Azã 10:14 - Farefare Ninkaré

¹⁴ Mam n de dũnsĩin-sõŋɔ la, la mam mi m piisi la mɛ, tɩ ba mẽ mina mam,

ZE'ELEGO PAALEGA

¹⁴ Mam n de dunkiinsuŋɔ la. Mam mi' sɛba n de n dinɛ, ti mam dinɛ la me mina mam,

Azã 10:14 ပူးပေါင်းရင်းမြစ်များ

Azã 10:11

Tɩ Azezi le yele ba yetɩ: «Mam n de dũnsĩin-sõŋɔ. Dũnsĩin-sõŋɔ sakɛ kũm mɛ a piisi ĩyã.

Azã 10:13

Se'ere n soe la, a tõnnɩ tɔ'ɔra la yɔɔrɔ, a ka fablɩ piisi la yelle.

Azã 10:27

Mam piisi la wõnnɩ mam kõa mɛ, mam mi ba mɛ, la ba dolɩ mam mɛ.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 17:8

Se'ere n soe la, mam tɔgɛ ba la yetɔg-sɛba tɩ fõn bɔ mam na, tɩ ba to'oge, dee bãŋɛ sɩra sɩra tɩ mam ze'ele la fõn zẽ'am. La ba bɔ sɩra tɩ fõn tõm mam.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Efɛɛzɩ 1:17

Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

Efɛɛzɩ 3:19

la ya bãŋɛ a nõŋlʋm na n gãŋɛ tɩ nẽrba ka tãna wʋn bãŋɛ ba'asɛ la. Tɩ bõn-sɛba wuu n ze'etɩ Nawẽnnɛ zẽ'am wʋn pɩrɛ ya.

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

2 Timoti 2:19

La baa bɛla, Nawẽnnɛ n looge sɛba la ken zɛ la kãŋkãŋɛ wʋ ẽbrɛ n tarɩ pãŋa la. Yetɔg-bãna n de dãalgɔ n pa'alɛ bɛla: «Zuudãana la mi sɛba n de a nẽrba mɛ», la «sɛba wuu n yetɩ bãma de la Nawẽnnɛ nẽrba la, dẽnɩ tɩ ba basɛ tõon-be'ero».

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:19

‹Mam bãŋɛ ya tõoma, la ya nõŋlʋm, la yan bɔ sɩra, la yan tõm bɔ nẽrba, la yan mõrgɛ sẽnna nẽŋa se'em mɛ. La mam mi tɩ ya tõnnɩ lɛɛlɛ wã zɔ'ɔra gãnna yan tõm se'em pɔspɔsɩ la mɛ.

Lilegere 2:2

‹Mam mi yãma n tõnnɩ se'em, yãma n nãmsrɩ dee mõrgra sẽnna nẽŋa se'em mɛ. Mam mi tɩ ya ka sakɛ basɛ tɩ nẽr-wẽensɩ tõnna la ya. Yãma makɛ nẽr-sɛba n yetɩ bãma de la Krisi Tõntõnɩba dee dagna bɛla la bɩsɛ mɛ, la yãma bãŋɛ mɛ tɩ ba de la põmpɔrndõma.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.

Lilegere 3:1

«Gʋlsɛ bɔ Sardɩ Wẽndeego nẽrba la gu'ura yetɩ: Sɛka n tarɩ Nawẽnnɛ sɩɩsɩ bayopɔɩ, la wõrbiɛ bayopɔɩ la n yele se'em n wãna: ‹Mam mi ya tõoma mɛ, fʋ yʋ'ʋrɛ yese mɛ tɩ ba yetɩ ya vɔa mɛ, la, ya ki mɛ.

Lilegere 3:15

‹Mam mi ya tõoma mɛ, mam mi tɩ ya dagɩ mã'asga, ya mẽ dagɩ tʋʋlga. Mam boorɩ nɩ tɩ ya dɛna la mã'asga bɩɩ tʋʋlga.

Lilegere 3:8

‹Mam mi ya tõoma mɛ, mam mi tɩ ya pãŋa ka zo'oge, la baa la bɛla, ya sakɛ mam yetɔga la mɛ, la ya ka sɩ'ɩsɛ tɩ yãma ka mi mam. Mam yo'oge la sore bɔ ya, la nẽra nẽra kãn yãŋɛ yʋ ẽ.