Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

ZE'ELEGO PAALEGA

²³ Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 17:23 ပူးပေါင်းရင်းမြစ်များ

Azã 10:38

La mam sãn tõnna a tõoma, baa ya sãn ka bɔ mam sɩra, ya bɔ m tõoma la sɩra, tɩ ya tã'agɛ bãŋɛ, la ya sakɛ sɩra tɩ mam Sɔ la boe la mam lɛ mɛ, tɩ mam mẽ bɔna la ẽ.»

Azã 13:35

Ya sãn nõŋɛ taaba, nẽrba wuu wʋn bãŋɛ tɩ ya de la mam karẽnbiisi.»

Azã 14:10

Fõn ka bɔ sɩra tɩ mam boe la mam Sɔ la lɛ, tɩ mam Sɔ la bɔna la mam lɛ? Yetɔg-sɛba tɩ mam tɔgrɩ la yãma la, ka ze'etɩ mam mẽŋa zẽ'am, la de la mam Sɔ la n boe la mam lɛ la n tõnnɩ a tõoma.

Azã 14:23

Tɩ Azezi lerge ẽ yetɩ: «Nẽra sãn nõŋɛ mam, a wʋn sakɛ ɩta mam n yele se'em na, la mam Sɔ wʋn nõŋɛ a dãana. La tõma wʋn wa'am a zẽ'am wa bɔna la ẽ.

Azã 15:9

Mam nõŋɛ ya wʋ mam Sɔ n nõŋɛ mam se'em na. Tara-ya mam nõŋlʋm na ya sũure pʋam.

Azã 16:27

Mam Sɔ la mẽŋa nõŋɛ yãma mɛ, se'ere n soe la, yãma nõŋɛ mam mɛ, dee bɔ mam sɩra tɩ mam ze'ele la Nawẽnnɛ zẽ'am wa'am.

Azã 17:11

Mam ka le bɔna dũnia zuo, la bãma boe la dũnia zuo dee tɩ mam sẽna fõn zẽ'am. M Sɔ n de pʋpeelem dãana, gu'ura ba la fʋ yʋ'ʋrɛ la tɩ fʋ bɔ mam na pãŋa, tɩ ba wʋn dɛna ayɩla wʋ mam la fõn n de ayɩla se'em na.

Azã 17:21

Mam pʋ'ʋsrɩ fõn tɩ fʋ botɩ ba lagɩm dɛna bʋyɩla, wʋ fõn de mam Sɔ n boe la mam lɛ, tɩ mam mẽ bɔna la fõn se'em na, tɩ ba mẽ wʋn lagɩm dɛna bʋyɩla la tõma, tɩ dũnia nẽrba la wʋn bɔ sɩra tɩ fõn tõm mam.

Azã 17:24

M Sɔ, mam boorɩ tɩ nẽr-sɛba tɩ fʋ bɔ mam na, mẽ bɔna la mam lɛ zẽ'e-sɛka tɩ mam wʋn bɔna la, tɩ ba wʋn yẽ mam na'am pãŋa, na'am pãn-sɛka tɩ fõn bɔ mam na, se'ere n soe la, fõn nõŋɛ mam mɛ, tɩ dũnia yʋʋn nãn ken ka bɔna.

Azã 17:26

Mam botɩ ba bãŋɛ fõn mɛ, la mam wʋn ken botɩ ba bãŋɛ fɔ, tɩ nõŋlʋm sɛka tɩ fõn nõŋɛ mam na, wʋn bɔna la ba, tɩ mam mẽ bɔna la ba.»

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 17:8

Se'ere n soe la, mam tɔgɛ ba la yetɔg-sɛba tɩ fõn bɔ mam na, tɩ ba to'oge, dee bãŋɛ sɩra sɩra tɩ mam ze'ele la fõn zẽ'am. La ba bɔ sɩra tɩ fõn tõm mam.

Azã 3:17

Nawẽnnɛ ka tõm a Dayʋa la dũnia tɩ a di nẽrba sarɩya sɩbgɛ ba, a tõm ẽ tɩ a fãagɛ ba mɛ basɛ.

Azã 6:56

Sɛka n diti mam ĩyã, dee yũura mam zɩɩm boe la mam mɛ, tɩ mam bɔna la ẽ.

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Filipi 3:15

Tõma sɛba wuu n bɩ Nawẽnnɛ sore doosgo pʋam na, tɩ tara-ya pʋtẽ'e-ẽna. La sɛla ayɩla yelle, ya sãn tara pʋtẽ'erɛ ayẽma, Nawẽnnɛ wʋn vẽlgɛ ya tɩ ya bãŋɛ ẽn de bõn-sɛka.

Kolɔsɩ 1:28

La de la ẽŋa yelle tɩ tõma mõolɩ, kã'ana nẽra woo, dee zãsna nẽra woo la yɛm tɩ tɩ botɩ nẽra woo masɛ sɛla woo pʋam Krisi doosgo pʋam ka ze'ele Nawẽnnɛ nẽŋam.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 3:14

Lan gãnnɩ wuu, tara-ya nõŋlʋm, tɩ ẽŋa n wʋn botɩ ya lagɩm taaba tara nõ-yẽnnɛ sõŋa sõŋa.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

1 Zã 1:3

Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

1 Zã 4:19

La sãn dɛna tõma, tõma tarɩ nõŋlʋm mɛ, se'ere n soe la, Nawẽnnɛ dẽŋɛ nõŋɛ tõma mɛ.

Lilegere 3:9

Mam n wʋn ẽŋɛ nẽr-sɛba n dolɩ Asũtãana la se'em n wãna: Nẽr-bãma yetɩ bãma de la Zifdõma, la dagɩ bɛla, ba de la põmpɔrndõma. Mam wʋn basɛ mɛ tɩ ba wa'am wa ka dũma ya nẽŋam, la ba wʋn bãŋɛ tɩ mam nõŋɛ ya.