Aromduma 8:8 - Farefare Ninkaré

⁸ Nẽr-sɛba n dolɩ nẽrsaalba mẽŋa n boorɩ se'em na ka tã wʋn paagɛ Nawẽnnɛ yɛm.

ZE'ELEGO PAALEGA

⁸ Bala zuo, sɛba en dele ba inganɛ la kan ta'am tigɛ Yinɛ nini.

Aromduma 8:8 ပူးပေါင်းရင်းမြစ်များ

Amatie 3:17

Tɩ kõa ze'ele Nawẽnnɛ yire yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm.»

Azã 3:3

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka yẽ dɔg-paalga, a ka tã wʋn yẽ Nawẽnnɛ so'olʋm.»

Azã 8:29

La sɛka n tõm mam na boe la mam mɛ, a ka basɛ mam m yɩla, se'ere n soe la, mam ɩtɩ la sɛla n ãn a sũure yẽlʋm daarɛ woo.»

Aromduma 1:21

Ba mi Nawẽnnɛ mɛ, la ba ka nã'asrɩ ẽ, la ba ka pʋ'ʋsrɩ ẽ a yel-sõnnɛ wʋ lan narɩ ba ẽŋɛ se'em na. Ba tẽ'esgɔ la lebge la tẽ'es-yooro, tɩ ba pʋtẽ'e-yooro la kẽ'esɛ ba lika pʋam.

Aromduma 7:5

Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

Aromduma 8:9

La yãma ka le vɔa wʋ nẽrsaalba mẽŋa n boorɩ se'em na, yãma vɔa wʋ Nawẽnnɛ Sɩa n boorɩ se'em na, Nawẽnnɛ Sɩa n boe la yãma la ĩyã. Nẽr-sɛka woo n ka tarɩ Krisi Sɩa la, a ka de Krisi nẽra.

1 Korẽntɩ 7:32

Mam ka boorɩ tɩ ya yɛm yɔɔra la sɛla sɛla. Sɛka n ka tarɩ pɔga dɩkrɩ a pʋtẽ'erɛ wuu tõnna la Zuudãana la tõoma, a eerɩ la ẽŋa n wʋn ẽŋɛ se'em tɩ la ãna Zuudãana la sũure yẽlʋm.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 3:20

Kɔma, sakra ya dɔgrɩba nõorɛ sɛla woo pʋam, tɩ la de la bɛla n ãn Zuudãana sũure yẽlʋm.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

Hiburuduma 13:16

Da basɛ-ya ɩr-sõma ɩrgɔ, la taaba sõŋrɛ, tɩ tõon-bãma n ãn wʋ kãabgɔ n ɩtɩ Nawẽnnɛ sũure yẽlʋm.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

1 Zã 3:22

la bõn-sɛka wuu tɩ tɩ sosrɩ ẽ, a bɔ'ɔrɩ tɩ mɛ, tõma n sakrɩ a nõorɛ, dee ɩta sɛla n paarɩ a yɛm na ĩyã.