Azã 13:9 - Farefare Ninkaré

⁹ Tɩ Asimõ-pɩyɛɛrɩ yele ẽ yetɩ: «M Zuudãana, da peege m nãma la mã'a, po peege m nu'usi la m zuugo.»

ZE'ELEGO PAALEGA

⁹ Ŋwana ti Simɔn Pita yele en yeti, “Daana, yi da pee n nama ma'a, gee pee n nu'uhi la n zuo pa'ahɛ.”

Azã 13:9 ပူးပေါင်းရင်းမြစ်များ

Amatie 27:24

La Apilatɩ n yẽ tɩ ẽŋa kãn yãŋɛ ẽŋɛ sɛla, dee tɩ nẽrba la gita pa'asra la, tɩ a dɩkɛ ko'om peege a nu'usi nẽr-kʋʋŋɔ la wuu nẽŋam, dee yele yetɩ: «Mam nẽŋa ka boe ẽna wã kʋa pʋam. La de la yãma yelle.»

Azã 13:10

Tɩ Azezi yele ẽ yetɩ: «Sɛka n sɔ ĩyã ka le bɔɔra tɩ a sɔ, sãn dagna a nãma mã'a tɩ a wʋn peege, se'ere n soe la, a ĩyã wuu dẽkɛ mɛ sõŋa sõŋa. Ya dẽkɛ mɛ ãna sõŋa sõŋa, la, la dagɩ ya wuu.»

Azã 13:8

Tɩ Apɩyɛɛrɩ yele ẽ yetɩ: «Ayɛɩ! Fõn kãn peege mam nãma.» Tɩ Azezi lerge ẽ yetɩ: «Mam sãn ka peege fo, fʋ ka le tara pʋrɛ la mam.»

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.