Azã 15:16 - Farefare Ninkaré

¹⁶ Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

ZE'ELEGO PAALEGA

¹⁶ Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Azã 15:16 ပူးပေါင်းရင်းမြစ်များ

Amatie 21:22

La ya sãn sose Nawẽnnɛ sɛla dee bɔ ẽ sɩra, ya wʋn to'oge.»

Amatie 7:7

«Sose-ya Nawẽnnɛ, tɩ a wʋn bɔ ya. Ɛ-ya, tɩ ya wʋn yẽ. Wẽ-ya kʋlɩŋa, tɩ a wʋn yo'oge bɔ ya.

Aluki 6:13

Tɩ beere wiige, tɩ a wi a karẽnbiisi la, tɩ ba wa'am a zẽ'am. Tɩ a looge karẽnbiisi pia la ayi bãma pʋam. Bãma n de nẽr-sɛba tɩ a wʋn tõm na.

Azã 13:18

La dagɩ ya wuu yelle tɩ mam tɔgrɩ, mam mi sɛba tɩ mam looge la mɛ, la dẽnɩ tɩ bõn-sɛba n gʋlsɛ Nawẽnnɛ gõŋɔ pʋam na ẽŋɛ. La yetɩ: ‹Nẽr-sɛka n diti la mam na, wẽrgɛ mɛ zɛbra la mam.›

Azã 15:19

Ya sãn de nɩ na dũnia n soe ya, dũnia nẽrba wʋn nõŋɛ nɩ ya, se'ere n soe la, ya de la dũnia bõnɔ. La mam loose ya la dũnia pʋam yese, la dagɩ dũnia n soe ya, bɛla tɩ dũnia nẽrba sisra ya.

Azã 15:5

Mam n de tɩa la, tɩ yãma dɛna wila la. Sɛka n boe la mam, tɩ mam bɔna la ẽ, ẽŋa dãana tõnnɩ tõon-sõma zɔ'ɔra mɛ, se'ere n soe la, ya ka tã wʋn ẽŋɛ sɛla sɛla, tɩ ya sãn ka bɔna la mam.

Azã 6:70

Tɩ Azezi lerge ba yetɩ: «Mam n looge yãma pia la ayi la. La ya nẽra ayɩla de la Asũtãana nẽra.»

Tõoma 1:24

Tɩ ba yãŋa pʋ'ʋsɛ Nawẽnnɛ yetɩ: «Tɩ Zuudãana, fõn mi nẽrsaalba wuu sũure. Pa'alɛ tɔ nẽrba bayi wã pʋam, fõn looge nẽr-sɛka

Tõoma 1:8

La Nawẽnnɛ Sɩa wʋn wa'am ya zuo, wa bɔ ya pãŋa. La ya wʋn dɛna mam kaset-dõma pa'alɛ mam yɛla Zerizalɛm, la Zude, la Samaari tẽnsʋm, halɩ ka paagɛ dũnia tɛka wuu.»

Tõoma 10:41

La a ka dɩkɛ a mẽŋa pa'alɛ nẽrba la wuu, a dɩkɛ a mẽŋa pa'alɛ la tõma sɛba n de kaset-dõma tɩ Nawẽnnɛ daan põn dẽŋɛ looge la. A vo'ore la poorʋm, tõma daan lagɩm na ẽ mɛ di dee yũ.

Tõoma 22:14

Tɩ a yele mam yetɩ: ‹Nawẽnnɛ tɩ tõma yaabdõma yʋʋn pʋ'ʋsrɩ la n looge fo tɩ fʋ bãŋɛ ẽn boorɩ se'em, la fʋ yẽ sɩra dãana la, dee tɩ a tɔgɛ la a mẽŋa nõorɛ bɔ fɔ,

Tõoma 9:15

Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

Aromduma 1:13

M sɔbiisi, mam boorɩ mɛ tɩ ya bãŋɛ tɩ nõorɛ faa tɩ mam makɛ tɩ m wa'am ya zẽ'am. La gu'a n gu mam halɩ wa paam lɛɛlɛ wã. Mam boorɩ mɛ tɩ m wa'am tɩ m tõonɛ na tara yõorɔ yãma zẽ'am, wʋ ẽn tarɩ yõorɔ so'olʋm basɛba pʋam se'em na.

Aromduma 1:5

Azezi-krisi ĩyã tɩ Nawẽnnɛ ẽŋɛ tɩ yel-sõnnɛ, botɩ tõma dɛna a Tõntõnɩba tɩ tɩ botɩ so'olʋm wuu nẽrba bɔ ẽ sɩra, sakɛ a nõorɛ a yʋ'ʋrɛ nã'asgɔ ĩyã.

