Azã 17:10 - Farefare Ninkaré

¹⁰ La mam bõnɔ de la fõn bõnɔ, tɩ fõn bõnɔ dɛna mam bõnɔ, la mam yẽ nã'asgɔ mɛ ba zẽ'am.

ZE'ELEGO PAALEGA

¹⁰ Mam bunɔ za'a dela fum bunɔ. ti fum bunɔ dɛna mam bunɔ. Bama puan ti mam nyɛ pɛka.

Azã 17:10 ပူးပေါင်းရင်းမြစ်များ

Azã 10:30

Mam, la mam Sɔ la de la ayɩla.»

Azã 11:4

La Azezi n wõm bɛla la, tɩ a yetɩ: «Bã'a-ẽna ba'asgɔ kãn dɛna kũm. La de la tɩ Nawẽnnɛ yʋ'ʋrɛ yẽ zẽkrɛ, la tɩ Nawẽnnɛ Dayʋa la yʋ'ʋrɛ wʋn zẽkɛ bõn-ẽŋa pʋam.»

Azã 12:23

Tɩ Azezi lerge ba yetɩ: «Wakatɛ la paagɛ mɛ tɩ Nẽrsaala Dayʋa la wʋn yẽ a na'am pãŋa.

Azã 5:23

tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Tõoma 19:17

Tɩ Zifdõma, la bu-zãŋsɩ la wuu n boe Efɛɛzɩ la wõm yel-ẽna wã. Tɩ dabeem kẽ ba wuu, tɩ ba pẽgra Zuudãana Azezi yʋ'ʋrɛ.

Galatɩ 1:24

Tɩ ba nã'asra Nawẽnnɛ mam ĩyã.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Kolɔsɩ 2:9

Se'ere n soe la, Nawẽnnɛ n ãn se'em wuu la, Krisi mẽ ãn na bɛla mẽŋa.

2 Tesaloniki 1:10

wakat-sɛka tɩ a wʋn wa'am na. Daar-ẽŋa, a wʋn wa'am mɛ wa to'oge pẽka la nã'asgɔ a mẽŋa nẽrba n bɔ ẽ sɩra la zẽ'am, la yãma po bɔna ba pʋam mɛ, yãma n sakɛ a kõ-yẽlga la tɩ tõma tɔgɛ bɔ ya la ĩyã.

2 Tesaloniki 1:12

Bɛla tɩ tɩ Zuudãana Azezi yʋ'ʋrɛ wʋn yẽ nã'asgɔ ya zẽ'am, tɩ yãma mẽ yẽ nã'asgɔ a zẽ'am. Bɛla wuu de la Nawẽnnɛ, la tɩ Zuudãana Azezi-krisi yel-sõnnɛ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.