Azã 15:6 - Farefare Ninkaré

⁶ Nẽra sãn ka bɔna la mam lɛ, ba wʋn lobe ẽ basɛ wʋ tɩa wille la, tɩ a kʋɩ. La ba vaarɩ wil-sɛba n kʋɩ la ɩta la bugum pʋam, tɩ bugum dita ba.

ZE'ELEGO PAALEGA

⁶ Se'em woo n ka naaɛ la mam, ba lobere en baha mɛ wuu yile ti ba ŋmaaɛ bahɛ ti a ku'e se'em la. Yile aŋa, ba ni lagehɛ ba mɛ bahɛ bugum puan ti ba di.

Azã 15:6 ပူးပေါင်းရင်းမြစ်များ

Amatie 13:41

Nẽrsaala Dayʋa la wʋn tõm na a malɛkadõma tɩ ba lagsɛ sɛba n pã'asɛ nẽrba tɩ ba basɛ Nawẽnnɛ sore, la tõon-be'ero dõma wuu, yese ba Nawẽnnɛ so'olʋm pʋam,

Amatie 27:5

Tɩ Azudaasɩ dɩkɛ ligri la lobge Wẽnde-kãtɛ la pʋam, dee sẽŋɛ ka pire mĩ'isi ki.

Amatie 3:10

Nẽra n põn tara lɩa a nu'usum tɩ a lʋbɛ tɩɩsɩ. Tɩ-sɛka woo n ka wɔnnɩ biɛ sõma, a wʋn lʋbɛ ẽ mɛ, lobge bugum pʋam, tɩ bugum di ẽ.

Amatie 7:19

Tɩ-sɛka woo n ka wɔnnɩ biɛ sõma, ba wʋn lʋbɛ ẽ mɛ yõ la bugum.

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Hiburuduma 10:27

Sɛla n yãŋa deege de la nẽr-ẽŋa gu'ura Nawẽnnɛ sarɩya, la bugum n wʋn di sɛba n sɩ'ɩsɛ Nawẽnnɛ na, la dabeem.

2 Pita 2:20

Nẽr-sɛba n bãŋɛ Azezi-krisi n de tɩ Zuudãana, la tɩ Fãagra la, ba basɛ dũnia tõon-dẽgrɔ mɛ. Ba sãn le kẽ ba pʋam basɛ tɩ ba sɔna ba, ba poorʋm toogo la wʋn gãnna pɔspɔsɩ la.

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

Lilegere 20:15

Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»