Aromduma 8:6 - Farefare Ninkaré

⁶ Nẽrsaala mẽŋa yɛmleego n boorɩ se'em, sẽm na kũm. La a sãn dɔla Nawẽnnɛ Sɩa n boorɩ se'em na, la bɔ'ɔrɩ la vɔm, la sũ-mã'asʋm.

ZE'ELEGO PAALEGA

⁶ Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

Aromduma 8:6 ပူးပေါင်းရင်းမြစ်များ

Azã 14:27

Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

Aromduma 14:17

Bẽm ĩyã, Nawẽnnɛ so'olʋm na dagɩ dia, la bõn-yũula yelle, la de la sɛla n masɛ, la sũ-mã'asʋm, la sũ-yẽlga tɩ Nawẽnnɛ Sɩa bɔ'ɔrɩ.

Aromduma 5:1

Bɛla, Nawẽnnɛ botɩ tõma dɛna sɛba n masɛ a zẽ'am na, tõma n bɔ ẽ sɩra la ĩyã. La tõma tarɩ sũ-mã'asʋm mɛ naagɛ la Nawẽnnɛ tõma Zuudãana Azezi-krisi ĩyã.

Aromduma 5:10

Tõma daan de la Nawẽnnɛ bɛ'ɛba, la a Dayʋa la kũm ĩyã tɩ tõma naagɛ la ẽ. Bɛla, tõma n naagɛ la Nawẽnnɛ na, la de la sɩra tɩ Krisi n vɔa la ĩyã, tɩ wʋn yẽ fãarɛ.

Aromduma 6:21

Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Aromduma 7:11

Tõon-be'ero la n yẽ folle la, a dɩkɛ la lɔɔ la pã'asɛ mam yãŋɛ, botɩ mam ki.

Aromduma 7:5

Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

Aromduma 8:27

La Nawẽnnɛ n mi nẽrba sũure la, mi sɛla tɩ Sɩa la boorɩ mɛ. Se'ere n soe la, Sɩa la sosrɩ bɔ'ɔra Nawẽnnɛ nẽrba, wʋ Nawẽnnɛ n boorɩ se'em na.

Aromduma 8:7

Nẽra sãn dɔla nẽrsaalba mẽŋa n boorɩ se'em na, la de la be'em la Nawẽnnɛ, se'ere n soe la, nẽrsaala mẽŋa n boorɩ se'em na ka sakrɩ Nawẽnnɛ lɔɔ la, la a põn ka tãna wʋn sakɛ ẽ.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Galatɩ 6:8

Nẽr-sɛka n ɩtɩ sɛla tɩ a mẽŋa yɛmleego boorɩ, a wʋn yẽ a yɛmleego yõorɔ n de kũm. La sɛka n ɩtɩ sɛla tɩ Nawẽnnɛ Sɩa boorɩ la, a wʋn yẽ Nawẽnnɛ Sɩa n bɔ'ɔrɩ sɛla n de vɔm n ka ba'asrɩ.