Aromduma 6:2 - Farefare Ninkaré

² Ayɛɩ, la dagɩ bɛla. La sãn dɛna tõon-be'ero ɩrgɔ yelle, tõma de la kũm, tõon-be'ero ka le sɔna tõma. Tɩ wʋn ẽŋɛ la wãne le tõnna tõon-be'ero?

ZE'ELEGO PAALEGA

² Sore ka boi bala la fii me! Ŋwani ti tumam sɛba en ka le bɔna be'em tuuma puan la, wan le lebena vɔna bu puan?

Aromduma 6:2 ပူးပေါင်းရင်းမြစ်များ

Aluki 20:16

A wʋn wa'am wa kʋ nẽrba la mɛ, dee to'oge va'am na bɔ nẽrba basɛba tɩ ba bɩsra.» La nẽrba la n wõm bɛla la, ba yetɩ: «La kãn ẽŋɛ bɛla baa fẽfẽe.»

Aromduma 5:11

Sɛla n pa'asɛ, tõma ɩtɩ sũ-yẽlga mɛ la Nawẽnnɛ, tõma Zuudãana Azezi-krisi ĩyã, ẽŋa n botɩ tõma naagɛ la Nawẽnnɛ na.

Aromduma 6:15

Bɛla, tɩ wʋn yetɩ bo? Tɩ wʋn tõnna la tõon-be'ero, lɔɔ la n ka soe tõma, dee tɩ Nawẽnnɛ yel-sõnnɛ sɔna tõma la ĩyã bɩɩ? Ayɛɩ, la dagɩ bɛla.

Aromduma 7:4

M sɔbiisi, yãma zẽ'am la mẽ de la bɛla. La sãn dɛna la Amoyisi lɔɔ la yelle, yãma de la kũm, tɩ lɔɔ la ka le sɔna ya, yãma n lagɩm na Krisi ki la ĩyã. Bɛla lɛɛlɛ wã, yãma yãŋa de la nẽra ayẽma n soe ya, la de la Krisi n ki tɩ Nawẽnnɛ vo'oge ẽ na n soe ya, tɩ tɩ wʋn tõnna tõon-sõma bɔ'ɔra Nawẽnnɛ.

Aromduma 7:6

La lɛɛlɛ wã, tõma to'oge tɩ mẽŋa lɔɔ la zẽ'am mɛ. Se'ere n soe la, tõma lebge la kũm lɔɔ la zẽ'am, a daan tarɩ tõma wʋ tõma boe la yʋ'a deego pʋam na. Bɛla lɛɛlɛ wã, tõma dolɩ la so-paalɛ tɩ Nawẽnnɛ Sɩa pa'alɛ tɔ, tõnna bɔ'ɔra Nawẽnnɛ, la ka le dɛna lɔɔ kɛka n gʋlsɛ la tɩ tõma dolɩ.

Galatɩ 2:19

La sãn dɛna lɔɔ la, a botɩ mam lebge la kũm a ĩyã, mam ka le dɔla ẽ. Mam lagɩm na Krisi ki dɔ-puurŋa zuo, tɩ m vɔa Nawẽnnɛ ĩyã,

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Kolɔsɩ 3:3

Se'ere n soe la, ya ki mɛ, la ya vɔm boe la Krisi lɛ Nawẽnnɛ zẽ'am.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

1 Zã 3:9

Sɛka n de Nawẽnnɛ bia ka le tõnna tõon-be'ero, se'ere n soe la, Nawẽnnɛ pãŋa n bɔ'ɔrɩ vɔm n boe a pʋam, a ka le tãna wʋn tõnna tõon-be'ero, Nawẽnnɛ n de a Sɔ la ĩyã.