Azã 15:2 - Farefare Ninkaré

² Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

ZE'ELEGO PAALEGA

² A ŋmati yile-se'ere woo n naaɛ la mam gee ka wuna baha mɛ. Gee yɔreha yile-se'ere woo n naaɛ la mam gee wuna wala ti de wam zo'e zo'e.

Azã 15:2 ပူးပေါင်းရင်းမြစ်များ

Amatie 13:12

Sɛka n tarɩ wʋn to'oge pa'asɛ, tɩ la zo'oge. La sɛka n ka tarɩ, baa sɛla tɩ a tarɩ fẽe la, ba wʋn to'oge ẽ.

Amatie 13:33

La a le makɛ la makrɛ ayɩla bɔ ba yetɩ: «Nawẽnnɛ so'olʋm ãn wʋ dãbɩllɛ tɩ pɔka dɩkɛ ẽŋɛ borborɩ zom la-kãra batã pʋam wẽ, tɩ dãbɩllɛ la botɩ ba wuu uke.»

Amatie 15:13

Tɩ Azezi lerge yetɩ: «Sɛla woo tɩ mam Sɔ Nawẽnnɛ ka bʋrɛ, ba wʋn võogɛ ẽ basɛ.

Amatie 21:19

Tɩ a yẽ kẽnkãŋa n ze sore nõorʋm, sẽŋɛ tɩ a ka bɩsɛ, la a paagɛ yẽ la võorɔ mã'a. Tɩ a yele kẽnkãŋa la yetɩ: «Fʋ kãn le malɩn wɔm biɛ.» La bilam mẽŋa tɩ kẽnkãŋa la kʋɩ.

Amatie 25:29

Se'ere n soe la, nẽr-sɛka n tarɩ, a wʋn to'oge pa'asɛ tɩ la zo'oge. La sɛka n ka tarɩ, baa sɛla fẽe tɩ a tarɩ la, ba wʋn to'oge ẽ.

Amatie 3:10

Nẽra n põn tara lɩa a nu'usum tɩ a lʋbɛ tɩɩsɩ. Tɩ-sɛka woo n ka wɔnnɩ biɛ sõma, a wʋn lʋbɛ ẽ mɛ, lobge bugum pʋam, tɩ bugum di ẽ.

Amatie 3:12

Ẽŋa wʋn welge nẽrba wʋ nẽra n zãlɩ pɩ'ɩgɔ a nu'usum tɩ a vaagɛ a si zɛɛŋa yeele, ẽŋɛ a bãarɛ pʋam dee yõ urgo la, la bugum n ka kĩŋri.»

Amatie 7:19

Tɩ-sɛka woo n ka wɔnnɩ biɛ sõma, ba wʋn lʋbɛ ẽ mɛ yõ la bugum.

Amarkɩ 4:20

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõnnɩ kõ-yẽlga la sakra, wɔm biɛ. Tɩ basɛba wɔm pitã-tã, tɩ basɛba pisyoob-yoobɩ, tɩ basɛba kɔbga kɔbga.»

Aluki 8:13

La tãmpĩa la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakɛ la sũ-yẽlga, la yetɔga la ka kẽ ba sũure pʋam sõŋa. Ba sakɛ la wakatɛ fẽe, tɩ yelle sãn paagɛ ba, tɩ ba basɛ.

Azã 15:1

Azezi zãsʋm ba yetɩ: «Mam de la viinye tɩa mẽŋa mẽŋa. La mam Sɔ Nawẽnnɛ n de viinye tɩa la dãana.

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 15:3

Yãma põn ãna sõŋa mɛ, yetɔg-sɛba tɩ mam tɔgɛ bɔ ya la ĩyã.

Azã 15:6

Nẽra sãn ka bɔna la mam lɛ, ba wʋn lobe ẽ basɛ wʋ tɩa wille la, tɩ a kʋɩ. La ba vaarɩ wil-sɛba n kʋɩ la ɩta la bugum pʋam, tɩ bugum dita ba.

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Azã 17:12

Mam n daan boe la ba lɛ la, mam daan gu'uri ba la yʋ'ʋr-sɛka tɩ fõn bɔ mam na pãŋa. Mam bɩsɛ ba yelle mɛ sõŋa sõŋa, tɩ nẽra baa ayɩla ka bɔɩ, sãn dagna sɛka n de a sã'am, tɩ fõn gõŋɔ n yele se'em na ẽŋɛ la.

Aromduma 11:17

Ɩsrayɛlɩ dõma la ãn wʋ Oliivi tɩa tɩ ba sele, tɩ ba kʋ'ʋsɛ a wila basɛ. La fõn de bu-zãŋka la ãn wʋ Oliivi tɩa n boe weem wille tɩ ba kʋ'ʋgɛ, dɩkɛ toŋe la tɩa tɩ ba sele la wila. Fõn ãn wʋ wille la n to'orɩ sõŋrɛ tɩa tɩ ba sele la yẽga zẽ'am na.

Aromduma 11:22

Bɩsɛ Nawẽnnɛ n ɩtɩ sõŋa se'em, dee tɔɩ se'em. A tɔɩ mɛ la sɛba n ka sakrɩ ẽ na, dee ɩta fʋ sõŋa, fʋ sãn ken bɔna a sõŋa la pʋam. Sãn dagna bɛla, a mẽ wʋn kʋ'ʋgɛ fʋ basɛ mɛ.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

1 Korẽntɩ 13:1

Mam sãn tɔgra nẽrsaalba buuri wuu yetɔga, la malɛkadõma yetɔga, dee ka tara nõŋlʋm, mam ãn wʋ dẽnlɔŋɔ bɩɩ pɩrga n wẽ'erɩ zãŋa.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 12:15

Guuse-ya tɩ ya nẽra nẽra da wa mõŋɛ a mẽŋa Nawẽnnɛ yel-sõnnɛ, ken guuse-ya tɩ nẽr-sɛka da ãna wʋ yẽg-toogo n puse ya tẽŋasʋka, wʋn basɛ tɩ toogo la loŋe nẽrba zozo'e sã'am ba.

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

Lilegere 3:19

Mam sɩbgrɩ la sɛba wuu tɩ mam nõŋɛ, dee dɛmsra ba. Bɛla, nargɛ-ya pãŋa teege yɛm basɛ tõon-be'ero.