Aromduma 8:13 - Farefare Ninkaré

¹³ Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

ZE'ELEGO PAALEGA

¹³ Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:13 ပူးပေါင်းရင်းမြစ်များ

Aromduma 6:21

Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Aromduma 7:5

Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

Aromduma 8:12

Bɛla, m sɔbiisi, la de la pẽrgrɛ tɩ tɩ vɔa wʋ Nawẽnnɛ Sɩa n boorɩ se'em na, la dagɩ tɩ vɔa wʋ tɩ mẽŋa yɛmleego n boorɩ se'em na.

1 Korẽntɩ 9:27

Mam mõrgrɩ m ĩyã mɛ tara m mẽŋa sõŋa sõŋa. Se'ere n soe la, mam ka boorɩ tɩ mam n mõolɩ kõ-yẽlga la bɔ'ɔra nẽrba la, mam mẽŋa wa koŋe yɔɔrɔ Nawẽnnɛ zẽ'am.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Galatɩ 6:8

Nẽr-sɛka n ɩtɩ sɛla tɩ a mẽŋa yɛmleego boorɩ, a wʋn yẽ a yɛmleego yõorɔ n de kũm. La sɛka n ɩtɩ sɛla tɩ Nawẽnnɛ Sɩa boorɩ la, a wʋn yẽ Nawẽnnɛ Sɩa n bɔ'ɔrɩ sɛla n de vɔm n ka ba'asrɩ.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 4:30

Da ẽŋɛ-ya sɛla sã'am Nawẽnnɛ Sɩa sũure, tɩ la de la ẽŋa tɩ Nawẽnnɛ dɩkɛ bɔ ya tɩ la dɛna dãalgɔ pa'alɛ tɩ daarɛ n sẽm tɩ ẽŋa wʋn fãagɛ ya fasɩ fasɩ.

Efɛɛzɩ 5:18

Da yũura-ya dãam bugra, tɩ a sã'anɩ la nẽra. Basɛ-ya tɩ Nawẽnnɛ Sɩa sɔna ya, tõnna la ya lɛ sɛla woo pʋam.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.