Aromduma 7:24 - Farefare Ninkaré

²⁴ La de la ninbãalga bɔ mam. Ãne n wʋn fãagɛ mam be'em n boe mam pʋam tara mam wɛ'ɛsa kũm zẽ'am wã pʋam?

ZE'ELEGO PAALEGA

²⁴ Bihɛ mam n de nɛra vom n tari nimbaalega se'em. Ani en wan faaɛ mam insɛka n tari kum kina wa puan bahɛ?

Aromduma 7:24 ပူးပေါင်းရင်းမြစ်များ

Amatie 5:4

Sũ-sã'aŋɔ dõma tarɩ zu-yẽlga, se'ere n soe la, Nawẽnnɛ wʋn botɩ ba sũure mã'agɛ.

Amatie 5:6

Sɛba n boorɩ sɛla n masɛ Nawẽnnɛ yɛm la ba sũure wuu tarɩ zu-yẽlga, se'ere n soe la, Nawẽnnɛ wʋn bɔ ba sɛla tɩ ba boorɩ la tɩ la seke.

Aluki 4:18

«Zuudãana Nawẽnnɛ Sɩa n boe la mam, ẽŋa n looge mam bɔ mam pãŋa, tɩ m bʋglɛ sũ-sã'aŋɔ dõma sũure, tɩ m mõolɛ kõ-yẽlga la bɔ nasdõma, dee tõm mam tɩ m tɔgɛ bɔ yamsɩ tɩ ba wʋn yẽ yolsgo, dee tɔgɛ bɔ fɔɔsɩ tɩ ba nini wʋn pike, dee yese sɛba n boe nãmsgɔ pʋam la basɛ,

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

Aromduma 8:2

Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

Aromduma 8:23

La, la dagɩ bõn-nãanɩsɩ la mã'a, tõma mẽŋa tɩ Nawẽnnɛ dẽŋɛ bɔ tɩ a Sɩa pa'alɛ tɩ tɩ wʋn yẽ nã'asgɔ la, nãmsrɩ mɛ tɩ sũure pʋam gu'ura wakat-sɛka tɩ Nawẽnnɛ wʋn fãagɛ tɩ ba'asɛ tɩ tɩ dɛna a kɔma.

Aromduma 8:26

Bɛla mẽ, Nawẽnnɛ Sɩa la sẽnnɩ sõŋra tõma mɛ tɩ tɔrgɔ pʋam. Se'ere n soe la, tõma ka mi tõma n wʋn pʋ'ʋsɛ Nawẽnnɛ se'em tɩ la masɛ. La Nawẽnnɛ Sɩa mẽŋa sosrɩ Nawẽnnɛ bɔ'ɔra tõma mɛ, tɔgra yetɔga tɩ nẽra ka tã wʋn tɔgɛ.

Kolɔsɩ 2:11

Yãma n lagɩm na ẽ na, ya wã mɛ, la dagɩ wã-sɛka tɩ nẽrsaalba wãtɩ tɩ la pa'alɛ tɩ ba de Nawẽnnɛ nẽrba la. La de la Krisi n teege ya sũure tɩ ya lebge Nawẽnnɛ nẽrba, yese ya pʋtẽ'e-be'ero wuu.

2 Timoti 4:18

Zuudãana la n wʋn ken fãagɛ mam yese mam be'em wuu pʋam, kẽ'esɛ mam a so'olʋm na pʋam. Ẽŋa n soe nã'asgɔ wakatɛ n ka ba'asrɩ. Amina.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 2:15

La de la bɛla tɩ a ẽŋɛ fãagɛ sɛba tɩ kũm dabeem tarɩ ba botɩ ba ãna wʋ yamsɩ ba vɔm na wuu pʋam na basɛ.

Lilegere 21:4

A wʋn duuse ba nintãm wuu. La kũm kãn le bɔna, sũ-sã'aŋɔ la kaasga, bɩɩ toogo kãn le bɔna. Yel-kɛgsɩ la wuu tole mɛ.»