Aromduma 8:23 - Farefare Ninkaré

²³ La, la dagɩ bõn-nãanɩsɩ la mã'a, tõma mẽŋa tɩ Nawẽnnɛ dẽŋɛ bɔ tɩ a Sɩa pa'alɛ tɩ tɩ wʋn yẽ nã'asgɔ la, nãmsrɩ mɛ tɩ sũure pʋam gu'ura wakat-sɛka tɩ Nawẽnnɛ wʋn fãagɛ tɩ ba'asɛ tɩ tɩ dɛna a kɔma.

ZE'ELEGO PAALEGA

²³ Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

Aromduma 8:23 ပူးပေါင်းရင်းမြစ်များ

Aluki 20:36

La ba ka tã wʋn le ki, se'ere n soe la, ba ãn wʋ malɛkadõma la. Ba de la Nawẽnnɛ kɔma, ban vo'oge dee basɛ kũm na ĩyã.

Aluki 21:28

La ya sãn yẽ tɩ bõn-bãna pɔsɛ ɩta, gorge-ya bɩsɛ saazuum, tɩ ya fãarɛ lɛm mɛ.»

Aromduma 5:11

Sɛla n pa'asɛ, tõma ɩtɩ sũ-yẽlga mɛ la Nawẽnnɛ, tõma Zuudãana Azezi-krisi ĩyã, ẽŋa n botɩ tõma naagɛ la Nawẽnnɛ na.

Aromduma 5:3

La tõma ken ɩta la sũ-yẽlga nãmsgɔ pʋam, tõma mi tɩ nãmsgɔ botɩ tɩ mõrgra sẽnna la nẽŋa.

Aromduma 5:5

Pʋtẽ'e-ẽŋa tɩ tɩ tarɩ la kãn ẽŋɛ tɩ yãnnɛ, se'ere n soe la, Nawẽnnɛ Sɩa la tɩ a bɔ tõma la ẽŋɛ la a nõŋlʋm tɩ sũa pʋam.

Aromduma 7:24

La de la ninbãalga bɔ mam. Ãne n wʋn fãagɛ mam be'em n boe mam pʋam tara mam wɛ'ɛsa kũm zẽ'am wã pʋam?

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

2 Korẽntɩ 1:22

Ẽŋa n dãalɛ tõma pa'alɩ tɩ ẽŋa n soe to, bɔ tõma a Sɩa n de sɛla n pa'alɩ tɩ tɩ wʋn yẽ sɛla wuu tɩ a bĩŋe tɩ a bɔ tɩ la.

2 Korẽntɩ 7:5

Asɩra, tõma n daan paagɛ Masedʋanɩ na, tõma daan ka yẽ vo'osgo baa fẽfẽe. Tõma yẽ toogo buuri wuu mɛ, nẽrba n zɛbɛ la tõma, dee tɩ dabeem tara tõma.

Galatɩ 5:5

La sãn dɛna tõma, la de la tõma n bɔ Krisi sɩra la, tɩ Nawẽnnɛ Sɩa basɛ tɩ tõma tara pʋtẽ'erɛ gu'ura tɩ a wa basɛ tɩ tɩ masɛ a zẽ'am.

Efɛɛzɩ 1:14

A Sɩa la n de sɛla n pa'alɛ tɩ tɩ wʋn yẽ sɛla woo tɩ a bĩŋe nõorɛ tɩ a bɔ tɔ la, halɩ ka paagɛ wakat-sɛka tɩ a wʋn fãagɛ tõma wuu n de a nẽrba la ba'asɛ la, bõn-ẽŋa n wʋn basɛ tɩ tɩ pẽgɛ ẽ, a na'am pãŋa la ĩyã.

Efɛɛzɩ 4:30

Da ẽŋɛ-ya sɛla sã'am Nawẽnnɛ Sɩa sũure, tɩ la de la ẽŋa tɩ Nawẽnnɛ dɩkɛ bɔ ya tɩ la dɛna dãalgɔ pa'alɛ tɩ daarɛ n sẽm tɩ ẽŋa wʋn fãagɛ ya fasɩ fasɩ.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.