Aromduma 7:8 - Farefare Ninkaré

⁸ Lɔɔ la n bɔ tõon-be'ero sore tɩ a botɩ mam ɩta sɛla n de sũure buuri wuu. Se'ere n soe la, lɔɔ la sãn ka boe nɩ, tõon-be'ero de la bõn-kɩ'ɩŋa.

ZE'ELEGO PAALEGA

⁸ Gee be'em la en nyɛ yɔ'ɔ nuurɛ bu'a la puan la, nyaa tari la piŋa yɛla kekeko kina n puan na. Ze'elego la han ka boni, be'em ki ni mɛ gã'a.

Aromduma 7:8 ပူးပေါင်းရင်းမြစ်များ

Amarkɩ 7:22

la taaba pɔgba la taaba sɩrba gã'a, la nẽra n nõŋɛ bõnɔ, la pʋtʋʋlgɔ, la yɛmkẽgsɩga, la tõon-dẽgrɔ, la nẽra n ɩtɩ sũure la a tadãana bõnɔ, la pɔ'ɔrɛ yetɔga, la pa'al-m-mẽŋa, la yalm-tõoma.

Azã 15:22

Mam sãn ka wa'am nɩ, la mam sãn ka tɔgɛ nɩ la ba lɛ, ba tõon-be'ero taalɛ ka boe ba zuo. La lɛɛlɛ wã, ba ka tã wʋn yetɩ bãma tarɩ bʋʋrɔ.

Azã 15:24

Mam sãn ka tõm nɩ tõon-sɛba tɩ nẽra baa ayɩla nãn ka tõm ba tẽŋasʋka, ba tõon-be'ero taalɛ ka boe ba zuo. La lɛɛlɛ wã, ba yẽ mam tõoma mɛ, dee sise mam na m Sɔ la.

Aromduma 3:20

Se'ere n soe la, nẽra ka boe n tã wʋn sakɛ lɔɔ la n yele se'em na, masɛ Nawẽnnɛ zẽ'am. Lɔɔ la wen botɩ nẽra bãŋra mɛ tɩ a de la tõon-be'ero dãana.

Aromduma 4:15

Lɔɔ la sɩ'ɩsgɔ botɩ Nawẽnnɛ sũure n isgra. La zẽ'e-sɛka tɩ lɔɔ la ka boe, sɩ'ɩsgɔ mẽ ka boe.

Aromduma 5:20

La sãn dɛna lɔɔ la, a wa'am mɛ tɩ tuure wʋn zo'oge pãɩ. La zẽ'e-sɛka tɩ tõon-be'ero zo'orɩ pa'asra, Nawẽnnɛ yel-sõnnɛ zo'orɩ mɛ pa'asra gãnna bɛla.

Aromduma 7:11

Tõon-be'ero la n yẽ folle la, a dɩkɛ la lɔɔ la pã'asɛ mam yãŋɛ, botɩ mam ki.

Aromduma 7:13

Bɛla, sɛla n ãn sõŋa la n botɩ mam lebge kũm bɩɩ? Ayɛɩ, la dagɩ bɛla. La de la tõon-be'ero la n soe bɛla, a dɩkɛ la lɔɔ la n ãn sõŋa la botɩ mam ki, tɩ la puke pa'alɛ tɩ a sɩrɩ de la tõon-be'ero. Bɛla tɩ lɔɔ la botɩ tõon-be'ero yãŋa lebge sɛla n de tõon-be'e-kãtɛ halɩ tɩ la yõsgɛ.

Aromduma 7:17

Bɛla, la dagɩ mam n ɩtɩ bɛla, la de la tõon-be'ero n boe mam pʋam tõnna.

Aromduma 7:9

Kʋrʋm, mam n daan ka bãŋɛ lɔɔ la, mam daan vɔa mɛ, tɩ yelle kana. La mam n yãŋa bãŋɛ lɔɔ la, tɩ tõon-be'ero tara pãŋa tõnna, dee tɩ mam ki.

1 Korẽntɩ 15:56

La de la tõon-be'ero n botɩ kũm tara pãŋa kʋʋra nẽrba. Tɩ lɔɔ botɩ tõon-be'ero yẽta pãŋa.