Azã 1:1 - Farefare Ninkaré

¹ Pĩ'iluŋo wakatɛ, Yetɔga la põn bɔna mɛ. La Yetɔga la yʋʋn boe la Nawẽnnɛ zẽ'am. Ẽŋa la Nawẽnnɛ de la bʋyɩla.

ZE'ELEGO PAALEGA

¹ Pi'ileŋo puan na la, ti se'em en de Yelehum la pun bɔna mɛ. Yelehum wa boi mɛ la Yinɛ, gee ti Yelehum wa dɛna Yinɛ.

Azã 1:1 ပူးပေါင်းရင်းမြစ်များ

Amatie 1:23

«Bɩsɛ-ya, pugla n nãn ka mi bʋraaga wʋn yõkɛ pʋʋrɛ dɔgɛ budibla, tɩ ba wi'ira a yʋ'ʋrɛ tɩ A'emanuwɛlɩ.» A võorɛ de la Nawẽnnɛ boe la tɩ lɛ.

Aluki 24:53

Ba daan boe la Wẽnde-kãtʋm na daarɛ woo pẽgra Nawẽnnɛ.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:18

Nẽra nẽra nãn ka yẽ Nawẽnnɛ. La de la Nawẽnnɛ Bi-yẽŋa la n boe la ẽ lɛ n botɩ tõma bãŋɛ ẽ, ẽŋa la Nawẽnnɛ de la bʋyɩla.

Azã 1:2

A põn bɔna la Nawẽnnɛ zẽ'am pĩ'iluŋo wakatɛ.

Azã 16:28

Mam ze'ele la m Sɔ Nawẽnnɛ zẽ'am wa'am dũnia zuo, la mam fõrgrɩ dũnia zuo wɛ'ɛsa la m Sɔ la zẽ'am.»

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 20:28

Tɩ Atoma lerge ẽ yetɩ: «Fʋ de la mam Zuudãana la mam Nawẽnnɛ.»

Azã 8:58

Tɩ Azezi yele ba yetɩ: «Mam yetɩ ya la sɩra sɩra, tɩ Abraham n yʋʋn nãn ka boe la, mam boe mɛ.»

Aromduma 9:5

Ba buuri la ze'ele la tɩ sɔ-yaaba Abraham, la a yɩɩsɩ la pʋam. La Krisi n lebge nẽrsaala la, de la bãma buuri nẽra. Ẽŋa n de Nawẽnnɛ n gãnnɩ sɛla woo la n soe pẽka wakatɛ n ka tarɩ ba'asgɔ. Amina.

Efɛɛzɩ 3:9

dee botɩ nẽrba bãŋɛ Nawẽnnɛ n yetɩ a ẽŋɛ se'em n daan sʋgɛ la. Ẽŋa n nãam sɛla woo la, sʋgɛ bõn-ẽŋa mɛ halɩ yʋʋma yʋʋma wa paam zĩna.

Filipi 2:6

Azezi-krisi la Nawẽnnɛ n de ayɩla la, a ka tẽ'esɛ tɩ ẽŋa n zõn na Nawẽnnɛ na, de la sɛla tɩ ẽŋa wʋn gʋrɛ kãŋkãŋɛ.

Kolɔsɩ 1:15

Azezi-krisi de la Nawẽnnɛ tɩ ba ka yẽtɩ la wõnnɛ. Ẽŋa n de bõn-sɛba n nãam na wuu yiɛn dãana.

Kolɔsɩ 1:17

Ẽŋa n dẽŋɛ sɛla woo bɔna, la de la ẽŋa ĩyã tɩ sɛla woo ken bɔna a zẽ'am.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 13:8

Azezi-krisi de la ẽn ãn se'em zaam, la zĩna, la wakatɛ wuu.

Hiburuduma 7:3

Ba ka mi a sɔ, la a ma, la a yaabdõma. Sɛla ka boe n pa'alɩ a vɔm pĩ'iluŋo, la a vɔm ba'asgɔ, a ãn wʋ Nawẽnnɛ Dayʋa la, a de la kãabgɔ kẽema wakatɛ n ka ba'asrɩ.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

1 Zã 5:7

La de la bõn-bãna batã n bɔ'ɔrɩ kaseto.

Lilegere 1:11

yetɩ: «Gʋlsɛ sɛla tɩ fʋ wʋn yẽ la ẽŋɛ gõŋɔ pʋam, soolʋm bɔ tẽnsɩ bayopɔɩ la Wẽndeto nẽrba: Efɛɛzɩ, la Simirni, la Pɛrgamɩ, la Tiyatiiri, la Sardɩ, la Filadɛlfi, la Laodise.»

Lilegere 1:17

Mam n daan yẽ ẽ na, mam lui la tẽŋa a nẽŋam ãna wʋ kũm na. Tɩ a dɩkɛ a zʋʋgɔ nu'ugo paglɛ mam zuo yetɩ: «Da zoe dabeem, tɩ mam n de pĩ'iluŋo, la ba'asgɔ.

Lilegere 1:2

Azã n gʋlsɛ sɛla wuu tɩ a yẽ la pa'alɛ tɩ la de la Nawẽnnɛ yetɔga tɩ Azezi-krisi puke pa'alɛ ẽŋa.

Lilegere 1:8

Zuudãana Nawẽnnɛ n de ke'eŋo wuu dãana la yetɩ: «Mam de la pĩ'iluŋo la ba'asgɔ, mam n daan boe, n ken bɔna, dee wʋn bɔna wakatɛ wuu.»

Lilegere 19:13

La a yɛ la fu-woko n lʋsɛ zɩɩm pʋam. A yʋ'ʋrɛ de la Nawẽnnɛ yetɔga.

Lilegere 2:8

«Gʋlsɛ bɔ Simirni Wẽndeego nẽrba la gu'ura yetɩ: Sɛka n de pĩ'iluŋo la ba'asgɔ, sɛka n daan ki dee vo'oge la n yele se'em n wãna:

Lilegere 21:6

Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.

Lilegere 22:13

Mam de la Alfa, la Omega, pɔspɔsɩ dãana, la poorʋm dãana, sɛla woo pĩ'iluŋo, la ba'asgɔ.»

Lilegere 3:14

«Gʋlsɛ bɔ Laodise Wẽndeego nẽrba la gu'ura yetɩ: Sɛka n de Amina la, sɛka n de sɩra dãana, dee sɩrɩ tɔgra sɛla tɩ a nini yẽ, dee ken dɛna sɛka tɩ Nawẽnnɛ n nãam sɛla wuu ze'ele a zẽ'am n yele se'em n wãna: