Azã 17:11 - Farefare Ninkaré

¹¹ Mam ka le bɔna dũnia zuo, la bãma boe la dũnia zuo dee tɩ mam sẽna fõn zẽ'am. M Sɔ n de pʋpeelem dãana, gu'ura ba la fʋ yʋ'ʋrɛ la tɩ fʋ bɔ mam na pãŋa, tɩ ba wʋn dɛna ayɩla wʋ mam la fõn n de ayɩla se'em na.

ZE'ELEGO PAALEGA

¹¹ Nananawa, mam kan le bɔna timpaberɛ wa zuo, gee bamam kelum bɔna la ka puan. Gee ti mam yɛ'ɛha fum zi'an na. N Sɔ Fa'a daana, gura ba fum yu'urɛ se'ere ti fum dikɛ bo' mam la puan, ti ba dɛna buyina wuu tumam n de buyina se'em la.

Azã 17:11 ပူးပေါင်းရင်းမြစ်များ

Amatie 10:16

Azezi le yetɩ: «Bɩsɛ-ya, mam tõm ya wʋ piisi saasaadõma tẽŋasʋka. Bɛla ĩyã, dɛna-ya yɛm dõma wʋ bõnsɛ'ɛdõma, la ya ãna wʋ na'adawɛma n ka tarɩ yelle se'em na.

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Amatie 6:9

Bɛla, pʋ'ʋsra-ya wãna: ‹Tõma Sɔ Nawẽnnɛ n boe saazuum, botɩ fʋ yʋ'ʋrɛ yẽta pẽka,

Azã 13:1

Lan dẽŋɛ Zɔɔg-basɛ kibsa la, Azezi mi mɛ tɩ ẽŋa wakatɛ paagɛ mɛ tɩ ẽŋa wʋn fõrgɛ dũnia sẽŋɛ a Sɔ zẽ'am. La a daan nõŋɛ a nẽrba la n boe dũnia mɛ, a nõŋɛ ba la halɩ nõŋlʋm zõnzõnnɔ.

Azã 13:3

La Azezi daan mi tɩ ẽŋa ze'ele la Nawẽnnɛ zẽ'am wa'am, la ẽŋa lebrɩ la Nawẽnnɛ zẽ'am, la a mi tɩ ẽŋa Sɔ Nawẽnnɛ dɩkɛ sɛla woo ẽŋɛ la ẽŋa nu'usum.

Azã 14:20

La daar-ẽŋa daarɛ, ya wʋn bãŋɛ tɩ mam boe la m Sɔ la lɛ, tɩ yãma bɔna la mam, tɩ mam bɔna la yãma.

Azã 16:28

Mam ze'ele la m Sɔ Nawẽnnɛ zẽ'am wa'am dũnia zuo, la mam fõrgrɩ dũnia zuo wɛ'ɛsa la m Sɔ la zẽ'am.»

Azã 16:33

Mam yele ya bɛla tɩ ya tara la sũ-mã'asʋm mam yetɔga la ĩyã. Dũnia wã pʋam ya tarɩ la nãmsgɔ, la keŋe ya sũure, tɩ mam yãŋɛ dũnia mɛ.»

Azã 17:23

Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 17:25

M Sɔ, fõn de sɛka n masɛ. Dũnia nẽrba ka bãŋɛ fõn, la mam nõo bãŋɛ fõn mɛ, la nẽr-bãma bãŋɛ mɛ tɩ la de la fõn tõm mam.

Azã 17:6

Mam botɩ sɛba tɩ fõn looge dũnia nẽrba pʋam bɔ mam na bãŋɛ fõn mɛ. Ba daan de la fõn nẽrba, tɩ fõn dɩkɛ ba bɔ mam, la ba sakɛ fʋ yetɔga la mɛ.

Azã 7:33

Tɩ Azezi yele yetɩ: «Mam wʋn ken bɔna la ya la wakatɛ fẽe, dee lebe sɛka n tõm mam na zẽ'am.

