Azã 1:12 - Farefare Ninkaré

¹² La sɛba wuu n to'oge ẽ bɔ ẽ sɩra la, a bɔ ba nõorɛ mɛ tɩ ba lebge Nawẽnnɛ kɔma.

ZE'ELEGO PAALEGA

¹² Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma.

Azã 1:12 ပူးပေါင်းရင်းမြစ်များ

Amatie 10:40

«Nẽr-sɛka woo n to'oge ya, a to'oge la mam. La nẽr-sɛka woo n to'oge mam, a to'oge la sɛka n tõm mam na.

Amatie 12:21

Tɩ buuri la wuu wʋn te'ege ẽ.»

Amatie 18:5

La sɛka n to'oge bi-pɩka n ãn wʋ ẽna, mam yʋ'ʋrɛ ĩyã, a to'oge la mam mẽŋa.

Azã 1:11

A daan wa'am na a mẽŋa tẽŋa pʋam, la a nẽrba la ka to'oge ẽ.

Azã 1:7

A wa'am tɩ a tɔgɛ la peelem na yelle pa'alɛ nẽrba tɩ ba wuu wʋn tã'agɛ bɔ ẽ sɩra.

Azã 11:52

La, la dagɩ bãma buuri la mã'a ĩyã tɩ la masɛ tɩ a ki, la de la Nawẽnnɛ kɔma n wɩrgɛ zẽ'esɩ wuu la ĩyã, tɩ a yetɩ a lagsɛ ba tɩ ba lebge buuri ayɩla.

Azã 2:23

La Azezi n daan boe Zerizalɛm Zɔɔg-basɛ kibsa la, nẽrba zozo'e n daan yẽ tɩ a tõnnɩ tõon-yãlma, tɩ ba bɔ ẽ sɩra.

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Azã 3:18

La sɛka n bɔ ẽ sɩra, ba kãn di a sarɩya. La sɛka n ka bɔ ẽ sɩra la, a põn koŋe bʋʋrɔ mɛ, ẽn ka bɔ Nawẽnnɛ Bi-yẽŋa la sɩra la ĩyã.

Tõoma 3:16

La de la Azezi yʋ'ʋrɛ n tarɩ pãŋa la ĩyã, la tõma n bɔ ẽ sɩra la n botɩ bʋra-ẽna tɩ yãma mi dee yẽ wã keŋe. La de la ẽn bɔ Azezi sɩra la n botɩ a yẽ ĩmã'asʋm sõŋa ya wuu nẽŋam wã.

Aromduma 8:14

Nẽr-sɛba wuu n dolɩ sore tɩ Nawẽnnɛ Sɩa pa'alɩ ba la, de la Nawẽnnɛ kɔma.

Aromduma 8:16

Nawẽnnɛ Sɩa la mẽŋa tɔgrɩ la tõma sɩa pa'ala yetɩ tõma de la Nawẽnnɛ kɔma.

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

Galatɩ 3:26

Yãma n bɔ Azezi-krisi sɩra la, ya wuu de la Nawẽnnɛ kɔma.

Galatɩ 4:6

La yãma n de Nawẽnnɛ kɔma la, a tõm na a Dayʋa Sɩa tɩ a bɔna tɩ sũure pʋam, tɩ Sɩa la wi'ira Nawẽnnɛ yetɩ: «Abba, m Sɔ.»

Kolɔsɩ 2:6

Bɛla, yãma n sakɛ tɩ Azezi-krisi de la ya Zuudãana la, bɔna-ya la ẽ lɛ,

2 Pita 1:4

La de la bɛla tɩ a bɔ tɔ bɔ'a sɛba n ãn sõŋa gãnna wuu tɩ a bĩŋe nõorɛ tɩ a bɔ tɔ la. Tɩ bõn-bãma ĩyã ya wʋn tã'agɛ lɔkɛ be'em yɛmleego n boe dũnia zuo sã'ana nẽrba la, dee lebge ãna wʋ Nawẽnnɛ n ãn se'em na.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

1 Zã 3:10

Bɛla n pa'alɩ tɩ ba bãŋra Nawẽnnɛ kɔma, la sɛba n de Asũtãana kɔma bɔkra. Sɛka n ka ɩtɩ sɛla n masɛ, bɩɩ sɛka n ka nõŋɛ a sɔbia dagɩ Nawẽnnɛ bia.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

1 Zã 3:23

Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.