Aromduma 7:4 - Farefare Ninkaré

⁴ M sɔbiisi, yãma zẽ'am la mẽ de la bɛla. La sãn dɛna la Amoyisi lɔɔ la yelle, yãma de la kũm, tɩ lɔɔ la ka le sɔna ya, yãma n lagɩm na Krisi ki la ĩyã. Bɛla lɛɛlɛ wã, yãma yãŋa de la nẽra ayẽma n soe ya, la de la Krisi n ki tɩ Nawẽnnɛ vo'oge ẽ na n soe ya, tɩ tɩ wʋn tõnna tõon-sõma bɔ'ɔra Nawẽnnɛ.

ZE'ELEGO PAALEGA

⁴ La dela bala mɛa n zɔduma wa, yamam ki mɛ keehe ze'elego la, Kiresta inganɛ la puan, ti ya dɛna ayima dinɛ, ya dɛna se'em daana ti ba ihege en kum puan, ti tu ta'am wam wala bo' Yinɛ la.

Aromduma 7:4 ပူးပေါင်းရင်းမြစ်များ

Amatie 26:26

Ban daan boe mĩ dita la, tɩ Azezi dɩkɛ borborɩ pʋ'ʋsɛ Nawẽnnɛ, dee fiise bɔ a karẽnbiisi la yetɩ: «To'oge-ya di. Ẽna de la mam ĩyã.»

Amarkɩ 4:20

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõnnɩ kõ-yẽlga la sakra, wɔm biɛ. Tɩ basɛba wɔm pitã-tã, tɩ basɛba pisyoob-yoobɩ, tɩ basɛba kɔbga kɔbga.»

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Azã 3:29

La ãn wʋ nẽra n di pɔga: Pɔgdita la n soe pɔka la, la pɔgdita la sɩrɛ n ze dee sɛlsra a yetɔga la, a tarɩ sũ-yẽlga mɛ zozo'e. Bɛla mam tarɩ sũ-yẽlga mɛ zozo'e.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Aromduma 6:11

Bɛla mẽ, geele-ya ya mẽŋa wʋ yãma ki mɛ tɩ tõon-be'ero ka le sɔna ya, dee vɔa bɔ'ɔra Nawẽnnɛ nã'asgɔ, yãma n lagɩm na Azezi-krisi dɛna ayɩla la ĩyã.

Aromduma 6:14

Tõon-be'ero kãn le sɔna ya, se'ere n soe la, lɔɔ la ka le sɔna ya, la de la Nawẽnnɛ yel-sõnnɛ n soe ya.

Aromduma 6:2

Ayɛɩ, la dagɩ bɛla. La sãn dɛna tõon-be'ero ɩrgɔ yelle, tõma de la kũm, tõon-be'ero ka le sɔna tõma. Tɩ wʋn ẽŋɛ la wãne le tõnna tõon-be'ero?

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 7:3

Bɛla, a sãn ele bʋraaga ayẽma, dee tɩ a sɩra la ken vɔa, a ẽŋɛ la yalsɩ. La a sɩra la sãn ki, ɛlga lɔɔ la ka le sɔna ẽ. Bɛla, a sãn ele bʋraaga ayẽma, a ka ẽŋɛ yalsɩ.

Aromduma 7:6

La lɛɛlɛ wã, tõma to'oge tɩ mẽŋa lɔɔ la zẽ'am mɛ. Se'ere n soe la, tõma lebge la kũm lɔɔ la zẽ'am, a daan tarɩ tõma wʋ tõma boe la yʋ'a deego pʋam na. Bɛla lɛɛlɛ wã, tõma dolɩ la so-paalɛ tɩ Nawẽnnɛ Sɩa pa'alɛ tɔ, tõnna bɔ'ɔra Nawẽnnɛ, la ka le dɛna lɔɔ kɛka n gʋlsɛ la tɩ tõma dolɩ.