Aromduma 15:4

Sɛla wuu tɩ ba yʋʋn gʋlsɛ Nawẽnnɛ gõŋɔ pʋam na, gʋlsɛ la tõma zãsŋɔ ĩyã, tɩ la wʋn botɩ tɩ mã'agɛ sũure sẽnna nẽŋa, dee bɔ'ɔra tɩ bʋraanɛ, tɩ tɩ wʋn tara pʋtẽ'erɛ gu'ura sɛla tɩ Nawẽnnɛ yetɩ a bɔ tɩ la.

Aromduma 9:21

Yagba la tã wʋn ẽŋɛ ẽŋa n boorɩ se'em la yɔgrɔ la mɛ. A tã wʋn dɩkɛ yɔgrɔ bʋyɩla mɛ, dɩkɛ ba pʋsʋka yagbɛ lɔkɔ n tarɩ yõorɔ dɛna tʋʋlʋm bõnɔ, dee dɩkɛ pʋsʋka yagbɛ lɔkɔ n dagɩ tʋʋlʋm bõnɔ.

1 Korẽntɩ 10:11

Bõn-bãma wuu yʋʋn ẽŋɛ tɩ yaabdõma tɩ la dɛna la mãmsgɔ bɔ nẽrba basɛba. La ba gʋlsɛ bɛla, tɩ la dɛna la zãsŋɔ bɔ tõma sɛba n boe wakat-ẽna tɩ dũnia lɛm ba'asgɔ wã.

Galatɩ 1:15

La Nawẽnnɛ daan welge mam na to'ore lan dẽŋɛ mam dɔka, ẽŋɛ mam yel-sõnnɛ, looge mam tɩ m dɛna a tõntõnna.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

1 Timoti 2:7

Bɛla tɩ Nawẽnnɛ daan looge mam tɩ m dɛna Azezi Tõntõnna dɩkɛ yel-ẽna wã mõolɛ, dee zãsʋm bu-zãŋsɩ Nawẽnnɛ sɩra tɩ ba bɔ ẽ sɩra. Mam tɔgrɩ la sɩra, mam ka parnɩ.

2 Timoti 1:11

Nawẽnnɛ n looge mam tɩ m dɛna Krisi Tõntõnna mõola a kõ-yẽlga, dee zãsna nẽrba.

2 Timoti 2:2

Mam n zãsʋm fʋ bõn-sɛba nẽrba zozo'e nẽŋam na, dɩkɛ ba zãsʋm nẽrba n de sɩra dõma n mẽ tã wʋn dɩkɛ ba zãsʋm nẽrba basɛba.

Taitusi 1:5

Mam n daan botɩ fʋ weege Krɛtɩ la, la de la fʋ malgɛ bõn-sɛba n deege dɛna ba malgɛ ba'asɛ la, la fʋ looge kẽma tẽŋa woo Nawẽnnɛ nẽrba pʋam wʋ mam n yele fʋ se'em na.

Hiburuduma 11:4

Abɛlɩ n bɔ Nawẽnnɛ sɩra la ĩyã, tɩ a yʋʋn kãabɛ kãabgɔ n tarɩ yõorɔ gãnna Akãɩ kãabgɔ bɔ Nawẽnnɛ. La de la bɔ sɩra la ĩyã tɩ Nawẽnnɛ to'oge a bɔ'a la, dee yetɩ a masɛ ẽŋa zẽ'am. Abɛlɩ n bɔ sɩra la ĩyã, baa ẽn ki la, a yelle ken tɔgra mɛ.

Yemesi 3:18

Sũ-mã'asʋm dõma n botɩ sũ-mã'asʋm bɔna nẽrba tẽŋasʋka la tõoma de la tõon-sõma n masɛ Nawẽnnɛ zẽ'am.

1 Pita 3:15

Nã'asra-ya Krisi ya sũure pʋam, basɛ-ya tɩ a dɛna ya Zuudãana. Mãasʋm-ya wakatɛ wuu lɛrgra nẽr-sɛka woo n sokrɩ ya, bɔɔra tɩ a bãŋɛ yãma n tarɩ pʋtẽ'erɛ gu'ura sɛla la yelle n ãn se'em na.

1 Pita 3:2

ban yẽtɩ ya yel-ɩrɛ n ãn sõŋa dɛna nã'asgɔ la.

1 Zã 4:10

Nõŋlʋm na n doose se'em n wãna: La dagɩ tõma n dẽŋɛ nõŋɛ Nawẽnnɛ. La de la Nawẽnnɛ n nõŋɛ tõma, tõm a Dayʋa, tɩ a dɛna kãabgɔ tõma tõon-be'ero taalɛ basga ĩyã.

1 Zã 4:19

La sãn dɛna tõma, tõma tarɩ nõŋlʋm mɛ, se'ere n soe la, Nawẽnnɛ dẽŋɛ nõŋɛ tõma mɛ.