Azã 10:30 - Farefare Ninkaré

³⁰ Mam, la mam Sɔ la de la ayɩla.»

ZE'ELEGO PAALEGA

³⁰ Sɔ la, la mam dela buyina.”

Azã 10:30 ပူးပေါင်းရင်းမြစ်များ

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Azã 10:29

Mam Sɔ la n bɔ mam bãma la, a gãnnɩ sɛla woo mɛ, nẽra ka tã wʋn fãagɛ ba mam Sɔ la nu'usum.

Azã 10:36

La mam tɩ Nawẽnnɛ looge tõm dũnia zuo wã, yãma yele mam tɩ m sã'anɩ la Nawẽnnɛ yʋ'ʋrɛ, mam n yele tɩ mam de la Nawẽnnɛ Dayʋa la ĩyã?

Azã 14:23

Tɩ Azezi lerge ẽ yetɩ: «Nẽra sãn nõŋɛ mam, a wʋn sakɛ ɩta mam n yele se'em na, la mam Sɔ wʋn nõŋɛ a dãana. La tõma wʋn wa'am a zẽ'am wa bɔna la ẽ.

Azã 14:9

Tɩ Azezi lerge ẽ yetɩ: «Afilipi, mam boe la ya yuuge mɛ, tɩ fõn nãn ken ka mina mam? Sɛka n yẽ mam, yẽ mam Sɔ mɛ. La ẽŋɛ la wãne tɩ fõn yetɩ, m pa'alɛ ya m Sɔ la?

Azã 16:15

Mam Sɔ la n tarɩ sɛla wuu la de la mam bõnɔ. Bɛla ĩyã tɩ mam yetɩ, a wʋn dɩkɛ la sɛla n boe mam zẽ'am na tɔgɛ bɔ ya.»

Azã 17:10

La mam bõnɔ de la fõn bõnɔ, tɩ fõn bõnɔ dɛna mam bõnɔ, la mam yẽ nã'asgɔ mɛ ba zẽ'am.

Azã 5:17

Tɩ Azezi yele ba yetɩ: «Mam Sɔ tõnnɩ mɛ wa paam nãnannɛ wã, tɩ mam mẽ tõnna.»

Azã 5:23

tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Azã 8:58

Tɩ Azezi yele ba yetɩ: «Mam yetɩ ya la sɩra sɩra, tɩ Abraham n yʋʋn nãn ka boe la, mam boe mɛ.»

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

1 Zã 5:7

La de la bõn-bãna batã n bɔ'ɔrɩ kaseto.