Azã 11:4 - Farefare Ninkaré

⁴ La Azezi n wõm bɛla la, tɩ a yetɩ: «Bã'a-ẽna ba'asgɔ kãn dɛna kũm. La de la tɩ Nawẽnnɛ yʋ'ʋrɛ yẽ zẽkrɛ, la tɩ Nawẽnnɛ Dayʋa la yʋ'ʋrɛ wʋn zẽkɛ bõn-ẽŋa pʋam.»

ZE'ELEGO PAALEGA

⁴ Gee Yezu n wum sɔɔleŋa wa la, a yeti, “Ba'an wa kan ku kum, gee ka tugum wan bo' la Yinɛ pɛka, ti Yinɛ dayua wa doohe bini nyɛ pɛka.”

Azã 11:4 ပူးပေါင်းရင်းမြစ်များ

Azã 10:38

La mam sãn tõnna a tõoma, baa ya sãn ka bɔ mam sɩra, ya bɔ m tõoma la sɩra, tɩ ya tã'agɛ bãŋɛ, la ya sakɛ sɩra tɩ mam Sɔ la boe la mam lɛ mɛ, tɩ mam mẽ bɔna la ẽ.»

Azã 11:40

Tɩ Azezi soke ẽ yetɩ: «Mam ka yele fʋ yetɩ, fʋ sãn bɔ mam sɩra, fʋ wʋn yẽ Nawẽnnɛ na'am pãŋa?»

Azã 12:28

A yele bɛla dee yetɩ: «Mam Sɔ, nã'asɛ fʋ yʋ'ʋrɛ.» Tɩ kõa ze'ele saazuum yetɩ: «Mam nã'asɛ m yʋ'ʋrɛ mɛ, la mam wʋn le nã'asɛ ẽ.»

Azã 17:1

Azezi n tɔgɛ bɛla kɩ'ɩlɩm na, a gorge bɩsɛ la saazuum yetɩ: «M Sɔ, mam daarɛ paagɛ ya, nã'asɛ mam n de fʋ Dayʋa la, tɩ mam mẽ nã'asɛ fɔ.

Azã 17:10

La mam bõnɔ de la fõn bõnɔ, tɩ fõn bõnɔ dɛna mam bõnɔ, la mam yẽ nã'asgɔ mɛ ba zẽ'am.

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 2:11

Ẽna n de Azezi pɔspɔsɩ tõon-yãlma tɩ a ẽŋɛ. A ẽŋɛ ẽ na Kana Galile so'olʋm pʋam, pa'alɛ a na'am pãŋa, tɩ a karẽnbiisi la bɔ ẽ sɩra.

Azã 5:23

tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Azã 8:54

Tɩ Azezi lerge ba yetɩ: «Mam sãn nã'asra m mẽŋa, mam nã'asgɔ la de la zãŋa. La de la mam Sɔ la n nã'asrɩ mam, sɛka tɩ ya wi'iri ya Nawẽnnɛ na.

Azã 9:24

Tɩ ba le wi bʋra-sɛka n daan de fʋa la nõorɛ ayi pʋam, yele ẽ yetɩ: «Tɔgɛ sɩra Nawẽnnɛ ĩyã. Tõma mi tɩ bʋra-ẽna de la tõon-be'ero dãana.»

Azã 9:3

Tɩ Azezi lerge yetɩ: «La dagɩ bʋraa wã bɩɩ a sɔ bɩɩ a ma tõon-be'ero ĩyã, tɩ a dɛna fʋa. La de la Nawẽnnɛ n yetɩ a tõm na ẽ pa'alɛ a tõoma.

Aromduma 11:11

Bɛla mam sokrɩ ya yetɩ: Ɩsrayɛlɩ dõma n wẽ nãma lui la, la ba'asɛ mɛ bɩɩ? Ayɛɩ, la dagɩ bɛla. La ban tuuge la ĩyã, tɩ bu-zãŋsɩ tã'agɛ yẽ fãarɛ. Nawẽnnɛ ẽŋɛ bɛla tɩ la botɩ Ɩsrayɛlɩ dõma n ɩta sũure.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.

1 Pita 4:14

Ba sãn tʋʋra ya yãma n de Krisi nẽrba la ĩyã, ya tarɩ zu-yẽlga, se'ere n soe la, Nawẽnnɛ Sɩa la n tarɩ nã'asgɔ zozo'e la boe la ya lɛ mɛ.