Azã 13:14 - Farefare Ninkaré

¹⁴ Mam n de ya Zuudãana, la ya Karẽnsãama la sãn peege ya nãma, yãma mẽ masɛ mɛ tɩ ya pɛɛra taaba nãma.

ZE'ELEGO PAALEGA

¹⁴ Bala, mam en de ya Daana, la ya Pa'ala la han pee ya nama, yamam me dela ya pee taaba nama.

Azã 13:14 ပူးပေါင်းရင်းမြစ်များ

Azã 11:2

La de la Amaari ẽŋa n daan ka'agɛ tɩdarɛ kaam ẽŋɛ Azezi nãma, dɩkɛ a zomto duuse ba la. Ẽŋa tã n de Alazaarɩ n bẽ'erɩ la.

Tõoma 20:35

Mam ẽŋɛ bɛla wuu pa'alɛ ya tɩ dẽnɩ ya tõm sõŋɛ tarɩmdõma. La ya tẽra Zuudãana Azezi n yele se'em na, a daan yetɩ: ‹Sɛka n bɔ'ɔrɩ tarɩ sũ-yẽlga zozo'e gãnna sɛka n to'orɩ.› »

Aromduma 12:10

Nõŋɛ-ya taaba sɔbiisi nõŋlʋm. La ya nanna taaba, tẽ'esra taaba yelle.

Aromduma 12:16

Tara-ya pʋtẽ'erɛ ayɩla la taaba. Da dɛna-ya pa'al-m-mẽŋa dõma, sakra-ya lagna la tarɩmdõma. Da bɩsra ya mẽŋa tɩ yãma de la yɛm dõma.

1 Korẽntɩ 12:3

Bɛla tɩ mam bɔɔra tɩ ya bãŋɛ tɩ Nawẽnnɛ Sɩa la sãn bɔna la nẽra, a ka tã wʋn tɔgɛ Azezi yelle be'em. La nẽra mẽ ka tã wʋn yetɩ, Azezi de la Zuudãana, tɩ la sãn dagna Nawẽnnɛ Sɩa n botɩ a yele.

1 Korẽntɩ 8:13

Bɛla, la sãn dɛna dia n wʋn basɛ tɩ mam sɔbia tõm tõon-be'ero, mam kãn le malɩn di ẽ, tɩ m da basɛ tɩ m sɔbia tõm tõon-be'ero.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Filipi 2:11

Tɩ nẽra woo wʋn yetɩ, Azezi-krisi n de Zuudãana, tɩ la wʋn dɛna nã'asgɔ bɔ tɩ Sɔ Nawẽnnɛ.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

1 Pita 4:1

Bɛla, Krisi n nãmsɛ a ĩyã pʋam na, ya mẽ keŋe ya mẽŋa tara pʋtẽ'erɛ ẽŋa mẽŋa. Nẽr-sɛka woo n nãmsɛ a ĩyã pʋam basɛ tõon-be'ero mɛ.

1 Pita 5:5

Bɛla mẽ, kɔmbɩ'ɩsɩ, sakra-ya kẽma la. La ya wuu tara sik-m-mẽŋa la taaba, tɩ la gʋlsɛ yetɩ: «Nawẽnnɛ sisri zẽk-m-mẽŋa dõma mɛ, dee ɩta sik-m-mẽsɩ dõma yel-sõnnɛ.»