Azã 15:5 - Farefare Ninkaré

⁵ Mam n de tɩa la, tɩ yãma dɛna wila la. Sɛka n boe la mam, tɩ mam bɔna la ẽ, ẽŋa dãana tõnnɩ tõon-sõma zɔ'ɔra mɛ, se'ere n soe la, ya ka tã wʋn ẽŋɛ sɛla sɛla, tɩ ya sãn ka bɔna la mam.

ZE'ELEGO PAALEGA

⁵ Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Azã 15:5 ပူးပေါင်းရင်းမြစ်များ

Amatie 13:21

La ban ka kẽ a sũure pʋam na ĩyã, a sakɛ la wakatɛ fẽe. La toogo bɩɩ nãmsgɔ sãn paagɛ ẽ Nawẽnnɛ yetɔga la ĩyã, a basrɩ mɛ tɔtɔ.

Azã 12:24

Mam yetɩ ya la sɩra sɩra, tɩ ba sãn ka bʋrɛ ke-biire tɩ a yɛm bule yese dee tɩ a mẽŋa põ'ogɛ, ke-bi-ẽŋa ayɩla mã'a n wʋn bɔna, la ba sãn bʋrɛ ẽ tɩ a yɛm na bule yese dee tɩ a mẽŋa ki, a wʋn wɔm biɛ zozo'e.

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 5:19

Tɩ Azezi yele ba yetɩ: «Mam yetɩ ya la sɩra sɩra, tɩ Dayʋa la ka tã ɩta sɛla sɛla la a mẽŋa nõorɛ. A ɩtɩ la ẽn yẽ tɩ a Sɔ ɩtɩ se'em na. Sɔ la n ɩtɩ se'em na, a Dayʋa la mẽ ɩtɩ la bɛla mẽŋa.

Azã 9:33

Bʋra-ẽna sãn ka ze'ele nɩ Nawẽnnɛ zẽ'am, a kãn yãŋɛ nɩ ẽŋɛ sɛla sɛla.»

Tõoma 4:12

Fãarɛ ka boe nẽra ayẽma zẽ'am, sãn dagna Azezi-krisi mã'a n tã wʋn fãagɛ nẽrba dũnia zuo basɛ.»

Aromduma 12:5

Bɛla mẽ, baa la tõma n zo'oge la, tõma lebge la ĩyã ayɩla, tõma n lagɩm na Krisi dɛna ayɩla la. La tõma lagɩm na taaba ãna wʋ ĩyã ayɩla zẽ'esɩ to'oto'ore la.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 7:4

M sɔbiisi, yãma zẽ'am la mẽ de la bɛla. La sãn dɛna la Amoyisi lɔɔ la yelle, yãma de la kũm, tɩ lɔɔ la ka le sɔna ya, yãma n lagɩm na Krisi ki la ĩyã. Bɛla lɛɛlɛ wã, yãma yãŋa de la nẽra ayẽma n soe ya, la de la Krisi n ki tɩ Nawẽnnɛ vo'oge ẽ na n soe ya, tɩ tɩ wʋn tõnna tõon-sõma bɔ'ɔra Nawẽnnɛ.

1 Korẽntɩ 10:16

Bõn-yũula la tɩ tõma ẽn dɩkɛ pʋ'ʋsɛ Nawẽnnɛ dee yũ la, pa'alɛ tɩ tõma lagɩm na Krisi dɛna ayɩla, a zɩɩm n yese bɔ tõma la ĩyã. La borborɩ la tɩ tõma ẽn fiise pʋɩ taaba obe la, pa'alɛ tɩ tõma lagɩm na Krisi dɛna ĩyã ayɩla.

1 Korẽntɩ 12:12

Azezi-krisi nẽrba ãn wʋ ĩyã ayɩla n tarɩ zẽ'esɩ to'oto'ore. La baa la zẽ'esɩ la n de to'oto'ore la, ba wuu de la ĩyã ayɩla.

1 Korẽntɩ 12:27

Ya wuu de la Krisi ĩyã la. La nẽra woo de la ĩyã la zẽ'a ayɩla.

2 Korẽntɩ 13:8

Se'ere n soe la, tõma ka tã wʋn ẽŋɛ sɛla n sɩ'ɩsrɩ sɩra, tõma dolɩ la sɩra.

2 Korẽntɩ 9:10

Nawẽnnɛ n bɔ'ɔrɩ ka-kɔɔra bõnbuuri, dee bɔ'ɔra ẽ dia tɩ a dita la, wʋn bɔ ya sɛla tɩ ya tãna wʋn tõm tõon-sõma zozo'e wʋ bõnbuuri n wɔm zo'oge se'em, tɩ ya tõoma n masɛ wʋn zɔ'ɔra pa'asra.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:13

Mam tã ɩta sɛla woo mɛ, Krisi n bɔ'ɔrɩ mam pãŋa la ĩyã.

Filipi 4:17

La dagɩ tɩ mam eerɩ la bɔ'a, mam n boorɩ sɛla de la ya yẽ yɔɔrɔ zo'oge.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

Yemesi 1:17

Bɔ'a wuu n ãn sõŋa, la bɔ'a n masɛ wuu ze'etɩ la saazuum, Nawẽnnɛ n de peelem dãana la zẽ'am. Ẽŋa n nãam bõn-sɛba wuu n boe saazuum nẽera peelem, tɩ ba tɛɛra, la ẽŋa ka teerɩ, a ka tarɩ lika.

1 Pita 2:4

Lɛm-ya Zuudãana n de vɔm dãana la zẽ'am, ẽŋa ãn wʋ kug-sɛka tɩ nẽrba zagsɛ, tɩ Nawẽnnɛ looge ẽ tɩ a tara yõorɔ zozo'e.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.