Azã 1:9 - Farefare Ninkaré

⁹ Sɛka n de peelem sɩra sɩra la, ze'ele la Nawẽnnɛ zẽ'am wa'am dũnia zuo. Ẽŋa n nẽegɛ tɩ nẽrsaalba wuu yẽta peelem.

ZE'ELEGO PAALEGA

⁹ Yelemɛŋerɛ niihum la en niiri bɔ'ɔra nɛra woo la en ye' timpaberɛ wa zuo na.

Azã 1:9 ပူးပေါင်းရင်းမြစ်များ

Amatie 6:23

La fʋ nini sãn ka ãna sõŋa, fʋ ĩyã wuu boe la lika pʋam. Peelem sɛka n wʋn nẽegɛ fʋ pʋam na sãn dɛna lika, la de la lika mẽŋa mẽŋa.

Aluki 11:36

La fʋ ĩyã wuu sãn tara peelem sõŋa, tɩ baa bɔbrɛ ayɩla ka tara lika, fʋ ĩyã wuu tarɩ peelem mɛ wʋ fɩtla n tarɩ peelem nẽera bɔ'ɔra nẽrba se'em na.»

Azã 1:4

Ẽŋa n de vɔm dãana. La de la ẽŋa n botɩ nẽrsaalba yẽta peelem.

Azã 1:7

A wa'am tɩ a tɔgɛ la peelem na yelle pa'alɛ nẽrba tɩ ba wuu wʋn tã'agɛ bɔ ẽ sɩra.

Azã 12:46

Mam de la peelem n wa'am dũnia zuo, tɩ nẽr-sɛka n bɔ'ɔrɩ mam sɩra kãn bɔna lika pʋam.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 15:1

Azezi zãsʋm ba yetɩ: «Mam de la viinye tɩa mẽŋa mẽŋa. La mam Sɔ Nawẽnnɛ n de viinye tɩa la dãana.

Azã 6:32

Tɩ Azezi lerge ba yetɩ: «Mam yetɩ ya la asɩra, tɩ la dagɩ Amoyisi n yʋʋn bɔ ya dia n ze'ele Nawẽnnɛ yire la, la de la mam Sɔ Nawẽnnɛ n bɔ'ɔrɩ ya dia sɩra sɩra n ze'ele Nawẽnnɛ yire.

Azã 7:12

Tɩ nẽrba waasna tɔgra a yelle nẽr-kʋʋŋɔ la pʋam zozo'e, tɩ sɛba yetɩ: «A de la nẽr-sõŋɔ», tɩ basɛba yetɩ: «Ayɛɩ, a pã'asrɩ la nẽrba.»

1 Zã 1:8

La tɩ sãn yetɩ, tõma ka tarɩ tõon-be'ero, tɩ pã'asɛ la tɩ mẽŋa, la sɩra ka boe tɩ zẽ'am.

1 Zã 2:8

La a yɛrɩ dɛna la nõor-paalga tɩ mam gʋlsɛ bɔ'ɔra ya. La de la Azezi-krisi zẽ'am, la yãma zẽ'am tɩ yel-ẽŋa de sɩra, se'ere n soe la, lika la tollɩ mɛ, dee tɩ peelem sɩra sɩra darɛ nẽera.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.