Azã 1:10 - Farefare Ninkaré

¹⁰ Sɛka n de peelem na daan wa bɔna la dũnia zuo. Nawẽnnɛ la ẽŋa n yʋʋn nãam dũnia. Baa la bɛla, nẽrsaalba ka boorɩ tɩ ba bãŋɛ ẽ.

ZE'ELEGO PAALEGA

¹⁰ A pun bɔna timpaberɛ wa zuo mɛ na, ti timpaberɛ wa naam doohe la eŋa puan. Gee la bala za'a, timpaberɛ wa zuo nɛreba ka mi' en.

Azã 1:10 ပူးပေါင်းရင်းမြစ်များ

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Azã 1:11

A daan wa'am na a mẽŋa tẽŋa pʋam, la a nẽrba la ka to'oge ẽ.

Azã 1:18

Nẽra nẽra nãn ka yẽ Nawẽnnɛ. La de la Nawẽnnɛ Bi-yẽŋa la n boe la ẽ lɛ n botɩ tõma bãŋɛ ẽ, ẽŋa la Nawẽnnɛ de la bʋyɩla.

Azã 1:3

Nawẽnnɛ la ẽŋa n yʋʋn nãam sɛla woo. Sɛla sɛla ka boe tɩ Nawẽnnɛ la ẽŋa ka nãam.

Azã 1:5

Peelem na nẽegɛ lika pʋam mɛ, la lika ka yãŋɛ kĩŋe ẽ.

Azã 17:25

M Sɔ, fõn de sɛka n masɛ. Dũnia nẽrba ka bãŋɛ fõn, la mam nõo bãŋɛ fõn mɛ, la nẽr-bãma bãŋɛ mɛ tɩ la de la fõn tõm mam.

Azã 5:17

Tɩ Azezi yele ba yetɩ: «Mam Sɔ tõnnɩ mɛ wa paam nãnannɛ wã, tɩ mam mẽ tõnna.»

Tõoma 14:17

La baa bɛla wuu, Nawẽnnɛ ɩtɩ sõŋa mɛ pa'alɛ ẽŋa n de sɛka. Ẽŋa n botɩ saaga niira bɔ'ɔra ya, tɩ ya bõnkɔɔla bɩta, tɩ dia bɔna zo'oge, tɩ ya sũure ãna yẽlʋm.»

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

1 Korẽntɩ 2:8

Sɛba n soe dũnia wã baa ayɩla ka mi yɛm ẽna wã. Ba daan sãn mi nɩ ẽ, ba kãn ka nɩ Zuudãana n tarɩ na'am pãŋa wuu la dɔ-puurŋa zuo kʋ.

1 Korẽntɩ 8:6

La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

Kolɔsɩ 1:16

La doose la ẽŋa tɩ Nawẽnnɛ nãam sɛla woo, bõn-sɛba n boe dũnia zuo la saazuum, bõn-sɛba tɩ ba yẽtɩ, la bõn-sɛba tɩ ba ka yẽtɩ, bõn-sɛba n tarɩ na'am, la zuudãandõma, la pãnsɩ dõma, la kɛ'ɛndõma wuu. La doose la ẽŋa tɩ Nawẽnnɛ nãam sɛla woo, tɩ la dɛna a bõnɔ.

Hiburuduma 11:3

La de la tõma n bɔ Nawẽnnɛ sɩra la ĩyã, tɩ tõma bãŋɛ tɩ Nawẽnnɛ dɩkɛ la a yetɔga nãam tẽŋa la saazuum, bɛla tɩ tõma mina tɩ sɛla n yẽtɩ wã ze'ele la sɛla n ka yẽtɩ pʋam.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.