Azã 10:3 - Farefare Ninkaré

³ La zanõrɛ la gu'ura yo'orɩ mɛ bɔ'ɔra ẽŋa. Tɩ piisi la mina a kõa, tɩ a wi'ira ẽn soe sɛba la yʋ'ʋra, botɩ ba dɔla ẽ yɛsra.

ZE'ELEGO PAALEGA

³ Nayangura la ni yu'ɛ bo' en mɛ ti a kɛ̃. A piihi la wuni a kua mɛ. A yi'ire a mɛŋa piihi la mɛ yu'ura, bɔna si nɛŋa tara si yɛha.

Azã 10:3 ပူးပေါင်းရင်းမြစ်များ

Azã 10:14

Mam n de dũnsĩin-sõŋɔ la, la mam mi m piisi la mɛ, tɩ ba mẽ mina mam,

Azã 10:16

La mam tarɩ piisi basɛba mɛ n ka boe denne wã pʋam. Dẽnɩ tɩ mam tarɩ ba wa'am, tɩ ba wõm mam kõa, lagɩm na bãna tɩ ba dɛna ayɩla, tɩ dũnsĩina ayɩla bɩsra ba.

Azã 10:4

La a sãn tarɩ a piisi la wuu yese, a tollɩ la ba nẽŋa sẽnna, tɩ ba dɔla ẽ, ban mi a kõa la ĩyã.

Azã 10:9

Mam n de zanõrɛ la. La nẽr-sɛka n dolɩ mam zẽ'am kẽ'era, a wʋn yẽ fãarɛ. La a wʋn kẽ'era dee yɛsra, yẽta a dia.

Azã 6:37

Sɛba wuu tɩ mam Sɔ Nawẽnnɛ bɔ'ɔrɩ mam, sẽm mam zẽ'am mɛ. La sɛka n sẽm mam zẽ'am, mam kãn dige nẽra baa ayɩla basɛ.

Azã 6:45

La gʋlsɛ Nawẽnnɛ nõtɔ'ɔsrɩba gõnnɔ pʋam yetɩ: ‹Nawẽnnɛ n wʋn pa'alɛ ba wuu.› La sɛka woo n selse mam Sɔ la, dee to'oge a pa'algɔ la, sẽm mam zẽ'am mɛ.

Aromduma 8:30

La nẽr-sɛba ĩyã tɩ a põn dẽŋɛ looge yɛm na, a wi ba mɛ. La sɛba tɩ a wi ba la, a botɩ ba masɛ mɛ a zẽ'am. Ẽn botɩ sɛba masɛ a zẽ'am na, a bɔ ba la nã'asgɔ.

1 Korẽntɩ 16:9

Se'ere n soe la, Nawẽnnɛ yo'oge la sore bɔ mam tɩ m tõm a tõoma zozo'e, baa bɛ'ɛba n zo'oge la.

Filipi 4:3

La fõn mẽ, m tõntõn-tadãan-sõŋɔ, mam sosrɩ fʋ mɛ tɩ fʋ sõŋɛ pɔg-bãma. Ba daan lagɩm na mam mɛ, la Akelma, la mam tõntõn-taaba basɛba la, mõrgɛ tõm Krisi kõ-yẽlga la tõoma, tɩ ba wuu yʋ'ʋra gʋlsɛ vɔm gõŋɔ pʋam.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

2 Timoti 2:19

La baa bɛla, Nawẽnnɛ n looge sɛba la ken zɛ la kãŋkãŋɛ wʋ ẽbrɛ n tarɩ pãŋa la. Yetɔg-bãna n de dãalgɔ n pa'alɛ bɛla: «Zuudãana la mi sɛba n de a nẽrba mɛ», la «sɛba wuu n yetɩ bãma de la Nawẽnnɛ nẽrba la, dẽnɩ tɩ ba basɛ tõon-be'ero».

1 Pita 1:12

Tɩ Nawẽnnɛ yʋʋn pa'alɛ ba tɩ yel-sɛba tɩ ba mõolɩ la dagɩ bãma mẽŋa ĩyã, la de la yãma ĩyã. Yel-bãma n bɛla tɩ sɛba n mõolɛ kõ-yẽlga la tɔgɛ bɔ ya. La de la Nawẽnnɛ n tõm a Sɩa tɩ a wa'am wa bɔ ba pãŋa tɩ ba tɔgɛ. Tɩ baa malɛkadõma la mẽŋa bɔɔra tɩ ba wõm a võorɛ.

1 Zã 4:6

La sãn dɛna tõma, tõma de la Nawẽnnɛ nẽrba. Bɛla, nẽr-sɛka n mi Nawẽnnɛ selsrɩ tõma mɛ. La sɛka n dagɩ Nawẽnnɛ nẽra ka selsrɩ tõma. La de la bɛla tɩ tõma wʋn bãŋɛ sɩra Sɩa, la põmpɔrŋɔ sɩa la bɔkɛ.

3 Zã 1:14

Mam tarɩ pʋtẽ'erɛ mɛ tɩ mam wʋn wa yẽ fɔ tɩ tɩ sõsɛ la taaba.

Lilegere 20:15

Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

Lilegere 3:20

Bɩsɛ-ya, mam ze la kʋlɩŋa nõorʋm wẽ'era, nẽr-sɛka n wõm mam kõa yo'oge kʋlɩŋa bɔ mam, mam wʋn kẽ a zẽ'am lagɩm na ẽ di, tɩ a mẽ lagɩm na mam di.

Lilegere 7:17

Se'ere n soe la, Pebila la n boe na'am bĩmbĩnne tẽŋasʋka la n wʋn bɩsra ba yelle, ẽŋa n wʋn tarɩ ba sẽŋɛ ko'om n bulli n bɔ'ɔrɩ vɔm zẽ'am. La Nawẽnnɛ n wʋn duuse ba nintãm wuu.»