Aromduma 8:19 - Farefare Ninkaré

¹⁹ Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

ZE'ELEGO PAALEGA

¹⁹ Timpaberɛ wa za'a ani la kɛli, gee gura Yinɛ kɔma wa niirɛ na.

Aromduma 8:19 ပူးပေါင်းရင်းမြစ်များ

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

Aromduma 8:23

La, la dagɩ bõn-nãanɩsɩ la mã'a, tõma mẽŋa tɩ Nawẽnnɛ dẽŋɛ bɔ tɩ a Sɩa pa'alɛ tɩ tɩ wʋn yẽ nã'asgɔ la, nãmsrɩ mɛ tɩ sũure pʋam gu'ura wakat-sɛka tɩ Nawẽnnɛ wʋn fãagɛ tɩ ba'asɛ tɩ tɩ dɛna a kɔma.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Tõoma 3:21

Dẽnɩ tɩ a bɔna Nawẽnnɛ yire halɩ ka paagɛ wakat-sɛka tɩ sɛla wuu wʋn teege lebge paalsɩ, wʋ Nawẽnnɛ n yʋʋn põn botɩ a nõtɔ'ɔsrɩba tɔgɛ kʋrʋm kʋrʋm se'em na.

Amatie 5:9

Sɛba n botɩ sũ-mã'asʋm bɔna nẽrba tẽŋasʋka tarɩ zu-yẽlga, se'ere n soe la, Nawẽnnɛ wʋn wi'ira ba tɩ a kɔma.

Azã 1:12

La sɛba wuu n to'oge ẽ bɔ ẽ sɩra la, a bɔ ba nõorɛ mɛ tɩ ba lebge Nawẽnnɛ kɔma.

Aromduma 8:14

Nẽr-sɛba wuu n dolɩ sore tɩ Nawẽnnɛ Sɩa pa'alɩ ba la, de la Nawẽnnɛ kɔma.

Aromduma 8:16

Nawẽnnɛ Sɩa la mẽŋa tɔgrɩ la tõma sɩa pa'ala yetɩ tõma de la Nawẽnnɛ kɔma.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

Aromduma 9:26

La zẽ'e-sɛka tɩ ba yʋʋn yetɩ ba tɩ ba dagɩ mam nẽrba la, zẽ'e-ẽŋa ba wʋn wi'ira ba tɩ mam n de Nawẽnnɛ n vɔa la kɔma.»

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

1 Korẽntɩ 1:8

Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

2 Korẽntɩ 6:18

Mam wʋn dɛna ya Sɔ, tɩ ya dɛna mam dayɔɔsɩ, la m pɔyɔɔsɩ.» Zuudãana Nawẽnnɛ n de ke'eŋo wuu dãana la n yele.

Galatɩ 3:26

Yãma n bɔ Azezi-krisi sɩra la, ya wuu de la Nawẽnnɛ kɔma.

Kolɔsɩ 3:4

La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

Hiburuduma 12:27

Ẽn yetɩ a wʋn le mĩim nõor-ayɩla la, pa'alɛ mɛ tɩ sɛla tɩ a nãam na wʋn mĩim mɛ sã'am bɔɩ, dee tɩ sɛla n kãn tã'agɛ mĩim sã'am na mã'a n wʋn weege.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Zã 3:1

Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

Lilegere 21:7

Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.