Aromduma 6:3 - Farefare Ninkaré

³ Yãma ka mi tɩ tõma wuu n mise ko'om lagɩm na Azezi-krisi dɛna ayɩla la, tõma lagɩm na ẽ mɛ dɛna ayɩla a kũm na pʋam?

ZE'ELEGO PAALEGA

³ Ya ka mi' ti tumam sɛba woo en sɔ tɔ Kiresta Yezu puan la, ba sɔ tɔ ki'ihɛ la a kum la puan?

Aromduma 6:3 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Tõoma 19:5

La ban wõm bɛla la, ba botɩ ba mise ba ko'om pʋam mɛ Zuudãana Azezi yʋ'ʋrɛ ĩyã.

Tõoma 2:38

Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

Tõoma 8:16

Se'ere n soe la, ba daan põn mise ba la ko'om pʋam la Zuudãana Azezi yʋ'ʋrɛ, dee tɩ Nawẽnnɛ Sɩa nãn ka sige ba nẽra nẽra zuo.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

Aromduma 6:8

La tõma sãn lagɩm na Krisi ki, tõma mi sɩra sɩra tɩ tõma mẽ wʋn lagɩm na ẽ vɔa.

Aromduma 7:1

M sɔbiisi, mam tɔgrɩ la yãma n mi lɔɔ la. Ya mi tɩ lɔɔ la soe nẽra la wakat-sɛka tɩ a vɔa la.

1 Korẽntɩ 10:2

La ãn wʋ Nawẽnnɛ yʋʋn mise ba mɛ sawatɛ la pʋam, la ko-kãtɛ la pʋam tɩ ba dɛna ayɩla la Amoyisi.

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

1 Korẽntɩ 15:29

Sɛba n ki la sãn kãn malɩn vo'oge, nẽr-sɛba n botɩ ba misra ba ko'om pʋam sɛba n ki ĩyã la, wʋn ẽŋɛ la wãne? Kũm sãn kãn malɩn vo'oge, bẽm tɩ ba ɩta bɛla?

1 Korẽntɩ 3:16

Ya ka mi tɩ ya de la Nawẽnnɛ deego tɩ a Sɩa bɔna ya pʋam?

1 Korẽntɩ 5:6

Yãma n zẽkrɩ ya mẽnsɩ la, la ka ãn sõŋa. Yãma ka mi tɩ dãbɩllɛ fẽe n botɩ borborɩ zom wuu ukra?

1 Korẽntɩ 6:19

Ya ka mi tɩ ya ĩyã la de la Nawẽnnɛ Sɩa deego? Nawẽnnɛ Sɩa la tɩ a bɔ ya la boe ya pʋam mɛ, ya ka soe ya mẽŋa.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

1 Korẽntɩ 9:13

Yãma ka mi tɩ sɛba n tõnnɩ Wẽnde-kãtɛ la pʋam, diti la bilam? La tɩ sɛba n kãabrɩ bɔ'ɔra Nawẽnnɛ na, to'orɩ ba pʋrɛ la kãabgɔ zẽ'a na?

1 Korẽntɩ 9:24

Yãma mi tɩ zʋa pʋam, zɔtba la wuu lagɩm zɔta mɛ, la ba nẽra ayɩla mã'a n wʋn zoe yãŋɛ to'oge bɔ'a. Bɛla, mõrgɛ-ya wʋ zɔtba n zotɩ se'em na, tɩ ya yãŋɛ to'oge bɔ'a Nawẽnnɛ zẽ'am.

2 Korẽntɩ 13:5

Vẽesɛ-ya ya mẽŋa bɩsɛ ya sãn bɔna Krisi sore la zuo. Ya mẽŋa geele bɩsɛ, yãma ka mi tɩ Krisi boe la yãma mɛ? Sãn dagɩ nɩ bɛla, ya koŋe mɛ.

Galatɩ 3:27

Yãma wuu tɩ ba mise ya ko'om pʋam na, ya lagɩm na Krisi dɛna ayɩla, ãna wʋ ẽŋa n ãn se'em na.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.