Tõoma 3:21

Dẽnɩ tɩ a bɔna Nawẽnnɛ yire halɩ ka paagɛ wakat-sɛka tɩ sɛla wuu wʋn teege lebge paalsɩ, wʋ Nawẽnnɛ n yʋʋn põn botɩ a nõtɔ'ɔsrɩba tɔgɛ kʋrʋm kʋrʋm se'em na.

Aromduma 12:5

Bɛla mẽ, baa la tõma n zo'oge la, tõma lebge la ĩyã ayɩla, tõma n lagɩm na Krisi dɛna ayɩla la. La tõma lagɩm na taaba ãna wʋ ĩyã ayɩla zẽ'esɩ to'oto'ore la.

Aromduma 9:17

La Nawẽnnɛ gõŋɔ pʋam la gʋlsɛ tɩ Nawẽnnɛ yele naba Afaarõ yetɩ: «Mam n bɔ fʋ na'am tɩ m dɩkɛ fʋ pa'alɛ m pãŋa, tɩ m yʋ'ʋrɛ wʋn yese dũnia wuu.»

1 Korẽntɩ 1:10

M sɔbiisi, mam sosrɩ ya la tɩ Zuudãana Azezi-krisi yʋ'ʋrɛ tɩ ya wuu sakra taaba nõorɛ, tɩ welgre da bɔna ya tẽŋasʋka. Ẽŋɛ-ya nõorɛ ayɩla, tara pʋtẽ'erɛ ayɩla la taaba.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Filipi 2:9

Bɛla ĩyã tɩ Nawẽnnɛ zẽkɛ ẽ halɩ, bɔ ẽ yʋ'ʋrɛ n gãnnɩ yʋ'ʋra wuu.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 9:24

Krisi n kẽ zẽ'e-sɛka la, dagɩ deego tɩ nẽrsaala ẽŋɛ bɔ Nawẽnnɛ n mãmsrɩ Nawẽnnɛ zẽ'e-sõŋɔ mẽŋa mẽŋa la, a kẽ la Nawẽnnɛ yire mẽŋa, bɔna Nawẽnnɛ nẽŋam tõma sõŋrɛ ĩyã.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Pita 1:5

Yãma n bɔ sɩra la, Nawẽnnɛ gu'uri ya mɛ la a pãŋa halɩ wʋn ka paagɛ ba'asgɔ wakatɛ fãagɛ ya ba'asɛ.

1 Zã 3:12

La ka de tɩ ãna wʋ Akãɩ la, ẽŋa de la Asũtãana nẽra, yʋʋn kʋ a yɩbga. La bẽm n soe tɩ a yʋʋn kʋ ẽ? La de la a tõoma n yʋʋn de tõon-be'ero, dee tɩ a yɩbga tõoma masɛ la ĩyã.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.

Lilegere 15:4

Zuudãana, ãne n kãn zoe fõn, nã'asɛ fõn yʋ'ʋrɛ la? Se'ere n soe la, fõn mã'a n de pʋpeelem dãana. So'olʋm wuu nẽrba wʋn wa'am wa ka dũma nã'asɛ fɔ, se'ere n soe la, fõn tõoma n masɛ la puke mɛ tɩ ba yẽ.»

Lilegere 19:12

A nini ãn wʋ bugwitum na, dee vuge mũnsi zozo'e a zuum. A tarɩ la yʋ'ʋrɛ n gʋlsɛ tɩ nẽra ka mina ẽ, sãn dagna a mẽŋa mã'a.

Lilegere 4:8

Bõn-vɔɔsɩ banaasɩ la ayɩla woo tarɩ la kempagsɩ bayoobɩ tɩ nini pɩrɛ ba zẽ'a woo, tilum na zuum. Yʋ'ʋŋɔ la wʋntɛɛŋa, ba yõonɩ mɛ ka gɔ'ɔra yetɩ: «Sõŋa, sõŋa, sõŋa, Zuudãana Nawẽnnɛ n de ke'eŋo wuu dãana n ãn sõŋa. Ẽŋa n daan boe, n ken bɔna, dee wʋn bɔna wakatɛ wuu.»