Azã 14:6 - Farefare Ninkaré

⁶ Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

ZE'ELEGO PAALEGA

⁶ Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 14:6 ပူးပေါင်းရင်းမြစ်များ

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:17

Nawẽnnɛ bɔ a lɔɔ la Amoyisi, tɩ a bɔ tõma. La, la sãn dɛna Nawẽnnɛ yel-sõnnɛ, la a sɩra la, la doose la Azezi-krisi tɩ a bɔ tõma.

Azã 1:4

Ẽŋa n de vɔm dãana. La de la ẽŋa n botɩ nẽrsaalba yẽta peelem.

Azã 10:28

Mam bɔ'ɔrɩ ba la vɔm n ka ba'asrɩ, tɩ ba kãn malɩn sã'am, la nẽra ka tã wʋn fãagɛ ba mam nu'usum.

Azã 10:7

Tɩ Azezi le yele ba yetɩ: «Mam yetɩ ya la sɩra sɩra, tɩ mam n de piisi denne na zanõrɛ.

Azã 10:9

Mam n de zanõrɛ la. La nẽr-sɛka n dolɩ mam zẽ'am kẽ'era, a wʋn yẽ fãarɛ. La a wʋn kẽ'era dee yɛsra, yẽta a dia.

Azã 14:19

La sãn ẽŋɛ fẽe, dũnia nẽrba kãn le yẽ mam. La yãma nõo wʋn yẽ mam, se'ere n soe la, mam n vɔa la, yãma mẽ wʋn vɔa mɛ.

Azã 15:1

Azezi zãsʋm ba yetɩ: «Mam de la viinye tɩa mẽŋa mẽŋa. La mam Sɔ Nawẽnnɛ n de viinye tɩa la dãana.

Azã 18:37

Tɩ Apilatɩ soke ẽ yetɩ: «Bɛla fõn de la naba?» Tɩ Azezi lerge yetɩ: «La de la fõn yele se'em na, mam de la naba. Mam dɔgɛ wa'am dũnia wã tɩ m tɔgɛ la sɩra kaseto. La sɛka woo n dolɩ sɩra selsrɩ la mam kõa.»

Azã 5:21

La wʋ Sɔ la n vo'orɩ kũm bɔ'ɔra ba vɔm na, Dayʋa la mẽ bɔ'ɔra sɛba tɩ a boorɩ vɔm na bɛla.

Azã 6:33

Dia sɩra sɩra tɩ Nawẽnnɛ bɔ ya la, de la sɛka n ze'ele Nawẽnnɛ yire sige dũnia bɔ'ɔra nẽrba vɔm na.»

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Azã 6:57

Mam Sɔ n tõm mam na, de la vɔm dãana, ẽŋa ĩyã tɩ mam tara vɔm, bɛla, sɛka n diti mam ĩyã mẽ wʋn vɔa mam ĩyã.

Azã 6:68

Tɩ Asimõ-pɩyɛɛrɩ lerge ẽ yetɩ: «Zuudãana, tõma wʋn basɛ fõn dee sẽŋɛ la ãn zẽ'am? Fõn tarɩ la yetɔga n bɔ'ɔrɩ vɔm n ka ba'asrɩ.

Azã 8:32

La ya wʋn bãŋɛ sɩra, la sɩra la wʋn to'oge ya basɛ.»

Azã 8:51

Mam yetɩ ya la sɩra sɩra, tɩ nẽra sãn sakɛ mam yetɔga, a kãn malɩn ki.»

Tõoma 3:15

Bɛla yãma botɩ ba kʋ la yõvore dãana, ẽŋa tɩ Nawẽnnɛ vo'oge. Tõma daan yẽ bõn-ẽna mɛ, tɔgra a yelle bɔ'ɔra ya.

Tõoma 4:12

Fãarɛ ka boe nẽra ayẽma zẽ'am, sãn dagna Azezi-krisi mã'a n tã wʋn fãagɛ nẽrba dũnia zuo basɛ.»

Tõoma 9:2

ka sose ẽ yetɩ, a gʋlsɛ gõnnɔ bɔ Zifdõma wẽndeto n boe Damaasɩ tẽŋam na yetɩ, ẽŋa sãn yẽ nẽrba n de bʋraasɩ, bɩɩ pɔgsɩ n dolɩ Azezi sore, ẽŋa wʋn yõgɛ ba mɛ, lʋ ba tarɩ sẽŋɛ Zerizalɛm.

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

Aromduma 5:21

Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

1 Korẽntɩ 15:45

La gʋlsɛ Nawẽnnɛ gõŋɔ pʋam yetɩ: «Adam n de pɔspɔsɩ nẽra la, Nawẽnnɛ n bɔ ẽ vɔm.» La Krisi tɩ ba wi'iri tɩ poorʋm Adam na, tarɩ la Sɩa n bɔ'ɔrɩ vɔm.

