Azã 15:4 - Farefare Ninkaré

⁴ Bɔna-ya la mam lɛ, tɩ mam wʋn bɔna la ya. Wʋ tɩa wille n ka tã wʋn wɔm biɛ a to'ore tɩ a sãn ka bɔna la tɩa la, bɛla, ya mẽ sãn ka bɔna la mam, ya ka tã wʋn wɔm biɛ.

ZE'ELEGO PAALEGA

⁴ Boi ya la mam, ti mam me bɔna la ya. Wuu yile n kan ta'am wam wala de ma'a se'em, han dagena de naaɛ mɛ la ta'aŋa la, bala mɛa ti yamam me kan ta'am wam, han dagena ya naaɛ mɛ la mam.

Azã 15:4 ပူးပေါင်းရင်းမြစ်များ

Amatie 12:33

Ya sãn yetɩ, tɩa ãn sõŋa, ya yetɩ a biɛ ãn sõŋa. Bɩɩ ya sãn yetɩ, tɩa de tɩ-be'ego, ya yetɩ a biɛ mẽ de la biɛ be'ero. Se'ere n soe la, tɩa biɛ n botɩ ba bãŋra ẽn de tɩ-sɛka.

Aluki 8:15

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakra dɩkra yetɔga la ɩta ba sũure pʋam sõŋa sõŋa, mõrgɛ zɛ kãŋkãŋɛ Nawẽnnɛ sore la pʋam wʋ bõnbuuri la n wɔm biɛ se'em na.»

Azã 14:20

La daar-ẽŋa daarɛ, ya wʋn bãŋɛ tɩ mam boe la m Sɔ la lɛ, tɩ yãma bɔna la mam, tɩ mam bɔna la yãma.

Azã 17:23

Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 6:56

Sɛka n diti mam ĩyã, dee yũura mam zɩɩm boe la mam mɛ, tɩ mam bɔna la ẽ.

Azã 8:31

Tɩ Azezi yele Zifdõma sɛba n daan bɔ ẽ sɩra la yetɩ: «Ya sãn sakra mam yetɔga la ka basɛ, ya sɩrɩ de la mam karẽnbiisi.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

2 Korẽntɩ 13:5

Vẽesɛ-ya ya mẽŋa bɩsɛ ya sãn bɔna Krisi sore la zuo. Ya mẽŋa geele bɩsɛ, yãma ka mi tɩ Krisi boe la yãma mɛ? Sãn dagɩ nɩ bɛla, ya koŋe mɛ.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 3:17

tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 2:6

Bɛla, yãma n sakɛ tɩ Azezi-krisi de la ya Zuudãana la, bɔna-ya la ẽ lɛ,

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

Hiburuduma 10:39

La sãn dɛna tõma, tõma dagɩ sɛba n lebrɩ poorʋm wʋn sã'am na, tõma de la sɛba n bɔ sɩra wʋn yẽ fãarɛ.

1 Zã 2:6

Sɛka n yetɩ ẽŋa lagɩm na Nawẽnnɛ, dẽnɩ tɩ a dãana vɔa wʋ Azezi-krisi n daan vɔa se'em na.

2 Zã 1:9

Nẽr-sɛka n yõsgɛ tole nẽŋa ka bɔna Krisi zãsŋɔ la pʋam, Nawẽnnɛ ka boe la ẽ. La sɛka woo n boe a zãsŋɔ la pʋam, Sɔ Nawẽnnɛ, la a Dayʋa boe la ẽ mɛ.