Aromduma 9:1 - Farefare Ninkaré

¹ Mam yetɩ la sɩra, mam de la Krisi nẽra, mam ka parnɩ. Nawẽnnɛ Sɩa n botɩ mam mina m sũure pʋam tɩ mam n yetɩ m yele se'em na, de la sɩra.

ZE'ELEGO PAALEGA

¹ Mam tɔgeri la yelemɛŋerɛ Kiresta puan, Mam ka pareni. Fa'a Sia la yele mam puti'irɛ puan ti la dela bala.

Aromduma 9:1 ပူးပေါင်းရင်းမြစ်များ

Aromduma 1:9

Mam tẽrɩ ya yelle m pʋ'ʋsgɔ pʋam mɛ wakatɛ wuu. Nawẽnnɛ tɩ mam tõnnɩ la m sũure wuu bɔ'ɔra ẽ, mõola a Dayʋa kõ-yẽlga la, mi tɩ sɛla tɩ mam yele la de la sɩra.

Aromduma 2:15

Bɛla ba pa'alɩ tɩ sɛla tɩ lɔɔ la yetɩ ba ɩta la boe ba sũurum mɛ, tɩ ba pʋtẽ'erɛ n mi se'em na mẽ pa'ala tɩ bɛla de la sɩra. Bɛla tɩ ba pʋtẽ'era ẽn yɛta ba tɩ ba ka ẽŋɛ sõŋa, bɩɩ ba ẽŋɛ sõŋa.

Aromduma 8:16

Nawẽnnɛ Sɩa la mẽŋa tɔgrɩ la tõma sɩa pa'ala yetɩ tõma de la Nawẽnnɛ kɔma.

Aromduma 9:2

Mam tarɩ la sũ-sã'aŋɔ zozo'e, la sũ-dõoma daarɛ woo m buuri la ĩyã.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 1:23

Nawẽnnɛ n de mam kaset-dãana, mam sãn parna, a botɩ m ki. La de la, la wʋn sõŋɛ ya tɩ ya sũure da sã'am ĩyã n basɛ tɩ mam ka le wa'am Korẽntɩ.

2 Korẽntɩ 11:10

Krisi sɩra n boe mam sũure pʋam na, mam yetɩ ya mɛ tɩ nẽra ka tã wʋn botɩ mam ka wẽ yõ'ogɔ la bõn-ẽŋa yelle Akayi so'olʋm pʋam.

2 Korẽntɩ 11:31

Nawẽnnɛ n de tɩ Zuudãana Azezi Sɔ n soe pẽka wakatɛ n ka ba'asrɩ la, mi mɛ tɩ mam ka parnɩ.

2 Korẽntɩ 12:19

Yãma tẽ'esɛ tɩ tõma n tɔgrɩ bɛla wuu la, tõma eerɩ la bʋʋrɔ yãma zẽ'am bɩɩ? Ayɛɩ. Tõma tɔgrɩ la Nawẽnnɛ nẽŋam, Krisi doosgo pʋam. Tɩ sɔbi-nõŋrɩsɩ, tõma tɔgrɩ bɛla wuu tɩ la sõŋɛ la yãma, tɩ ya sẽŋɛ nẽŋa Nawẽnnɛ doosgo pʋam.

Galatɩ 1:20

Mam n gʋlsɛ ya sɛla wã, mam yetɩ ya Nawẽnnɛ nẽŋam tɩ la dagɩ põmpɔrŋɔ.

Filipi 1:8

Nawẽnnɛ n de mam kaset-dãana tɩ mam yɛm boe la ya wuu mɛ, mam nõŋɛ ya la Azezi-krisi nõŋlʋm.

1 Tesaloniki 2:5

Yãma mi sõŋa tɩ tõma ka dɩkɛ nõ-yẽlʋm pã'asɛ nẽrba, la tõma ka dɩkɛ kõnkomã'asʋm tɔgɛ tɩ tɩ to'oge sɛla, Nawẽnnɛ n de tõma kaset-dãana.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Timoti 2:7

Bɛla tɩ Nawẽnnɛ daan looge mam tɩ m dɛna Azezi Tõntõnna dɩkɛ yel-ẽna wã mõolɛ, dee zãsʋm bu-zãŋsɩ Nawẽnnɛ sɩra tɩ ba bɔ ẽ sɩra. Mam tɔgrɩ la sɩra, mam ka parnɩ.

1 Timoti 5:21

Mam yetɩ fʋ la Nawẽnnɛ, la Azezi-krisi, la malɛkadõma nẽŋam yetɩ, fʋ doose pa'algɔ bãna wã la sɩra, da bɔkra nẽrba.