Aromduma 9:22 - Farefare Ninkaré

²² La de la bɛla tɩ Nawẽnnɛ ẽŋɛ. Nawẽnnɛ boorɩ tɩ a pa'alɛ la a sũ-isgre, dee botɩ nẽrba wuu bãŋɛ a pãŋa. La a yõkɛ a mẽŋa mɛ, mã'agɛ a sũure la sɛba n masɛ tɩ a sũ-isgre sige ba zuto, dee nara tɩ a sã'am ba la.

ZE'ELEGO PAALEGA

²² Ŋwani, gee Yinɛ mɛŋa han bɔta ti a pa'alɛ a sunsunyiim, ti a paŋa niiɛ, gee me bɔta gee ŋmibera la sugeri, la lɔgeseto ti a suure nyiie la tɔ, lɔge seto en maalɛ bo' sageŋɔ la.

Aromduma 9:22 ပူးပေါင်းရင်းမြစ်များ

Aromduma 1:18

Nawẽnnɛ n boe saazuum pa'alɛ tɩ ẽŋa sũure yĩige mɛ la nẽrsaalba n tõnnɩ tõon-be'ero, la sɛla wuu tɩ ba ɩtɩ tɩ la ka dɔla ẽŋa sore, tɩ ba tõon-be'ero la gu'ura nẽrba tɩ ba ka mina sɩra la, tɩ ẽŋa wʋn sɩbgɛ ba.

Aromduma 9:17

La Nawẽnnɛ gõŋɔ pʋam la gʋlsɛ tɩ Nawẽnnɛ yele naba Afaarõ yetɩ: «Mam n bɔ fʋ na'am tɩ m dɩkɛ fʋ pa'alɛ m pãŋa, tɩ m yʋ'ʋrɛ wʋn yese dũnia wuu.»

Aromduma 9:20

Nẽrsaala, fõn de la ãne wẽ'era nõke'ene la Nawẽnnɛ? Yɔgrɔ lɔkɔ wʋn soke yagba n yagbɛ ẽ na yetɩ: «Bẽm tɩ fʋ yagbɛ mam wãna?»

Aromduma 9:21

Yagba la tã wʋn ẽŋɛ ẽŋa n boorɩ se'em la yɔgrɔ la mɛ. A tã wʋn dɩkɛ yɔgrɔ bʋyɩla mɛ, dɩkɛ ba pʋsʋka yagbɛ lɔkɔ n tarɩ yõorɔ dɛna tʋʋlʋm bõnɔ, dee dɩkɛ pʋsʋka yagbɛ lɔkɔ n dagɩ tʋʋlʋm bõnɔ.

1 Tesaloniki 2:16

Ba gu'uri tõma mɛ tɩ tɩ da mõolɛ kõ-yẽlga la bɔ bu-zãŋsɩ tɩ ba yẽ fãarɛ. Bɛla tɩ ba tõnna tõon-be'ero pa'asra wakatɛ wuu. La ba'asgɔ, Nawẽnnɛ sũ-isgre boe ba zuo.

1 Tesaloniki 5:9

Nawẽnnɛ ka looge to tɩ a sũ-isgre sã'am tɔ, a looge to tɩ tɩ yẽ la fãarɛ tɩ Zuudãana Azezi-krisi ĩyã.

2 Timoti 2:20

Yi-kãtɛ pʋam, dagɩ sãlma bɩɩ zũuro laasɩ mã'a n boe mĩ, dɔɔrɔ la yɔgrɔ laasɩ mẽ boe mĩ mɛ, tɩ ba dɩkɛ sãlma la zũuro laasɩ la tɩ ba dɛna tʋʋlʋm lɔgrɔ, dee dɩkɛ basɛba la tɩ ba dɛna daarɛ woo tõoma lɔgrɔ.

1 Pita 2:8

La ken gʋlsɛ yetɩ: «La de la kug-ẽŋa n wʋn basɛ tɩ nẽrba wẽ'era nãma, dee dɛna tãmpĩ-sɛka n wʋn basɛ tɩ ba lui.» Ban wẽ'erɩ nãma la, la de la ban ka bɔ Nawẽnnɛ yetɔga sɩra la ĩyã, wʋ lan masɛ tɩ la ẽŋɛ ba se'em na.

1 Pita 3:20

Sɩɩsɩ bãma de la nẽr-sɛba n yʋʋn ka sakɛ Nawẽnnɛ nõorɛ Anoe wakatɛ la. Nawẽnnɛ yʋʋn mã'agɛ la a sũure gu'ura, wakat-sɛka tɩ Anoe yʋʋn mãalɩ õorŋɔ la, õorŋɔ ẽŋa pʋam tɩ nẽrba fẽe, banii mã'a kẽ mĩ põsɛ ko'om na pʋam yẽ fãarɛ.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

2 Pita 2:9

Bɛla pa'alɩ tɩ Zuudãana Nawẽnnɛ mi ẽŋa n ɩtɩ se'em fãara nẽr-sɛba n dolɩ a sore la nãmsgɔ pʋam mɛ, dee mina ẽŋa n ɩtɩ tõon-be'ero dõma se'em gu'ura sarɩyadia daarɛ tɩ ba wʋn yẽ sɩbgrɛ.

2 Pita 3:15

Bãŋɛ-ya tɩ Zuudãana la n mã'agɛ a sũure gu'ura la, a boorɩ tɩ ya yẽ la fãarɛ. La de la bɛla mẽ tɩ tɩ sɔbi-nõŋrɛ Apolɩ daan dɩkɛ yɛm sɛka tɩ Nawẽnnɛ bɔ ẽ na gʋlsɛ bɔ ya.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.