Azã 13:5 - Farefare Ninkaré

⁵ Yãŋa pʋrgɛ ko'om ẽŋɛ laaga pʋam, pɛɛra a karẽnbiisi la nãma, dɩkɛ tãnnɛ la n lʋ a sɩa la duusra ba.

ZE'ELEGO PAALEGA

⁵ Nyaa ka'ɛ ko'om iŋɛ peere lɔkɔ puan, pɔhɛ pɛɛra a zahereba la nama, gee duuha ba la duuhega la ti a wooe la.

Azã 13:5 ပူးပေါင်းရင်းမြစ်များ

Aluki 7:38

Yãŋa ze'ele lɛm Azezi nãma bɔba kɛlla. Tɩ a nintãm yɛsra tɔgra Azezi nãma zuo. Tɩ pɔka la suure duuse Azezi nãma la, la a zomto, dee kɔkɛ a nãma la, sõogɛ ba la tɩdarɛ kaam na.

Aluki 7:44

Dee gelge bɩsɛ pɔka la, yele Asimõ yetɩ: «Fõn yẽ pɔka wã? Mam n kẽ fõn yire la, fõn ka bɔ mam ko'om tɩ mam peege m nãma. La pɔka la peege mam nãma mɛ la a nintãm, dee duuse ba la a zomto.

Azã 13:10

Tɩ Azezi yele ẽ yetɩ: «Sɛka n sɔ ĩyã ka le bɔɔra tɩ a sɔ, sãn dagna a nãma mã'a tɩ a wʋn peege, se'ere n soe la, a ĩyã wuu dẽkɛ mɛ sõŋa sõŋa. Ya dẽkɛ mɛ ãna sõŋa sõŋa, la, la dagɩ ya wuu.»

Azã 13:6

Tɩ a daan paagɛ Asimõ-pɩyɛɛrɩ zẽ'am, tɩ a soke ẽ yetɩ: «M Zuudãana, fõn yetɩ fʋ peege la mam nãma?»

Azã 13:8

Tɩ Apɩyɛɛrɩ yele ẽ yetɩ: «Ayɛɩ! Fõn kãn peege mam nãma.» Tɩ Azezi lerge ẽ yetɩ: «Mam sãn ka peege fo, fʋ ka le tara pʋrɛ la mam.»

Azã 19:34

Tɩ sʋdaaga ayɩla lʋ a lʋgrɛ la kãnnɛ, tɩ zɩɩm la ko'om yese.

Tõoma 22:16

La lɛɛlɛ wã, bẽm tɩ fõn gʋ'ʋna? Isge pʋ'ʋsɛ la Azezi yʋ'ʋrɛ, botɩ ba mise fʋ ko'om pʋam tɩ Nawẽnnɛ basɛ fʋ tõon-be'ero taalɛ.›

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

Efɛɛzɩ 5:26

A ẽŋɛ bɛla tɩ a malgɛ ba la a yetɔga, tɩ ba ãna sõŋa wʋ ban sɔɔrɩ ĩyã la ko'om se'em na, botɩ ba welge to'ore dɛna Nawẽnnɛ nẽrba.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

1 Zã 1:7

La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.

1 Zã 5:6

Azezi-krisi n wa'am dũnia zuo la, la doose la ko'om, la zɩɩm. La dagɩ ko'om misga la mã'a, la ken dɛna la ẽn ki tɩ a zɩɩm yese la. La de la Nawẽnnɛ Sɩa n bɔ'ɔrɩ a kaseto, Nawẽnnɛ Sɩa n de sɩra dãana la ĩyã.

Lilegere 7:14

Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.