Azã 16:2 - Farefare Ninkaré

² Ba wʋn wa dige ya ba wẽndeto pʋam, la wakatɛ sẽna tɩ nẽrba wʋn kʋ ya, dee tẽ'esɛ tɩ bãma tõm na Nawẽnnɛ tõonɛ.

ZE'ELEGO PAALEGA

² Kelehe ya, Ba wan dige ya zamehegɔ yiya la puan bahɛ. Saŋa kini na, ti sɛba n ku ya, wan ti'ihɛ ti ban iŋɛ bala la, ba tuni bɔ'ɔra la Yinɛ.

Azã 16:2 ပူးပေါင်းရင်းမြစ်များ

Amatie 10:28

Da zɔta-ya sɛba n kʋʋrɩ ĩyã, dee ka tãna wʋn kʋ sɩa la. Zɔta-ya Nawẽnnɛ n tã wʋn botɩ ya ĩyã, la ya sɩa sã'am bug-tẽŋa la.

Amatie 24:9

Ba wʋn yõgɛ ya mɛ tarɩ ka bɔ tɩ ba nãmsɛ ya, kʋ ya, la buuri wuu wʋn sisra ya mam yʋ'ʋrɛ ĩyã.

Aluki 6:22

Yãma sɛba tɩ nẽrba sisri ya, dee bɔkra ya, tʋʋra ya, dee ka nanna ya wʋ ya de la tõon-be'ero dõma, mam n de Nẽrsaala Dayʋa la ĩyã la, tarɩ zu-yẽlga.

Azã 12:42

Baa la bɛla wuu, Zifdõma nẽŋadõma la pʋam nẽrba zozo'e bɔ ẽ sɩra mɛ, la Farisi dõma la ĩyã ba ka sakɛ yele, ba zotɩ mɛ tɩ ba wʋn dige ba ba wẽndeego la pʋam.

Azã 16:25

Mam makɛ la makrɛ tɔgɛ bɔ ya. La wakatɛ sẽm mɛ tɩ mam wʋn tɔgɛ m Sɔ la yelle vẽelga vẽelga bɔ ya, kãn le makɛ makrɛ tɔgɛ.

Azã 16:32

Tɔ. Wakatɛ sẽna, la a põn paam mɛ, tɩ ya wuu wʋn wɩrgɛ tɩ ya nẽra woo bɔna a yire dee basɛ mam m yɩla. La mam ka de m yɩla, se'ere n soe la, mam Sɔ la boe la mam mɛ.

Azã 4:21

Tɩ Azezi yele ẽ yetɩ: «Pɔka, bɔ mam yetɔga wã sɩra tɩ wakatɛ n sẽm tɩ ya kãn pʋ'ʋsɛ Nawẽnnɛ n de tɩ Sɔ la tãn-ẽna zuo, bɩɩ Zerizalɛm.

Azã 4:23

La wakatɛ sẽna, la a paam mɛ, tɩ sɛba n pʋ'ʋsrɩ Nawẽnnɛ sɩra sɩra la, wʋn pʋ'ʋsɛ ẽ la a Sɩa pãŋa, la sɩra. Tɩ Sɔ Nawẽnnɛ n boorɩ tɩ ba pʋ'ʋsra ẽ se'em n bɛla.

Azã 9:22

A sɔ la a ma la n zotɩ Zifdõma nẽŋadõma la ĩyã tɩ ba yele bɛla. Zifdõma nẽŋadõma la daan dẽŋɛ tɔgɛ kʋ mɛ yetɩ, nẽra sãn sakɛ tɩ Azezi de la Krisi, bãma wʋn yese ẽ mɛ ba wẽndeego la pʋam.

Azã 9:34

Tɩ ba lerge ẽ yetɩ: «Ba dɔgɛ fõn na tõon-be'ero pʋam, tɩ fõn yetɩ fʋ pa'alɛ tõma?» Tɩ ba dige ẽ ba wẽndeem na.

Tõoma 5:33

Ban wõm yetɔg-ẽna wã la, ba sũure yĩige mɛ halɩ tɩ ba bɔɔra tɩ ba kʋ ba.

Tõoma 7:56

Tɩ a yele ba yetɩ: «Bɩsɛ-ya, mam yẽ tɩ Nawẽnnɛ yire yo'oge mɛ, tɩ Nẽrsaala Dayʋa la zɛ Nawẽnnɛ zʋʋgɔ bɔba.»

1 Korẽntɩ 4:13

Ba sãn tɔgɛ tõma yetɔg-be'ero, tõma lebsrɩ la yetɔg-sõma. Dũnia dõma bɩsrɩ tõma, tɩ tõma ãna wʋ sɔgrɔ la, ka tara võorɛ ba zẽ'am, halɩ wa paam zĩna.

Filipi 3:6

Mam daan mõ'ogɛ nifo mɛ lɔɔ la yelle halɩ daan nãmsɛ Azezi nẽrba. La sãn dɛna lɔɔ la sakrɛ, mam daan ka tarɩ dõrga.

Lilegere 6:9

Tɩ Pebila la lakɛ bõnɔ bʋnuu dãana n tabɛ la, tɩ mam yẽ nẽr-sɛba tɩ ba daan kʋ ba, ban mõolɛ Nawẽnnɛ yetɔga la, dee vɔa wʋ yetɔga la n yele se'em na ĩyã, sɩɩsɩ n boe kãabgɔ bĩmbĩnne na tilum.