Aromduma 7:5 - Farefare Ninkaré

⁵ Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

ZE'ELEGO PAALEGA

⁵ Tumam en daa nan boi tumam en boti se'em puan la, tu be'em kɔrehi la en boi tu puan la daa ihegere mɛ, ze'elego la zuo, tuna tu inganɛ wa puan, wuna kum wala.

Aromduma 7:5 ပူးပေါင်းရင်းမြစ်များ

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

Azã 3:6

Nẽrsaala n dɔgɛ sɛka la de la nẽrsaala, la Nawẽnnɛ Sɩa n dɔgɛ sɛka la tarɩ la Nawẽnnɛ Sɩa vɔm.

Aromduma 1:26

Bɛla tɩ Nawẽnnɛ basɛ ba, tɩ ba ɩta ba mẽŋa yɛmleego n de yãnnɛ. Tɩ ba pɔgsɩ basɛ lan de ba gã se'em na, dee gã la taaba.

Aromduma 3:20

Se'ere n soe la, nẽra ka boe n tã wʋn sakɛ lɔɔ la n yele se'em na, masɛ Nawẽnnɛ zẽ'am. Lɔɔ la wen botɩ nẽra bãŋra mɛ tɩ a de la tõon-be'ero dãana.

Aromduma 4:15

Lɔɔ la sɩ'ɩsgɔ botɩ Nawẽnnɛ sũure n isgra. La zẽ'e-sɛka tɩ lɔɔ la ka boe, sɩ'ɩsgɔ mẽ ka boe.

Aromduma 5:20

La sãn dɛna lɔɔ la, a wa'am mɛ tɩ tuure wʋn zo'oge pãɩ. La zẽ'e-sɛka tɩ tõon-be'ero zo'orɩ pa'asra, Nawẽnnɛ yel-sõnnɛ zo'orɩ mɛ pa'asra gãnna bɛla.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:19

Mam dɩkɛ la nẽrsaalba yelle makɛ bɔ ya, yãma n ka wõnnɩ sɛla võorɛ tɔtɔ la ĩyã. Yãma n daan dɩkɛ ya ĩyã zẽ'esɩ wuu bɔ tõon-dẽgrɔ, la tõon-be'ero tɩ ba tara ba tõnna tõon-be'ero la, bɛla mẽ, lɛɛlɛ wã, dɩkɛ-ya ya mẽŋa wuu bɔ, tõnna sɛla n masɛ, welge to'ore dɛna pʋpeelem dõma.

Aromduma 6:21

Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Aromduma 7:23

La mam yẽ la bõnɔ ayẽma n boe mam pʋam zɛbra la mam pʋtẽ'e-sõŋɔ la, botɩ mam dɛna tõon-be'ero la n boe mam pʋam tõnna la yamŋa.

1 Korẽntɩ 15:56

La de la tõon-be'ero n botɩ kũm tara pãŋa kʋʋra nẽrba. Tɩ lɔɔ botɩ tõon-be'ero yẽta pãŋa.

2 Korẽntɩ 10:3

Tõma de la nẽrsaalba, la tõma ka zɛbrɩ wʋ nẽrsaalba n ɩtɩ se'em na.

Galatɩ 3:10

Nẽr-sɛba n te'ege lɔɔ la, kã'a-be'ero boe ba zuto, se'ere n soe la, la gʋlsɛ yetɩ: «Kã'a-be'ego boe nẽr-sɛka woo n ka ɩtɩ wʋ lan gʋlsɛ se'em wuu Nawẽnnɛ lɔɔ gõŋɔ pʋam na zuugo.»

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Efɛɛzɩ 2:11

Tẽegɛ-ya yan daan ãn se'em na, ba ka dɔgɛ ya tɩ ya dɛna Zifdõma buuri, Zifdõma n wãtɩ la wi'iri ya tɩ a ka wãtɩ dõma. Ba yetɩ bãma de la Nawẽnnɛ nẽrba, bãma n wãtɩ la ĩyã, la bõn-ẽŋa de la sɛla tɩ nẽrba ɩtɩ ba ĩyã pʋam mã'a.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

Yemesi 1:15

La be'em yɛmleego sãn yõkɛ pʋʋrɛ, a dɔgrɩ la tõon-be'ero. La tõon-be'ero la sãn wa bɩ, a sẽm na kũm.

Yemesi 4:1

Zɛbrɛ la nõkɛ'ɛma n boe ya tẽŋasʋka la ze'ele la bɛ? La de la yan boorɩ se'em n de be'em n boe ya pʋam botɩ ya ɩta bɛla.

1 Zã 3:4

Nẽr-sɛka woo n tõnnɩ tõon-be'ero, a sɩ'ɩsrɩ la Nawẽnnɛ nõorɛ. Se'ere n soe la, tõon-be'ero de la Nawẽnnɛ nõorɛ sɩ'ɩsgɔ.