Aromduma 8:2

Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

1 Korẽntɩ 10:16

Bõn-yũula la tɩ tõma ẽn dɩkɛ pʋ'ʋsɛ Nawẽnnɛ dee yũ la, pa'alɛ tɩ tõma lagɩm na Krisi dɛna ayɩla, a zɩɩm n yese bɔ tõma la ĩyã. La borborɩ la tɩ tõma ẽn fiise pʋɩ taaba obe la, pa'alɛ tɩ tõma lagɩm na Krisi dɛna ĩyã ayɩla.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

Galatɩ 3:13

La tõma n ka ẽŋɛ lɔɔ la n yele se'em na wuu ĩyã, Nawẽnnɛ kã'a-be'ego n boe tõma zuto. La Krisi n ki dɔ-puurŋa zuo la, a dɔkɛ kã'a-be'ego la tõma zuto mɛ, tɩ ẽŋa mẽŋa sɔɔgɛ tõma zẽ'am, tɩ kã'a-be'ego la bɔna a zuugo, se'ere n soe la, la gʋlsɛ yetɩ: «Kã'a-be'ego boe nẽr-sɛka tɩ ba yulse ẽ dɔɔgɔ zuo la zuugo.»

Galatɩ 5:18

La Nawẽnnɛ Sɩa la sãn sɔna ya, ya ka le bɔna lɔɔ la nu'usum.

Efɛɛzɩ 2:15

bɔna tɩ tẽŋasʋka welge to tɩ tɩ sisra taaba la, dee basɛ tɩ Amoyisi lɔɔ, la yel-sɛba tɩ a yetɩ ba ɩta la ka le tõnna, botɩ Zifdõma, la sɛba n dagɩ Zifdõma naagɛ taaba lagɩm na ẽŋa lebge buur-paalga ayɩla tara sũ-mã'asʋm la taaba.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:17

La dagɩ tɩ mam eerɩ la bɔ'a, mam n boorɩ sɛla de la ya yẽ yɔɔrɔ zo'oge.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 1:22

La lɛɛlɛ wã, Nawẽnnɛ naagɛ ya mɛ la ẽŋa, a Dayʋa n lebge nẽrsaala ki la ĩyã, tɩ a tarɩ ya sẽŋɛ ka ze'ele Nawẽnnɛ nẽŋam la pʋpeelem, tɩ ya ka tara yelle, tɩ dõrga kana.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

Kolɔsɩ 2:14

Tõma daan sɩ'ɩsɛ la Nawẽnnɛ lɔɔ, tõm tõon-be'ero n pa'alɛ tɩ tõma masɛ la sɩbgrɛ. La ban ka Krisi kũm dɔ-puurŋa zuo la, Nawẽnnɛ basɛ yel-ẽŋa taalɛ mɛ, tɩ a ka le bɔna tõma zuo.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Hiburuduma 10:10

Azezi-krisi ẽŋɛ la Nawẽnnɛ n boorɩ se'em, a dɩkɛ la a mẽŋa kãabɛ bɔ ẽ nõorɛ ayɩla wakatɛ wuu ĩyã, tɩ tõma welge to'ore dɛna Nawẽnnɛ nẽrba.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

Lilegere 19:7

Basɛ-ya tɩ tɩ ẽŋɛ sũ-yẽlga sɩrʋm nã'asɛ Nawẽnnɛ, se'ere n soe la, Pebila la pɔgdire wakatɛ paagɛ mɛ, tɩ pɔka la mẽ mãasʋm a mẽŋa ba'asɛ.

Lilegere 21:9

Tɩ malɛkadõma bayopɔɩ la n daan zãlɩ laasɩ bayopɔɩ n pɩrɛ la tooro bayopɔɩ n de ba'asgɔ tooro la, ayɩla wa'am wa yele mam yetɩ: «Wa'am tɩ mam wʋn pa'alɛ fʋ pɔka la n yetɩ a ele la, Pebila la pɔga la.»