Aromduma 6:23 - Farefare Ninkaré

²³ Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

ZE'ELEGO PAALEGA

²³ Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 6:23 ပူးပေါင်းရင်းမြစ်များ

Amatie 25:46

La bãma wʋn sẽŋɛ ka kẽ nãmsgɔ n ka ba'asrɩ pʋam. La sɛba n ẽŋɛ sɛla n masɛ la wʋn yẽ vɔm n ka ba'asrɩ.»

Azã 10:28

Mam bɔ'ɔrɩ ba la vɔm n ka ba'asrɩ, tɩ ba kãn malɩn sã'am, la nẽra ka tã wʋn fãagɛ ba mam nu'usum.

Azã 17:2

La de la fõn bɔ mam nõorɛ tɩ m sɔna nẽrsaalba wuu, dee bɔ sɛba tɩ fõn bɔ mam na wuu vɔm n ka ba'asrɩ.

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Azã 4:14

La sɛka n wʋn yũ ko-sɛba tɩ mam wʋn bɔ ẽ na, koyũuro kãn le malɩn tarɩ ẽ. La ko-sɛba tɩ mam wʋn bɔ ẽ na wʋn lebge wʋ bulga, bulla a pʋam bɔ'ɔra ẽ vɔm n ka ba'asrɩ.»

Azã 4:36

Sɛka n lagsrɩ la põn tara la yɔɔrɔ. Lagsgɔ la de la nẽrba tɩ a lagsrɩ tɩ ba tara vɔm n ka ba'asrɩ. Bɛla tɩ sɛka n bʋrɛ, la sɛka n lagsɛ la lagɩm ɩta sũ-yẽlga.

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Azã 6:27

Da tõnna-ya dia n wʋn sã'am ĩyã, tõnna-ya di-sɛba n bɔ'ɔrɩ vɔm n ka ba'asrɩ ĩyã, Nẽrsaala Dayʋa n wʋn bɔ ya vɔm ẽŋa. Se'ere n soe la, la de la ẽŋa tɩ Nawẽnnɛ n de Sɔ la bɔ ẽ a nõorɛ.»

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:68

Tɩ Asimõ-pɩyɛɛrɩ lerge ẽ yetɩ: «Zuudãana, tõma wʋn basɛ fõn dee sẽŋɛ la ãn zẽ'am? Fõn tarɩ la yetɔga n bɔ'ɔrɩ vɔm n ka ba'asrɩ.

Aromduma 1:32

Ba mi tɩ Nawẽnnɛ yetɩ nẽr-sɛba n ɩtɩ bɛla la masɛ la kũm, la baa bɛla ba ken ɩta la bõn-bãma, dee yetɩ nẽr-sɛba n ɩtɩ bɛla la ɩtɩ sõŋa mɛ.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 5:12

La de la nẽra ayɩla n yʋʋn tõm tõon-be'ero ĩyã n botɩ tõon-be'ero wa'am dũnia. Tɩ tõon-be'ero la tarɩ kũm wa'am. Bɛla tɩ kũm kʋʋra nẽrsaalba wuu, ban tõnnɩ tõon-be'ero la ĩyã.

Aromduma 5:17

Lan de nẽra ayɩla tuure ĩyã tɩ kũm tãna nẽrba wuu la, bãŋɛ-ya tɩ nẽra ayɩla n de Azezi-krisi mã'a ĩyã, nẽr-sɛba wuu tɩ Nawẽnnɛ ẽŋɛ ba yel-sõnnɛ zo'oge, botɩ ba masɛ a zẽ'am na, wʋn vɔa mɛ, dita na'am Azezi-krisi ĩyã.

Aromduma 5:21

Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

Aromduma 6:21

Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

Aromduma 8:38

Mam mi sɩra sɩra, tɩ sɛla sɛla ka boe n wʋn yãŋɛ welge tõma la Nawẽnnɛ nõŋlʋm. La sãn dɛna kũm, bɩɩ vɔm, bɩɩ malɛkadõma, bɩɩ pãnsɩ dõma, bɩɩ ke'eŋo dõma, bɩɩ sɛla n boe lɛɛlɛ wã, bɩɩ sɛla n sẽm,

Aromduma 8:39

bɩɩ bõn-sɛba n tarɩ pãŋa saazuum, bɩɩ sɛla n tarɩ pãŋa tẽŋa, bõn-nãanɩŋa baa ayɩla ka tã wʋn welge tõma la Nawẽnnɛ nõŋlʋm tɩ a nõŋɛ tõma tɩ Zuudãana Azezi-krisi ĩyã la.

Aromduma 8:6

Nẽrsaala mẽŋa yɛmleego n boorɩ se'em, sẽm na kũm. La a sãn dɔla Nawẽnnɛ Sɩa n boorɩ se'em na, la bɔ'ɔrɩ la vɔm, la sũ-mã'asʋm.

Galatɩ 3:10

Nẽr-sɛba n te'ege lɔɔ la, kã'a-be'ero boe ba zuto, se'ere n soe la, la gʋlsɛ yetɩ: «Kã'a-be'ego boe nẽr-sɛka woo n ka ɩtɩ wʋ lan gʋlsɛ se'em wuu Nawẽnnɛ lɔɔ gõŋɔ pʋam na zuugo.»

Taitusi 1:2

Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Yemesi 1:15

La be'em yɛmleego sãn yõkɛ pʋʋrɛ, a dɔgrɩ la tõon-be'ero. La tõon-be'ero la sãn wa bɩ, a sẽm na kũm.

1 Zã 2:25

Krisi n bĩŋe nõorɛ tɩ a bɔ tɩ sɛla n wãna: La de la vɔm n ka ba'asrɩ.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»