Azã 12:16 - Farefare Ninkaré

¹⁶ La Azezi karẽnbiisi la daan nãn ka bãŋɛ yel-ẽŋa võorɛ. La Azezi n yãŋa wa yẽ na'am pãŋa Nawẽnnɛ zẽ'am na, tɩ ba tẽegɛ tɩ bõn-ẽŋa n gʋlsɛ a yelle, la ba daan ẽŋɛ la bɛla bɔ ẽ.

ZE'ELEGO PAALEGA

¹⁶ Yezu zahereba la ka bɔkɛ yele ana wa yia yia ha la, gee Yezu n da ta to'e a suŋa ba'ahɛ la, ti ba nyaa tiɛ ti yele ana wa woo gulehɛ bɔna gɔŋɔ la puan mɛ doohe Yezu puan, ti ba dikɛ a za'a iŋɛ en.

Azã 12:16 ပူးပေါင်းရင်းမြစ်များ

Amarkɩ 16:19

Zuudãana Azezi n daan tɔgɛ la ba kɩ'ɩlɩm na, a zẽkɛ mɛ zom Nawẽnnɛ yire, ka zĩ'ire Nawẽnnɛ zʋʋgɔ.

Amarkɩ 9:32

Tɩ ba daan ka bãŋɛ yetɔga la võorɛ, dee zɔta ka soke ẽ.

Aluki 18:34

La ba ka bãŋɛ ẽn yele se'em na võorɛ baa fẽe, yetɔga la daan sʋgɛ mɛ, tɩ ba ka tã'agɛ bãŋɛ yetɔga la võorɛ n boorɩ tɩ la yele se'em.

Aluki 24:25

Tɩ Azezi yele ba yetɩ: «Yɛm-ka-like dõma, bẽm tɩ ya ka bɔ Nawẽnnɛ nõtɔ'ɔsrɩba n yʋʋn yele se'em na wuu sɩra tɔtɔ?

Aluki 24:45

Tɩ Azezi like ba yɛm tɩ ba bãŋɛ bõn-sɛba n boe Nawẽnnɛ gõnnɔ pʋam na võorɛ,

Aluki 9:45

La ba daan ka bãŋɛ a yetɔga la võorɛ. Yetɔga la daan sʋgɛ mɛ tɩ ba ka tã'agɛ bãŋɛ a võorɛ, dee zɔta dabeem ka soke ẽ.

Azã 12:23

Tɩ Azezi lerge ba yetɩ: «Wakatɛ la paagɛ mɛ tɩ Nẽrsaala Dayʋa la wʋn yẽ a na'am pãŋa.

Azã 14:26

La Sõŋra la, mam Sɔ Nawẽnnɛ Sɩa la tɩ a wʋn tõm na mam yʋ'ʋrɛ tɩ a wa'am ya zẽ'am na, ẽŋa n wʋn zãsʋm ya sɛla woo, dee tẽegɛ ya bõn-sɛba wuu tɩ mam yele ya la.

Azã 16:4

La mam yele ya bɛla tɩ wakat-ẽŋa sãn wa paagɛ, ya tẽegɛ tɩ mam põn yele ya.» «Mam ka yele ya bɛla pɔspɔsɩ, se'ere n soe la, mam daan boe la ya lɛ mɛ.

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 2:22

La Azezi n daan wa ki dee vo'oge la, tɩ a karẽnbiisi la tẽegɛ tɩ a daan yele la wãna, tɩ ba bɔ Nawẽnnɛ gõŋɔ yetɔga, la Azezi n daan yele se'em na sɩra.

Azã 7:39

Azezi n yele bɛla la, la de la Nawẽnnɛ Sɩa tɩ sɛba n bɔ'ɔrɩ ẽ sɩra la wʋn wa to'oge. Se'ere n soe la, Nawẽnnɛ daan nãn ka bɔ a Sɩa la, Azezi n daan nãn ka yẽ a na'am pãŋa la ĩyã.

Tõoma 2:33

Nawẽnnɛ yãŋa zẽkɛ ẽ mɛ ka zĩ'ire a zʋʋgɔ bɔba, tɩ a to'oge a Sɔ Nawẽnnɛ Sɩa la tɩ a yʋʋn bĩŋe nõorɛ tɩ a wʋn bɔ tõma wuu la. Bõn-ẽŋa n wãna tɩ ya yẽtɩ dee wõnna lɛɛlɛ wã.

Tõoma 2:36

«Bɛla, Ɩsrayɛlɩ buuri wuu masɛ mɛ tɩ ba bãŋɛ sɩra sɩra tɩ Azezi tɩ ya daan ka lablɛ dɔ-puurŋa zuo kʋ la, Nawẽnnɛ pa'alɛ ya tɩ ẽŋa n de Krisi, dee dɛna tɩ Zuudãana.»

Tõoma 3:13

La de la Nawẽnnɛ tɩ tɩ yaabdõma Abraham, la A'izakɩ, la Azakɔbɩ yʋʋn pʋ'ʋsrɩ la, n zẽkɛ a tõntõnna Azezi la yʋ'ʋrɛ. Ẽŋa tɩ ya daan yõkɛ sẽŋɛ ka ẽŋɛ sɛba n soe pãŋa la nu'usum, tɩ baa gɔmna Apilatɩ n daan boorɩ tɩ a basɛ ẽ na, ya daan zagsɛ mɛ a nẽŋam.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Hiburuduma 8:1

Tõma yetɔga la tɩ tõma tɔgrɩ la zuo n wãna: Tõma tarɩ la kãabgɔ kẽma nẽŋadãana, ẽŋa n zĩ saazuum Nawẽnnɛ n de ke'eŋo dãana la na'am bĩmbĩnne zʋʋgɔ.