Efɛɛzɩ 2:18

Krisi ĩyã tɩ tõma wuu tara sore wʋn lɛm tɩ Sɔ Nawẽnnɛ zẽ'am, Nawẽnnɛ Sɩa ayɩla n boe la tɩ wuu lɛ la ĩyã.

Kolɔsɩ 2:17

Bõn-bãma de la sɛla n sẽm na mãmsgɔ mã'a, la sɛla la mẽŋa de la Krisi.

Kolɔsɩ 2:9

Se'ere n soe la, Nawẽnnɛ n ãn se'em wuu la, Krisi mẽ ãn na bɛla mẽŋa.

Kolɔsɩ 3:4

La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

Hiburuduma 7:25

La de la bɛla tɩ a tãna wʋn fãagɛ sɛba wuu n doose la ẽŋa lɛnna Nawẽnnɛ zẽ'am na, wakatɛ wuu ĩyã. Se'ere n soe la, a vɔa mɛ wakatɛ wuu yõkra Nawẽnnɛ sɩa bɔ'ɔra ba.

Hiburuduma 9:8

Bɛla, Nawẽnnɛ Sɩa pa'alɩ tɩ pɔspɔsɩ deego la n daan ken bɔna la, sore ka pakɛ tɩ nẽra tãna wʋn kẽ Nawẽnnɛ zẽ'e-sõŋɔ mẽŋa mẽŋa la pʋam.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 2:4

Lɛm-ya Zuudãana n de vɔm dãana la zẽ'am, ẽŋa ãn wʋ kug-sɛka tɩ nẽrba zagsɛ, tɩ Nawẽnnɛ looge ẽ tɩ a tara yõorɔ zozo'e.

1 Pita 3:18

Krisi nãmsɛ mɛ ki bʋyɩla tɩ a yese tõon-be'ero, ẽŋa n de sɛka n masɛ la, ki la sɛba n ka masɛ ĩyã, tɩ a tarɩ ya sẽŋɛ Nawẽnnɛ zẽ'am. Ba kʋ ẽ mɛ, tɩ Nawẽnnɛ Sɩa basɛ tɩ a vo'oge

1 Zã 1:8

La tɩ sãn yetɩ, tõma ka tarɩ tõon-be'ero, tɩ pã'asɛ la tɩ mẽŋa, la sɩra ka boe tɩ zẽ'am.

1 Zã 2:23

Nẽr-sɛka n sɩ'ɩsrɩ Dayʋa la, mẽ ka boe la Sɔ la. La nẽr-sɛka n yetɩ ẽŋa mi Dayʋa la, mẽ boe la Sɔ la mɛ.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

1 Zã 5:6

Azezi-krisi n wa'am dũnia zuo la, la doose la ko'om, la zɩɩm. La dagɩ ko'om misga la mã'a, la ken dɛna la ẽn ki tɩ a zɩɩm yese la. La de la Nawẽnnɛ Sɩa n bɔ'ɔrɩ a kaseto, Nawẽnnɛ Sɩa n de sɩra dãana la ĩyã.

2 Zã 1:9

Nẽr-sɛka n yõsgɛ tole nẽŋa ka bɔna Krisi zãsŋɔ la pʋam, Nawẽnnɛ ka boe la ẽ. La sɛka woo n boe a zãsŋɔ la pʋam, Sɔ Nawẽnnɛ, la a Dayʋa boe la ẽ mɛ.

Lilegere 19:11

La mam yẽ la Nawẽnnɛ yire n yo'oge, tɩ wemõ-pɛɛlga bɔna mĩ, tɩ sɛka n bã ẽ na yʋ'ʋrɛ dɛna Atẽntẽa, la Sɩra Dãana. A diti la sarɩya tɩ la masɛ, dee zɛbra zɛbrɛ tɩ la masɛ.

Lilegere 20:15

Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

Lilegere 22:1

Tɩ malɛka la pa'alɛ mam ko'om n bɔ'ɔrɩ vɔm kʋlaaga. Kʋlaaga la yẽgrɩ wʋ bɩsga la. A ze'ele la Nawẽnnɛ, la Pebila na'am bĩmbĩnne na zẽ'am

Lilegere 22:17

Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.

Lilegere 3:14

«Gʋlsɛ bɔ Laodise Wẽndeego nẽrba la gu'ura yetɩ: Sɛka n de Amina la, sɛka n de sɩra dãana, dee sɩrɩ tɔgra sɛla tɩ a nini yẽ, dee ken dɛna sɛka tɩ Nawẽnnɛ n nãam sɛla wuu ze'ele a zẽ'am n yele se'em n wãna:

Lilegere 3:7

«Gʋlsɛ bɔ Filadɛlfi Wẽndeego nẽrba la gu'ura yetɩ: Sɛka n de pʋpeelem dãana, la sɩra dãana n tarɩ naba Adavidi kʋlɩnbiɛ, sɛka n yʋ'ʋrɩ tɩ nẽra ka tãna yɔ'ɔra, dee yɔ'ɔra tɩ nẽra ka tãna yʋ'ʋra la n yele se'em n wãna: