Aromduma 7:14 - Farefare Ninkaré

¹⁴ Tɩ mi tɩ lɔɔ la de la Nawẽnnɛ Sɩa yelle. La mam de la nẽrsaala tɩ tõon-be'ero tara mam ɩta ẽŋa n boorɩ se'em.

ZE'ELEGO PAALEGA

¹⁴ Bala zuo, tu mi' ti ze'elego la dela Sia puan tuunɛ, gee mam en ŋwana dɛna asaala, ti ba koohe mam ti n dɛna da'aberɛ bo' be'em.

Aromduma 7:14 ပူးပေါင်းရင်းမြစ်များ

Amatie 16:23

Tɩ Azezi gelge yele Apɩyɛɛrɩ yetɩ: «Lebe mam poorʋm, Asũtãana wã. Fõn boorɩ tɩ fʋ botɩ mam lebe la poorʋm. Fʋ tẽ'esgɔ la dagɩ Nawẽnnɛ tẽ'esgɔ, la de la nẽrsaala tẽ'esgɔ.»

Amatie 18:25

La a daan ka tarɩ sɛla wʋn yɔ, tɩ a zuudãana la bɔ nõorɛ yetɩ, ba koose ẽ, la a pɔga la a kɔma, la a lɔgrɔ wuu yɔ sãnnɛ na.

Amatie 5:22

La mam yetɩ ya tɩ nẽr-sɛka woo sũure n isge la a sɔbia, la masɛ tɩ ba di a sarɩya. La sɛka n yele a sɔbia yetɩ: ‹Yalma›, la masɛ tɩ sarɩyaditba nẽŋadõma di a sarɩya. La sɛka n yele a sɔbia yetɩ: ‹Fʋ ka tarɩ võorɛ›, ẽŋa dãana masɛ mɛ tɩ a kẽ bug-tẽŋa.

Amatie 5:28

La mam yetɩ ya tɩ, sɛka n bɩsɛ pɔka tɩ a yɛm bɔɔra ẽ, a põn gã'arɛ la ẽ mɛ a sũure pʋam.

Aluki 5:8

La Asimõ yʋ'ʋrɛ ayɩla n de Apɩyɛɛrɩ n yẽ bɛla la, tɩ a ka dũma tẽŋa Azezi nẽŋam yele ẽ yetɩ: «Zuudãana, fõrgɛ mam zẽ'am, se'ere n soe la, mam de la tõon-be'ero dãana.»

Aluki 7:6

Tɩ Azezi dɔla ba wɛ'ɛsa ka lɛm yire la, tɩ sʋda-kɛ'ɛma la le tõm a sɩrdõma tɩ ba yele ẽ yetɩ: «Zuudãana, da nãmsɛ fʋ mẽŋa. Mam ka narɩ tɩ fʋ wa'am mam yire,

Aromduma 3:9

Bɛla, tõma Zifdõma gãnnɩ nẽr-sɛba n dagɩ Zifdõma la mɛ bɩɩ? Ayɛɩ! La dagɩ bɛla. Mam dẽŋɛ põn yele tɩ Zifdõma, la sɛba n dagɩ Zifdõma, tõma wuu boe la tõon-be'ero yamnɛ pʋam,

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 7:18

La de se'em na, mam mi tɩ sɛla n ãn sõŋa ka boe mam pʋam. Mam boorɩ tɩ m yetɩ, sɛla n ãn sõŋa ka boe mam n de nẽrsaala mẽŋa n vɔa se'em na pʋam. Mam boorɩ tɩ m ẽŋɛ sɛla n ãn sõŋa mɛ, la mam ka tarɩ pãŋa wʋn ẽŋɛ.

Galatɩ 4:3

Tõma n mẽ daan ka bãŋɛ Nawẽnnɛ sɩra, ãna wʋ kɔma la, tõma daan de la dũnia wã yɛla yamsɩ.

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Hiburuduma 4:12

Nawẽnnɛ yetɔga la vɔa mɛ, tara pãŋa, dee tara nõorɛ gãnna sʋkɔbgɔ n saasɛ tara nõa bayi. A kẽ'erɩ la nẽra pʋam mina a sɩa, la a sũure yɛla wuu bɔkra, dee mina a pʋtẽ'erɛ, la a yɛm wuu n ãn se'em, wʋ sʋ'a n welgrɩ kõb-suglsi paara kõb-sõom na.