Azã 15:18 - Farefare Ninkaré

¹⁸ Tɩ Azezi le yele yetɩ: «Dũnia nẽrba sãn sise ya, ya bãŋɛ tɩ ba dẽŋɛ sise la mam.

ZE'ELEGO PAALEGA

¹⁸ “Timpaberɛ wa zuo han yaaɛ ya, mini ya ti ka yaaɛ la mam yia, gee nyaa yaaɛ yamam.

Azã 15:18 ပူးပေါင်းရင်းမြစ်များ

Amatie 10:22

Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 24:9

Ba wʋn yõgɛ ya mɛ tarɩ ka bɔ tɩ ba nãmsɛ ya, kʋ ya, la buuri wuu wʋn sisra ya mam yʋ'ʋrɛ ĩyã.

Amatie 5:11

Yãma sɛba tɩ ba tʋʋrɩ ya, nãmsra ya, tɔgra ya tɔg-be'ero dee parna bɔ'ɔra ya, yan dolɩ mam na ĩyã, tarɩ zu-yẽlga.

Amarkɩ 13:13

Nẽrba zozo'e wʋn sise ya mam yʋ'ʋrɛ ĩyã. La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Aluki 6:22

Yãma sɛba tɩ nẽrba sisri ya, dee bɔkra ya, tʋʋra ya, dee ka nanna ya wʋ ya de la tõon-be'ero dõma, mam n de Nẽrsaala Dayʋa la ĩyã la, tarɩ zu-yẽlga.

Azã 16:1

Mam tɔgɛ bɛla bɔ ya tɩ sɛla da wa botɩ ya basɛ ka le dɔla mam.

Azã 16:33

Mam yele ya bɛla tɩ ya tara la sũ-mã'asʋm mam yetɔga la ĩyã. Dũnia wã pʋam ya tarɩ la nãmsgɔ, la keŋe ya sũure, tɩ mam yãŋɛ dũnia mɛ.»

Azã 3:20

Nẽr-sɛka woo n tõnnɩ tõon-be'ero sisri peelem mɛ, a ka sẽm peelem pʋam, a zotɩ mɛ tɩ a tõoma la wʋn puke.

Azã 7:7

Dũnia dõma kãn tã'agɛ sise yãma, la ba sisri mam mɛ, mam n tɔgrɩ pa'ala tɩ ba tõoma de la be'em na ĩyã.

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

1 Zã 3:13

Bɛla m sɔbiisi, dũnia nẽrba sãn sisra ya, da kãn basɛ-ya tɩ la dɛna sɛla n di'ige ya.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.