Aromduma 6:6 - Farefare Ninkaré

⁶ Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

ZE'ELEGO PAALEGA

⁶ Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

Aromduma 6:6 ပူးပေါင်းရင်းမြစ်များ

Aromduma 6:12

Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 7:14

Tɩ mi tɩ lɔɔ la de la Nawẽnnɛ Sɩa yelle. La mam de la nẽrsaala tɩ tõon-be'ero tara mam ɩta ẽŋa n boorɩ se'em.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

2 Korẽntɩ 5:14

La de la Krisi nõŋlʋm n soe tõma la ĩyã. Tõma bãŋɛ mɛ tɩ nẽra ayɩla n ki nẽrba wuu ĩyã, tɩ la pa'alɛ tɩ nẽrba wuu po lagɩm na ẽ ki mɛ.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.