Azã 15:8 - Farefare Ninkaré

⁸ Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

ZE'ELEGO PAALEGA

⁸ Mam Sɔ pɛka boi la, ya wam zo'e zo'e. Ŋwana ti ya wan dɛna mam zahereba.

Azã 15:8 ပူးပေါင်းရင်းမြစ်များ

Amatie 5:16

Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Amatie 5:44

La mam yetɩ ya mɛ tɩ, ya nõŋɛ ya bɛ'ɛba, dee pʋ'ʋsra Nawẽnnɛ bɔ'ɔra sɛba n nãmsrɩ ya la.

Amatie 9:8

Tɩ nẽr-kʋʋŋɔ la yẽ bɛla, tɩ dabeem yõkɛ ba, tɩ ba nã'asra Nawẽnnɛ ẽn bɔ nẽrsaalba nõor-ẽŋa la ĩyã.

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Azã 13:35

Ya sãn nõŋɛ taaba, nẽrba wuu wʋn bãŋɛ tɩ ya de la mam karẽnbiisi.»

Azã 15:5

Mam n de tɩa la, tɩ yãma dɛna wila la. Sɛka n boe la mam, tɩ mam bɔna la ẽ, ẽŋa dãana tõnnɩ tõon-sõma zɔ'ɔra mɛ, se'ere n soe la, ya ka tã wʋn ẽŋɛ sɛla sɛla, tɩ ya sãn ka bɔna la mam.

Azã 8:31

Tɩ Azezi yele Zifdõma sɛba n daan bɔ ẽ sɩra la yetɩ: «Ya sãn sakra mam yetɔga la ka basɛ, ya sɩrɩ de la mam karẽnbiisi.

1 Korẽntɩ 10:31

Lan de se'em na, ya sãn dita mɛ, bɩɩ ya yũuri mɛ, bɩɩ sɛla woo tɩ ya ɩtɩ, ɩta-ya ba wuu nã'asra Nawẽnnɛ.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Taitusi 2:10

la ba da zũura ba lɔgrɔ. Ba tõnna tõon-sõma pa'alɛ tɩ bãma de la sɩra dõma, bɛla tɩ Nawẽnnɛ n de tɩ Fãagra zãsŋɔ la wʋn yẽta pẽka sɛla woo pʋam.

Taitusi 2:5

tɩ ba tara pʋtẽ'e-sõŋɔ, tɩ ba da ɩta dẽgrɔ, tɩ ba dɛna pɔg-mẽnsɩ, la pɔg-sõma, tɩ ba sakra ba sɩrba, tɩ nẽrba da pɔ'ɔgɛ Nawẽnnɛ kõ-yẽlga la.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.